鎳鎘電池

鎳氫電池

鎳鎘電池（粵拼：nik⁶ gaak³ din⁶ ci⁴）（Ni–Cd 電池）係一種可叉電嘅電池，電極用氫氧化氧鎳（NiOOH）同金屬鎘。簡稱 Ni–Cd 係來自鎳（Ni）同鎘（Cd），NiCad 係 SAFT 公司嘅商標，雖然大家都用呢個名嚟指所有 Ni–Cd 電池。

液態嘅 Ni–Cd 電池係一八九九年發明嘅。放電時，Ni–Cd 電池嘅電壓大約 1.2 V，放電時，電壓唔會落得太快，差唔多用完先會落得快。最大電壓係 1.3 V。Ni–Cd 電池有唔同尺寸同容量，平時可以用嚟代替碳鋅乾電池，啱用喺拎得出街嘅細型設備；有或者大型嘅後備法電力裝置。佢哋喺低溫下都能夠保持好表現，而且喺高放電速率之下，可以用到幾乎滿容量。不過，材料比鉛酸電池貴，自動放電嘅情況都有。

以前，Ni–Cd 電池喺電動架生、攝影設備、電筒、緊急照明、遙控模型咁好常見，而家畀鎳氫電池取代，因為佢容量更高、成本更低。而且，由於鎳有毒，廢置之後影響環境，所以用少咗。歐盟而家只可以用嚟替換舊電池，或者某啲新設備例如醫療器材。

大型濕式（液態）Ni–Cd 電池依然用喺應急照明、後備電力、同埋唔間斷電源呢啲地方。