錫亞琴冰川

出自維基百科,自由嘅百科全書
錫亞琴冰川
錫亞琴冰川張衞星相
錫亞琴冰川張衞星相
類型 山區冰川 (Mountain glacier)
位置 喀什米爾
80公里

錫亞琴冰川英文Siachen Glacier印地文सियाचिन हिमनद ),響東喀喇崑崙山脈,大約位置係35°11′55″N 77°12′05″E / 35.19861°N 77.20139°E / 35.19861; 77.20139座標: 35°11′55″N 77°12′05″E / 35.19861°N 77.20139°E / 35.19861; 77.20139。渠係喀喇崑崙最長嘅冰川,亦係地球極地以外第二長嘅[1]。渠發源自中國邊境海拔5753米嘅英迪拉凹英文Indira Col,去到渠海拔3620米嘅冰川尾英文Glacier terminus

錫亞琴冰川之北係中亞印度大陸分水嶺。條冰川被西邊嘅 Saltoro 山脊同 東邊嘅喀喇崑崙主脈夾住。 Saltoro 山脊由北邊中國邊境嘅喀喇崑崙山脈 Sia Kangri 峰發起,渠嘅脊梁由最低 5450米 高到 7720 米。 其主要山凹,由北到南,有:Sia La (5589 米), Bilafond La (5450米),Gyong La (5689 米)。

衝突地區[編輯]

條冰川位於印巴相爭嘅喀什米爾地區。嗰道冬季平均落雪10.5米,温度低至攝氏 -50 度。 個名錫亞琴嘅意思係「野玫瑰之地」;有啲人話渠指條冰川下面個山谷道好茂盛嘅喜瑪拉雅山野花,特别係嗰啲生喺石上面嘅有刺嘅植物。呢道係世上最高嘅戰場;印度巴基斯坦自從1984年4月13號就間唔中喺道打來打去。兩國長期係呢撻6000米以上嘅山區駐軍。呢道啲喺典型嘅山區戰事。條冰川啲冰融咗後,流入奴勃拉河(en:Nubra),之後流入希約克河 (en:Shyok River),再流入印度河。 呢啲水係印度河嘅一支重要水源。全球變暖令到呢啲喜瑪拉雅冰融得從未見過咁快,後果可能好嚴重。

錫亞琴之爭源自地圖: 喺座標NJ9842之後啲疆界就嘜得唔清唔楚 。1949年嘅 卡拉奇協議1972年嘅 Simla 協議 都無清楚指出邊個控制條冰河,只係話由 NJ9842 點開始,條邊界 「自此向北面啲冰川("thence north to the glaciers")」 咁樣延伸。但 1960年代同1970年代時,亞美利根合聚國防制圖局( Defense Mapping Agency) (而家變咗做國家地空情報局 [National Geospatial-Intelligence Agency]) 毫無法律或任何邊界文書根據咁就喺渠地啲公開嘅、畀飛機師睇到嘅地圖(maps available to the public and pilots)畫咗條國界,由 NJ9842 伸向東東北中國邊境嘅5534米(18136英尺)嘅喀喇崑崙凹。 衆多政府同埋私家製圖者就跟住咁劃,變相送咗嗰 2700 平方公里嘅錫雅琴地區畀巴基斯坦。印度政府同軍方見到咁樣...... 1984年以前巴基斯坦軍同印度軍都無長駐呢區。

[編輯]

1970 年代 同早期 1980年代時有幾支登山隊經巴基斯坦政府批淮,登咗錫雅琴地區幾座高峰;咁樣加強咗巴基斯坦稱主權嘅理據。 1978年,印度陸軍上校N. Kumar 組織咗次軍事考察,去到啲 Teram Kangri 山峰 (呢啲山峰係中國邊境,落喺由 NJ9842 向正北劃嗰條線以東少少)作回應。1982年,Joydeep Sircar 喺加爾各塔份《電報》(The Telegraph)上首次公開指出有衝突可能;1984年,哩篇文以《山政》 "Oropolitics" 為題倫敦出現喺《阿爾卑斯誌》(Alpine Journal) 道。1984年4月13號,印度發動「雲使行動(en:Operation Meghdoot (其名來自梵文劇之神聖雲使),派其陸軍 Kumaon 同埋 空軍 去啲冰川地區;巴基斯坦軍旋即回應;咁兩隊人就玩鬬快上山頂。 幾日內,印度軍登上多數Saltoro 山脊高地, 領先巴基斯坦軍差唔多成個星期,從而控制冰川區大部。北部兩個山凹 - Sia La 同 Bilfond La - 好快就被印度揸住。 喺渠部回憶錄,現任巴基斯坦總統Pervez Musharraf將軍話:巴基斯坦輸咗差唔多成 2,331 平方公里(900平方英里)土地[2]TIME 話印度獲得近1,000 方里嘅巴基斯坦稱地。[3] 此後巴基斯坦試過幾次趕走啲印度軍,但無乜結果。其中最為人知者係1987Pervez Musharraf帶咗隊該區新成立嘅特别服務組(Special Services group (SSG))突擊隊嗰次。渠地喺Khapalu 組織咗 一隊八千員嘅特别駐軍,其直接目標係奪取 Bilafond La,但肉搏咗一大輪,巴基斯坦軍仍被印度軍打回原地。 印度下級軍官(Naik SubedarBana Singh係唯一喺錫雅琴靠打真軍獲得Param Vir Chakra ---- 印度最高勇氣勲章(gallantry award) ---- 者;渠日光日白響6700米高峰 襲擊並奪得一座巴基斯坦睄崗 ---- 而家就叫做 Bana 崗。[4]

其後巴基斯坦亦喺1990, 1995, 1996 甚至 1999年初(Lahore 峰會之前)試過收復失地。1995年巴基斯坦 SSG 嘅攻勢死傷咗 40 人,但位置上乜都無變。[5]

現況[編輯]

2018年5月,印度總統柯文德(Ram Nath Kovind)訪問當地,見駐守嘅印度兵。

印度軍隊控制成條錫亞琴冰川 同 冰川之西 Saltoro 山脊三個主要山凹: Sia La, Bilafond La, and Gyong La,佔高地優勢。[6] Gyong La (Pass) 位於北緯 35-10-29, 東經77-04-15;印度控制嗰點。巴基斯坦控制 Gyong La 西南五東里外嘅下游山谷。越來越多人叫印度軍同巴基斯坦軍扎住嗰條線做「實際地面位置線」(Actual Ground Position Line (AGPL)).[7][8] 巴基斯坦軍一直上唔到 Saltoro 山脊,印度軍亦都唔敢放棄佢地啲制高點。2003年相方停火。此前每年死係天氣嘅士兵都多過死喺對方手上者。雙方夾埋失去咗 2,000 員,其中主因係凍傷雪崩 同其他複雜問題。 雙方係冰川上共有 150 站睄崗,各國共有約 3,000 員士兵。印度同巴基斯坦官方話渠地喺呢道每年各用咗3百萬 同 2百萬蚊。 印度喺條冰川上,海拔6400米嘅 Sonam 度 起咗撻世界最高嘅直升機坪。印度係條冰川上裝咗世界最高一座電話亭[9] 雙方都想撤出呢道,但自從1999年嘅Kargil War,其中巴基斯坦派員越過控制線滲入印度軍空置嘅崗位,印度就唔再打算喺正式確認界線之前撤走。 布圖Benazir Bhutto做緊巴基斯坦總理時 去過Gyong La 西面之地。其後2005年6月12號,印度總理Manmohan Singh去咗嗰道探吓,呼喻和平解決呢道問題。此前一年,印度總統Abdul Kalam亦去過嗰道一遊。印度嘅Jet Airways打算辦條包機航線(chartered service)去最近冰川嘅機場--Thoise 空軍基地,以服務軍方為主。巴基斯坦國際航線(PIA)每日都接遊客同山友Skardu----上K2嘅中轉站;K2 位於錫雅琴地區西北 33 千米。但有時啲天氣會禁飛呢啲機。

睇埋[編輯]

參攷[編輯]

  1. 錫亞琴冰川長 70 千米;Tajikistan 嘅 Fedchenko 冰川長 77 千米。喀喇崑崙山區嘅老二 Biafo 冰川 長 63 km。 呢的數據來自近排嘅相(imagery), 同埋俄羅斯之 1 比 200,000 地形圖同 1990 蘇黎世嘅瑞士阿爾卑斯研究會(Swiss Foundation for Alpine Research) "Orographic Sketch Map: Karakoram: Sheet 2"
  2. Pervez Musharraf (2006). In the Line of Fire: A Memoir. Free Press. ISBN 0-7432-8344-9.(pp. 68-69)
  3. The Himalayas War at the Top Of the World 互聯網檔案館歸檔,歸檔日期2009年1月14號,. July 31, 1989 - TIME
  4. . 原著喺2009年4月8號歸檔. 喺2006年12月30號搵到.
  5. http://www.kashmirsentinel.com/apr1999/3.9.html
  6. 欲知呢場衝突(包括早期)嘅地理,見 http://www.bharat-rakshak.com/MONITOR/ISSUE6-1/Siachen.html 互聯網檔案館歸檔,歸檔日期2012年6月14號,. , 同埋 http://www.globalsecurity.org/military/world/war/siachen.htm 小心 -- 渠地啲料可能舊或者唔準
  7. Confirm ground position line on Siachen: BJP - April 29, 2006, The Hindu
  8. Guns to fall silent on Indo-Pak borders November 26, 2003 - Daily Times
  9. . 原著喺2012年11月3號歸檔. 喺2006年12月30號搵到.

出面網頁[編輯]