鏡面反射
鏡面反射（粵拼：geng3 min2 faan2 se6；參見英文：specular reflection） 係光線打落物件表面嗰時，以一個特定角度反射走，形成清晰嘅高光。相反，漫反射係光線打落表面後四散反射，令物件睇落去冇強烈反光。
根據反射定律，反射光線離開反射表面嘅角度，同入射光線射向表面法線嘅角度係一樣嘅，但係喺由入射光線同反射光線形成嘅平面入面，反射光線會喺表面法線嘅相反一邊。呢個現象最早係由亞歷山大嘅希羅（公元 10 - 70 年左右）描述嘅[1]。
反射定律
[編輯]
，入射角等於反射角
睇埋：光學
反射定律呢條物理定律講嘅係，當光射到一個介面嗰陣，佢嘅入射光線同反射光線成同一個角度。光入射到唔同介質嘅界面上，會產生反射同折射。而反射嗰陣會出現以下嘅情況：
- 反射線同入射線同法線係喺同一個平面裡面。
- 反射線同入射線分居法線兩邊，並且同界面法線嘅夾角（分别叫做入射角同反射角）相等。
- 入射角等於反射角。
光嘅反射定律可以由電磁場邊界條件印證。
當光遇到物質嘅邊界時，佢會受到材料對電磁波嘅光學同電子影響。反射可以係鏡面反射或者好似鏡噉嘅漫反射。鏡面反射會用相同嘅角度反射由特定方向到達嘅所有光，而漫反射就會向住唔同方向反射啲光。
相關現象
[編輯]反射定律係倒影呢種自然現象嘅成因。
睇埋
[編輯]引述
[編輯]- ↑ Sir Thomas Little Heath (1981). A history of Greek mathematics. Volume II: From Aristarchus to Diophantus. ISBN 978-0-486-24074-9.