陀槍師姐
《陀槍師姐》（英文：Armed Reaction），係香港無綫電視一套電視劇，喺1998年7月6號到7月31號逢禮拜一到五21:35-22:35喺翡翠台首播，長20集，由關詠荷、歐陽震華、滕麗名、魏駿傑、梁雪湄、姚樂怡、李成昌、馬德鐘、張錦程主演，監製鄺業生。
故事大綱[編輯]
陳三元（滕麗名飾）自細受叔叔陳小生（歐陽震華飾）影響，大學畢業後就投身警界，成為陀槍女警，亦因而認識了當文職嘅師姐朱素娥（關詠荷飾），娥乃係一失婚婦女，加入警隊只係為咗職高薪厚。娥本以為自己幸福美滿，點知丈夫有婚外情，娥傷心欲絕，離婚後為咗生活唯有申請陀槍，希望可以升職。之後，佢結識咗小生，二人更由鬥氣冤家，漸漸變成情侶。
三元因表現出色被調往「反色情組」，同辦事嚴謹嘅程峰（魏駿傑飾）合作，二人初初因意見紛歧，時有衝突。但之後相互了解，化敵為友，成了一對好「兄弟」，但一次偶然，元發現自己鍾意咗峰...
碎料[編輯]
陀槍師姐系列算係滕麗名其中嘅一套代表作，喺《陀槍師姐2021》宣傳嘅時候，無綫MyTV Super上載咗一段個滕麗名嘅專訪，當中就提到《陀槍師姐》嘅監製搵滕麗名拍《陀槍師姐》，係因為覺得佢夠型夠寸。但滕麗名就話，當時其實係因為佢喺《真情》入面嘅角色梁冰雪有視障，所以佢要戴上三對有色嘅隱形眼鏡，結果當時佢喺片場乜都睇唔到人，同唔到其他人打招呼，令人以為佢好寸[1]。
滕麗名喺訪問入面又提到，當時好多演員技巧佢都唔係好熟悉，只係死撐。不過，當時好多動作戲，雖然劇組有提供替身，但係滕麗名都選擇親身上陣[1]。
睇埋[編輯]
參考[編輯]
- ↑ 1.0 1.1 〈你是你本身的傳奇．滕麗名 陳三元 已經分不開〉. myTV SUPER YouTube頻道. 喺2021-02-08搵到.
