關索

出自維基百科,自由嘅百科全書

關索(索讀朔,粵拼gwaan1 sok3[1])係小說《三國演義》入便嘅虛構人物,關羽第三個囝。

人物來歷[編輯]

史書入便並冇關於關索嘅記載,《三國志·蜀書·關羽傳》記載關羽得兩個囝:大囝關平、細囝關興

《三國演義》嘅其中一個版本《全像通俗三國志傳》入便對關索嘅出身做咗詳細嘅描述,入便提過關索係關羽因為殺人而喺出便避難嗰陣時出世,後嚟走去荊州認返阿爸

而喺而家通行嘅毛本《三國演義》入便對關索嘅描述就少啲,其中提到關索跟住關羽守荊州,荊州失陷之後,關索喺鮑家莊養病。諸葛亮喺打孟獲嗰陣用過佢做先鋒。

明朝成化年間(1465年1487年)有說唱詞話《花關索傳》,記述關索同老婆鮑三娘葭萌關嘅故事。而家四川廣元市昭化古城北便有鮑三娘墓。《花關索傳》入便重提到關索喺認阿爸途中同盧塘寨王令公嘅囡王悅王桃比武重贏咗,所以娶咗呢兩個女人;喺南征孟獲嗰陣時同孟獲個囡花鬘相愛,重喺打完仗之後結為夫婦。而家中國雲南一帶重流傳住唔少關於關索嘅傳說。

影響[編輯]

水滸傳》入便嘅楊雄嘅綽號叫做「病關索」。

[編輯]

  1. 索嘅粵音有兩個,意思都唔同,可査粵語審音配詞字庫。根據聖帝世系攷證 互聯網檔案館歸檔,歸檔日期2014年7月17號,.,關索嘅字係「維之」,而字有時可以解釋返個名。所謂「維之」即係維繫、綁住嘅意思,根據康熙字典對「索」字嘅釋義,「索」讀sok3時解「繩索」,而讀saak3時解「求」「求得而用之」,根據個字,明顯嘅名嘅意思係「繩索」。