防災減災日

 防災減災日（粵拼：fong4 zoi1 gaam5 zoi1 jat6） 係中國大陸搞嘅特別宣傳日，嚟宣傳同地震、颱風、雪崩、山泥傾瀉、火山爆發等一系列防範同避難有關嘅知識。節日從2009年開始，每年嘅5月12號搞。

由來

内文：汶川地震

2008年5月12號14:28（UTC+8），喺四川阿壩州汶川發生咗黎克特制8.0級地震。直到2008年9月18號午時造成69227人死亡，成為中華人民共和國成立59年嚟破壞力最大嘅地震，亦繼唐山大地震後傷亡最嚴重一單。地震引起好多中國大陸、港澳臺同海外華僑、海外媒體嘅關注。後嚟喺同年6月，山西太原有政協委員提出建議，為咗悼念呢單災難啲死難者兼加強全民憂患意識，提高防災減災能力而設立噉嘅日子。結果喺2009年3月2號俾中華人民共和國減災委同民政部發佈消息，兼俾國務院批准，從2009年開始，逢每年5月12號係中國大陸嘅防災減災日。