長堤

出自維基百科,自由嘅百科全書
  想搵第二個意思嘅話,請睇長堤 (搞清楚)

長堤廣州市南關珠江北岸,係東西走向嘅。喺長堤大馬路沿江路一帶,大致東起北京南路、西接人民南路,長約二公里。呢度喺清朝初期係珠江河道,後尾珠江沿岸淤積加劇,河灘發育,到咗大清末年形成咗陸地。

光緒十二年(1886年),由於廣州交通閉塞,張之洞就建議喺江邊起馬路,奏請咗朝廷批准,喺省河北岸修築長堤,嗰陣計畫個堤係整東西共長1800丈多啲,由南關天字碼頭整起先,分成10段陸續施工,“修成之堤,一律堅築馬路以便行車,沿堤多種樹木以蔭行人,馬路以內通修鋪廊以便商民交易,鋪廊以內廣修行棧、鱗列櫛比。”[1]

工程由1889年(光緒十五年)4月開始,到咗張之洞調離廣東陣,經完成咗天字碼頭第一段堤岸及官輪碼頭工程。呢段江堤長約120丈,堤岸填闊約5丈,路面鋪埋沙石。呢個係廣州第一條由華人整出來嘅馬路[2]

到咗1912年尾竣工。1920年北側整好埋馬路,呢個就係長堤大馬路,東西兩端均駁返宜家嘅沿江西路。呢度有廣東省總工會、中山大學孫逸仙紀念醫院、華夏百貨公司(原先施公司)、大三元酒家愛羣大酒店、海珠大劇院等,係廣州輝煌時代繁華嘅商業區之一。

陳濟棠做廣東一哥陣,喺1931年,又喺長堤大馬路南邊,填築咗東自龍王直街(原長堤電燈局)、西至仁濟路口嘅一段彎曲河岸淺灘,炸走咗阻擋嘅海珠礁石,耗資75萬,整好咗1159米長、11~20米闊嘅蠟青路面嘅新堤大馬路(今沿江西路),起自永安堂(今市兒童圖書館)東端,止於愛群大廈西端。原為河岸嘅長堤大馬路就變成咗內街。呢個工程既清理咗珠江河道主要險段,又辟出大片陸地起到咗馬路、街道,由此獲得鋪位面積近40萬方同埋一大片廣場。到呢陣時,天字碼頭起向西直到廣州海關成為咗直筆甩嘅河岸馬路[3]

參考[編輯]

  1. 《張文襄公全集》 北平文華齋1928年刊行,中國書店1990年影印本,第25頁
  2. 广州开始修筑马路 互聯網檔案館歸檔,歸檔日期2017年10月10號,., 陈泽泓
  3. 修筑长堤 互聯網檔案館歸檔,歸檔日期2017年10月10號,. 廣州市情網 2015-04-27

睇埋[編輯]