關於東張西望嘅爭議

出自維基百科,自由嘅百科全書

東張西望》係香港無綫電視一個標榜娛樂同時事資訊,同時為無綫電視唔同業務做宣傳嘅節目,不過,佢哋有別於一般專業時事新聞節目,《東張西望》團隊入面好多人,都並未經歷過正規專業採訪或者新聞學嘅訓練,主持人往往會加入自己個人意見或者立場,甚至會有一啲情緒化嘅表現。另外,佢哋討論一啲議題嘅時候,有時亦會帶有相關嘅商業宣傳。內容一直有唔少人批評同爭議,其他批評就包括未經同意盜用他人短片、硬銷政府政策同決定、對社會問題抱有偏頗預設立場嘅爭議、發佈假新聞等,有啲網民甚至形容佢哋每日每夜都侮辱緊全香港記者[1]。不過,佢哋掛住「資訊娛樂節目」嘅牌頭,結果廣管局無例可依,並唔可以好似監管新聞節目咁處理對《東張西望》嘅投訴[2]

節目混合廣告被批評罰款[編輯]

2010年9月10號,廣管局審議兩宗投訴《東張西望》喺2010年1月同2月將節目混合廣告材料,節目過分突出商業產品同服務;決定向無綫電視施加罰款港幣4萬港元[3]

2022年1月8號,《東張西望》被指就口罩議題,借訪問化學學者鄺士山為名,推銷無綫旗下網絡商店士多Ztore嘅KF94口罩為實,引起批評。當時鄺喺訪問聲稱香港無工廠生產到KF94口罩,之後東張西望嘅主持就宣傳士多Ztore,示範點樣喺嗰度買口罩。之後,鄺士山開Facebook澄清,話嗰陣唔知道香港製造廠SAVEWO 救世已經攞到認證可以生產KF94口罩,而無綫其後亦引述呢篇聲明澄清[4][5]

2022年7月13號,《東張西望》用咗超過兩分鐘幫美心西餅賣廣告,主持人黃嘉慧首先假扮訪問途人,但之後就牽強咁轉移話題,然後大量內容都係介紹同評價美心西餅產品,又用上大量形容詞讚揚美心嘅產品,仲擺埋QR Code喺度畀人嘟。關於無綫電視劇Facebook專頁就引述通訊局《有關間接宣傳及植入式廣告的常見問題》,指《東張西望》得寸進尺,越賣越離譜[6]

採訪手法爭議[編輯]

東張西望嘅主持同製作團隊,好多都並未經歷過正規專業採訪或者新聞學嘅訓練,手法唔止一次被質疑。

2016年游莨維採訪亞洲電視終止免費廣播倒閉手法被批評[編輯]

2016年4月,亞洲電視因為政府拒絕續牌,需要終止免費廣播同解僱大量員工。喺4月2號,游莨維對留守到最後嘅亞視新聞部主播追問佢係咪失業,但未得到回應。游莨維當時立即擺出囂張表情藐嘴,又做出爆粗鬧有關新聞主播嘅人,結果被網民批評佢幸災樂禍[7]

採訪2016年熊本地震被指欠缺準備[編輯]

2016年4月16號,因應日本熊本縣發生7.3級地震,《東張西望》派出攝製隊前往災區拍攝,並且喺4月18號以「熊本連環大地震」為題作報道。李旻芳話本來打算去超級市場買嘢食,但因為地震關係,食物早已被當地災民搶購,附近嘅商戶亦無外賣;一名日本女士得知佢哋想食嘢嗰陣,就為佢哋送上飯團。網民紛紛批評攝製隊出發前準備不足,並加重當地災民嘅負擔,令香港蒙羞。李旻芳回應話,之後已經歸還食物[8]

利穎怡窮追猛打採訪手段被批評[編輯]

2022年5月,《東張西望》主持利穎怡就美孚新邨老鼠屋事件採訪業主,利穎怡嘅窮追猛打手段,令業主感到不耐煩並對利穎怡施襲,事後《東張西望》報警處理,節目亦大篇幅討論事件,利穎怡就表明會追究到底,又反問如果記者們問多幾句就要被人打,那仲有邊個想去報道一啲難處理嘅民生問題[9]

不過有啲網民就認為無綫為咗博鏡頭吸收視,唔理會主持人嘅安全,亦唔應該話用『幫人』美化自己死纏爛打咁追住人嘅行為。另外,記者林彥邦亦喺媒體平台 ReNews 撰文,質疑《東張西望》嘅追訪方式近乎纏擾,質疑同屋主帶來嘅「惡」係咪對等,又話就算真係要跟進呢單新聞,都可以從屋主本身嘅遭遇、精神狀態,有無折射到社會某啲人的遭遇困境,或者問食環、區議員、食衛局、社署等等,而唔係一味追住一個情緒同埋行為本身有異嘅阿姐唔放,質疑《東張西望》團隊繼續拍攝帶來反效果[9][10][11]

2022年游莨維拍攝雲咸街槍擊案記者會和正規記者衝突[編輯]

2022年6月,中環蘇豪區雲咸街爆出槍擊案,游莨維代表《東張西望》喺現場拍攝,期間疑似同在場正規港聞記者發生衝突,佢事後喺社交媒體出post,質疑在場嘅港聞記者,反問佢哋喺自己2010年採訪馬尼拉人質事件嘅時候畢業未。呢個Post引起公憤,有人不滿佢以「老行尊」態度用年資壓人,亦有人批評《東張西望》本來就唔係非式新聞節目,唔應該妨礙港聞記者採訪工作[7]。佢之後再出文,話自己當時係聽到有人話「東張西望都嚟採訪,阻住晒~」,又話自己2008年已經開始採訪生涯,「當中受過的冷眼和冷言冷語已經不計其數,結果今次谷住啖氣」[12]

有啲網民仍然批評游莨維,另外之後多個傳媒發現,有大批名字並唔係華人,疑似網軍嘅帳戶留言,統一寫住『支持Monster Joe不用理會別人 做一個良心好記者』,將游莨維嘅別名『Master Joe』寫成『Monster Joe』[13][14][15]

2022年利穎怡未經授權非法採訪日本採訪譚仔米線當地分店[編輯]

2022年6月,利穎怡被《東張西望》委派去採訪自武漢肺炎疫情以來,由香港飛到日本嘅第一個旅行團,其中包括到日本嘅譚仔米線做採訪。不過事後有網民質疑《東張西望》用旅遊簽證非法從事採訪工作,而且未經授權強行拍攝,當中嘅受訪者事後亦喺網上投訴話自己唔知道接受緊無綫採訪,成間鋪亦無人知道無綫嚟拍嘢,感到不滿。唔少網民都留言批評《東張》做法不當,唔尊重店方同店員,拍攝前應得到對方同意係基本嘅尊重。有網民指出喺日本有肖像權,咁樣未得對方同意拍攝,仲攞嚟喺電視節目公開播放,有違法之嫌[16][17]

發佈假新聞[編輯]

《東張西望》亦曾經唔止一次喺節目入面,發布未經證實嘅假新聞:

  • 喺2016年9月26號,《東張西望》有兩名主持引述網上虛假消息發佈蛇夫座謠言,話美國太空總署已經新增星座「蛇夫座」,並將十二星座重新劃分為十三星座。但有關消息已經被其他媒體廣泛報道係假[2]
  • 喺2020年4月12號,《東張西望》播出咗一段由觀眾提供,內容主要係街頭歌手表演同市民圍觀嘅情況。喺未經求證嘅情況下,主持人聲稱有市民喺「上星期六」喺中環碼頭唔理政府因應武漢肺炎疫情持續而喺3月29號起實施嘅限聚令,四人以上喺公眾地方聚集。[18]街頭歌手龍婷喺當晚11點喺Facebook發表聲明,批評《東張西望內容失實》,澄清片段拍攝嘅係佢喺3月14號嘅演出,並無違令聚眾街演。[19]亦有網民指出,影片片段可能係源自YouTube頻道「mk 61」喺3月14號上載嘅一條影片嘅片段。2020年4月13號,《東張西望》喺節目尾段作出道歉同澄清,但又讚揚提供片段嘅人係熱心觀眾。[20]
  • 2022年2月初,政府就控制武漢肺炎香港疫情,宣布24號起,香港市民要用安心出行先可以進入商場。不過,東張西望就多次發表虛假資訊,話2月10號已經要咁做,結果被部分網民批評[21]
  • 喺2023年鑽石山荷里活廣場斬人案入面,多個親中派媒體以及《東張西望》都先後發放受害人同兇手有關嘅假新聞,結果受到批評[22]

被指盜用他人短片[編輯]

喺2021年10月,前無綫、商台主持人陳慧儀喺社交媒體開直播節目,同趙汝威討論「浸稀釋漂白水改善濕疹」嘅問題[23]。同年11月,陳慧儀就喺社交媒體入面,指控《東張西望》未經同意同諮詢,就剪咗佢嘅直播節目片段入自己嘅節目入面,仲要串連埋其他植入式廣告。陳慧儀批評,無線嘅做法令人感到混亂同埋有所誤會。佢又強調,無綫喺節目入面宣傳嘅產品(卡倫萬用膏),同佢哋無關係[24]

硬銷政府政策同決定[編輯]

有部份人抨擊《東張西望》不時猶如政府上身,為政府政策推銷[2][25]。例如:

  • 喺2013年碼頭罷工風潮,《東張西望》嘅「記者」極度偏頗嘅選擇性報導,引起廣泛不滿[2]
  • 喺電視牌照發牌風波入面,香港電視網絡攞唔到牌照,而政府亦冇解釋原因。但《東張西望》就大花章節為政府解釋保駕護航[2]
  • 喺2017年,喺高鐵實施一地兩檢嘅問題上,《東張西望》有兩名主持就喺度一面倒唱好一地兩檢同高鐵嘅好處,完全忽略網絡世界對一地兩檢嘅批評同埋涉及嘅法律問題[2]

對社會問題抱有偏頗預設立場嘅爭議[編輯]

除咗為政府進行政策硬銷之外,《東張西望》不時喺討論一啲社會問題嘅時候都有偏頗預設立場,甚至用上帶有批評攻擊性嘅字眼形容部分喺呢啲議題入面牽涉嘅人。例如:

  • 喺2015年3月,佢哋曾經有一個關於露宿者嘅專題節目預告,但預告入面形容露宿者為「香港橋霸」,結果被部分網民指責,話佢哋冇諗過呢啲露宿者都唔想,而係走投無路,而節目預告聲稱露宿者霸佔嘅天橋,本來使用率本身已經低,幾個月前更被鐵絲網封閉,形同棄用[26]
  • 喺2017年3月8號,佢哋播出以探討餵哺母乳為主題,但內容被香港母乳育嬰協會同一啲媽媽批評。例如,香港母乳育嬰協會批評《東張西望》抹黑母乳餵哺,話佢哋係「追潮流」,只聚焦餵哺母乳嘅困難,又斷章取義話奶粉嘅營養價值同母乳相若,又只係訪問由香港奶粉生產商所成立嘅香港嬰幼兒營養聯會,甚至喺選擇母乳定係奶粉嘅問題上,將唔同媽媽分為對立兩派。當香港母乳育嬰協會要求接受訪問,無綫更加以希望「避免跟奶粉商對立」而拒絕,明顯係有商業考慮。香港母乳育嬰協會之後表明,會去信通訊事務管理局投訴[27]。截至3月10號,通訊局已接獲141宗相關投訴[28]

被指剝削外判合約工[編輯]

喺2022年7月尾,有網民喺網上爆料,指控負責攝影嘅外判公司老闆係吸血鬼,而節目組亦處事不公,知情包庇。呢啲指控主要包括員工無保障無合約無勞保無假期,老屈員工係自僱人士可以隨時被炒,而且要倒貼返工,仲要連糧單都無。控訴者又話,如果東張西望咁鍾意搵陸大狀為民請命,不如問下陸大狀到底呢間外判公司違反咗幾多罪[29]

誤導香港人擅闖青山靶場[編輯]

喺2017年4月,《東張西望》介紹人去位於軍事禁地青山靶場嘅菠蘿山遊覽,結果引來一啲市民誤闖禁區。當時時事評論員黃世澤批評,《東張西望》嘅做法罔顧市民安危[30]

外間批評[編輯]

對於《東張西望》入面討論社會問題嘅做法,香港中文大學專業進修學院媒體研究客席講師陳龍超喺2014年接受明光社刊物《燭光網絡》嘅時候話,《東張西望》呢類型資訊娛樂節目內容嘅真確性同公眾利益息息相關,就算做嘅唔係新聞報導,採訪嘅唔係專業記者,亦應該要有專業態度[31]

另外,喺2022年,游莨維喺雲咸街槍擊案記者會同正規記者衝突後,前新聞主播李鴻彥喺社交媒體炮轟無綫將港聞娛樂化,搵完全無經驗嘅藝員做記者,事前唔做功課唔熟書只求畫面好惡。反之,港聞政治新聞都需要非常專業嘅處理,如果唔係香港各大學就唔會有新聞系。佢又以2013年香港電視網絡攞唔到牌照為例,指喺未有雨傘運動等政治事件嘅時候《東張西望》已經被大量投訴,同黃絲仇視無關,而係無綫作為既得利益者用咗成集《東張西望》為政府護航。佢亦批評,本身定位都唔係專業新聞嘅節目,就唔好講到自己捍衛緊新聞自由或者第四權[32]

睇埋[編輯]

參考[編輯]

  1. 張西望|一蚊Joe寸港聞記者捱轟 網民反擊翻出更多人憎史 | 最新娛聞. (美國英文). 2022-06-11. 喺2022-06-11搵到.
  2. 2.0 2.1 2.2 2.3 2.4 2.5 葉天佑 (2017-07-27). TVB銷一地兩檢張西望王管,猶如政府上身|葉天佑|01博評. 港01 (香港中文). 喺2021-11-16搵到.
  3. [1][失咗效嘅鏈]
  4. 關在2022年1月18日的張西望目中,K Kwong談及全港都沒有真正的KF94的言論,現作出以下澄清:. Facebook (英文). 喺2022-01-21搵到.{{cite web}}: CS1 maint: url-status (link)
  5. 訴1月18日東張西望發佈不實內容20 Jan. Facebook (英文). 喺2022-01-21搵到.{{cite web}}: CS1 maint: url-status (link)
  6. 晚(13/7)集#東張西望(AKA #廣告雜誌),用咗超過兩分鐘幫 #美心西餅 賣廣告間約為19:39-19:42仲擺埋QR Code喺度畀人嘟,所謂嘅植入式廣告似乎越嚟越直接。. Facebook (英文). 喺2022-07-14搵到.{{cite web}}: CS1 maint: url-status (link)
  7. 7.0 7.1 張西望|一蚊Joe寸港聞記者捱轟 網民反擊翻出更多人憎史 | 最新娛聞. (美國英文). 2022-06-11. 喺2022-06-11搵到.
  8. 回應收地震災民飯團事件 東張西望李旻芳澄清即時歸還食物,熱血時報,2016-4-19
  9. 9.0 9.1 張西望丨利穎怡採訪老鼠屋業主被打傷 被質疑博收視:生氣就可以動手? - 晴報 - 娛樂 - 中港台. skypost.ulifestyle.com.hk (中文). 喺2022-05-16搵到.{{cite web}}: CS1 maint: url-status (link)
  10. 林彥邦. 輿. Facebook (英文). 喺2022-05-16搵到.{{cite web}}: CS1 maint: url-status (link)
  11. 張西望訪手法爭議 節目聲稱發點係想幫個女人. Facebook (英文). 喺2022-05-16搵到.{{cite web}}: CS1 maint: url-status (link)
  12. HK, Channel C. (2022-06-11). 蚊Joe為轟聞記者畢業未畫致歉 稱採訪被狂被單打嫌阻住晒 | Channel C. channelchk.com (繁體中文). 喺2022-06-11搵到.
  13. Master Joe 專業與否不予置評 買啲留言好唔專業就毫無疑問 要支持monster Joe 應該去錯地方. www.facebook.com (英文). 喺2022-06-14搵到.{{cite web}}: CS1 maint: url-status (link)
  14. 莨維fb假acc洗版支持做良心記者 Master Joe串錯Monster Joe 被翻舊賬態度涼薄 亞視最後一夜問員工:係咪失業?. www.facebook.com (英文). 喺2022-06-14搵到.{{cite web}}: CS1 maint: url-status (link)
  15. Master Joe 中東粉絲全力應援 無奈串錯偶像名. www.facebook.com (英文). 喺2022-06-14搵到.{{cite web}}: CS1 maint: url-status (link)
  16. 張西望|利穎怡到訪日本採訪譚仔原來未經授權? 被投訴:唔講自己係TVB! | 流行娛樂. Monday (美國英文). 2022-06-29. 喺2022-06-30搵到.
  17. 張嘉敏 (2022-06-29). 張西望|利穎怡被指鬼祟訪日本米線店 受訪者鬧爆不知情被出鏡. 港01 (香港中文). 喺2022-06-30搵到.
  18. 4月12日 東張西望 之 失實報導、、、無奈 (中國中文), 喺2020-04-15搵到
  19. . www.facebook.com (簡體中文). 喺2020-04-15搵到.
  20. 4月13日 東張西望...終於發聲明澄清 及 道歉🙏 (還一個清白~香港旺角小龍女龍婷) (中國中文), 喺2020-04-15搵到
  21. 壹 - 張西望連錯報2月10日起入商場要嘟安心出行 肺炎疫情蔓延,日前特首林鄭月娥宣佈,於2月24日起落實擴大疫苗氣泡,包括進入商場要用安心出行和已打針;昨12日)網傳警方在葵涌廣場和石籬商場,票控冇使用#安心出行入商場嘅市民,警方已澄清絕無此事,指相關條例將於本月24日生效,敬請市民留意,方呼籲市民不要誤信失實信息,更不應借機造謠生事,打擊全港同心抗疫的努力。 然而,TVB#東張西望目接連報道錯誤消息,TVBUSA專頁於本月10日上載張西望丨出入商場要用安心出行 德福花園居民表示不便(2月9日節目段,主持 #吳幸美:日開始進入商場要用安心出行,下一步仲要出示打針紀錄,但香港有唔少屋苑都要經商場出入,點算呢...民留言指正:日開始咩唔係24號咩日報錯新聞🤣「24/2開始啊 係鬼10/2 繼上周四(10日)出錯之後,估唔到噚晚12日)嘅重複犯錯,主持 #阮嘉敏 講述網傳票控冇用心出行入商場人士事件,說:方已經澄清番,對佢哋作出票控,係因為佢哋冇戴口罩,而入商場要嘟安心出行呢個措施,其實喺2月10日已經開始實行緊。幸美:呀,大家記得留意番。 唔知TVB高層係咪忙緊權力鬥爭、研究山頭文化、睇炎明熹MV增加點擊...而冇時間留意警方呼籲呢? 重要事要講三次,請大家留意: 警方呼籲市民不要誤信失實訊息。 警方呼籲市民不要誤信失實訊息。 警方呼籲市民不要誤信失實訊息。 #TVB #娛壹 ------------------------------------- 即刻跟住Follow 晒我哋Channel: FB:http://fb.me/as1hk.entertainment IG:https://www.instagram.com/as1.entertainment/ YT:https://www.youtube.com/channel/UCgaIJfwFLXQsasrffZt4cEw ---------------------------------------- ⚠️專訪重溫⚠️ ▶️文龍錄音專訪︱簡君晋看中演IT狗阿信全因夠 當被生活擊倒了 不要躺下來 請CLSYouTube睇訪問片︰https://youtu.be/BE1uP4KhaGc ▶️ 大宇專訪丨拒在餐廳陪老闆食飯唱轉地球人要有底線:最幸福係有得選擇 請CLSYouTube睇訪問片︰https://youtu.be/1hXdJBljmIQ ▶️ 民輝專訪|潮牌生意失血蝕兩層樓 良心老闆:唔可以搵佢哋墊屍底!有風浪嘅時候,應該攞賺嘅出嚟 請CLSYouTube睇訪問片︰https://youtu.be/HtN-e_6IjZQ ▶️世寶專訪|學ICU意被扭曲 激嬲LuLu 勸無綫放低光環:你叫人愛TVB,你有冇愛過人先? 請CLSYouTube睇訪問片︰https://youtu.be/9IMsDJ6SP24 ▶️啟文專訪︱派錢幫3000同業 失戰友廖啟智 田啟文心痛香港影業衰落同行唔團結:個別人係有私心,明知唔好仲鬧有咩用 請CLSYouTube睇訪問片︰https://youtu.be/jWFdKp13XL8 ▶️文慧專訪丨超風劍半生未獲獎 人到晚年只追尋:我想好死!唔好受痛受苦! 請CLSYouTube睇訪問片︰https://youtu.be/Wl7QM2O4qGs ▶️偉文專訪|68歲聲王退化冇礙演唱 生活靠社署及好友資助︰遇到咁幫忙嘅朋友係我一生最值得記住嘅日子 請CLSYouTube睇訪問片︰https://youtu.be/dQQu4ijgick ▶️ 哥渣嫂專訪|憶患病心痛家人受苦 狠戒幾十年煙 譚小環:老公係我最強後盾! 請CLSYouTube睇訪問片︰https://youtu.be/J9OGrMejuAk ▶️Tyson Yoshi 專訪|曾被噓爆認記仇 為啖氣唔衰得:令唔鍾意我嘅人好痛苦 咁我就覺得好爽 請CLSYouTube睇訪問片:https://youtu.be/jX-oAmWsjcE ▶️江專訪|播近40年染髮廣告原來再無錢收 87歲九龍城東邪:鍾意講真說話 |壹人訪 X 林蕾 請CLSYouTube睇訪問片:https://youtu.be/KHC2gCUsQxM ▶️頌茹專訪|阿Yu轉行做凍肉公司賺錢 心痛細女有讀寫障礙 女人要自強:為兩個女咕哩都做 請CLSYouTube睇訪問片:https://youtu.be/wb7iOsvNMJo ▶️子明專訪︱仆心仆命換來一年只包薪$6800 余子明︰對無綫心淡得好緊要 請CLSYouTube睇訪問片:https://youtu.be/gU-hcUwz_OQ ▶️明偉專訪丨唱銀河修理員遭TVB雪藏 捱十年底薪僅數千 彈TVB未醒覺:離棄咗香港觀眾 請CLSYouTube睇訪問片:https://youtu.be/G1BjJiSWc7g ▶️家謙專訪丨親解道喜歡處女座 MV冇戴眼鏡撞樣姜濤 剖白靈魂:敏感的我假裝冷靜 請CLSYouTube睇訪問片:https://youtu.be/wph9FeEM7-M | Facebook. www.facebook.com (英文). 喺2022-02-14搵到.
  22. 匯大公、TVB帶頭亂寫荷里活廣場刀案受害人同凶手有關 中聯辦宣傳部門為掩飾政府責任乜都講得出 亂作新聞中共先係專家 黃世澤幾分鐘評論 20230603 (英文), 喺2023-06-03搵到
  23. 問Dr. Chiu: 嚴重濕疹有咩天然療法? (英國英文), 喺2021-11-16搵到
  24. 清消息,真係好無奈. Facebook (英文). 喺2021-11-16搵到.{{cite web}}: CS1 maint: url-status (link)
  25. Spin 變成屎片 | 輔仁文誌. www.vjmedia.com.hk. 原著喺2021-11-16歸檔. 喺2021-11-16搵到.
  26. 露宿者是香港橋霸?大婆台與政府齊齊打壓弱勢 T-rexx 2015-03-09
  27. 果日報:餵人奶只為追潮流?真●奶媽鬧爆張西望 2017-03-11. 原著喺2017-09-07歸檔. 喺2021-11-16搵到.
  28. 張西望幫奶粉廣告商貶低母乳 逾百港媽投訴TVB. 蘋果日報. 2017-03-13. 原著喺2017-03-13歸檔. 喺2017-03-13搵到.
  29. 假期日常, HolidaySmart. 張西望工爆20宗罪 開工無合約無保障 最過分係返工要倒貼?. HolidaySmart 假期日常 (中文). 喺2022-07-29搵到.
  30. 黃世澤, Martinoei (2017-04-21). 放軍應還香港人 青山靶場. MO's notebook 4G 黃世澤 的筆記簿 (臺灣中文). 喺2022-01-21搵到.
  31. 樂資訊節目 專業持平不可少. (繁體中文). 2014-07-14. 喺2021-11-16搵到.
  32. . www.facebook.com (英文). 喺2022-06-11搵到.