降魔的

出自維基百科,自由嘅百科全書
跳去導覽 跳去搵嘢

降魔的》(英文The Exorcist's Meter),係香港無綫電視製作嘅時裝奇幻電視劇,由馬國明黃智雯領銜主演,並由胡鴻鈞劉佩玥黃子恆蔣志光謝雪心聯合演出,編審羅佩清,監製方駿釗。劇名個「的」字係指的士,故仔係關於一位有降魔能力嘅的士司機。套劇喺2020年推出續集《降魔的2.0》。

故仔大綱[編輯]

的士司機馬季(馬國明飾)為人好樂天,有次佢喺草叢小便時意外叫醒咗「石精靈」石敢當(胡鴻鈞飾)之後開始睇到靈魂。後來,馬季識咗靈異節目主持貝貝娜(劉佩玥飾),一齊展開尋妖降魔之旅。貝娜開始暗戀馬季,但係馬季原來一直暗戀做醫生嘅莊芷若(黃智雯飾)。呢個時候,邪魔為禍世界,石敢當同佢決戰時,竟然無晒法力,點知馬季居然爆發出驚人嘅靈力⋯⋯

角色表[編輯]

主要角色[編輯]

演員 角色 暱稱/人物關係/經歷
楊凱博(童年) 馬 季 小馬、的士佬、高高(莉莉專稱)
35歲
的士司機 / 陰陽眼人 / 降魔人
多年嚟經歷過唔同意外,但都大難不死
馬家烈同季莉芙嘅親生仔
梁晶晶嘅養子,喺莫偉豪死咗之後收養佢
莫偉豪嘅好朋友,喺八歲浸親時被佢救返,但間接令到佢浸死,所以對佢嘅死好內疚
莫有為、陸嘉一同龍茂嘅同行兼好朋友
暗戀莊芷若,兩年嚟係佢每晚收工後送佢返屋企,之後同佢成為好朋友,同佢有感情線
石敢當嘅好兄弟,在佢嘅幫助下開天眼,之後同佢降魔伏妖,因為同佢有心嘅連結而喺不知不覺間吸收佢嘅靈力,令自己嘅靈力越嚟越強
貝貝娜嘅好朋友兼暗戀對象
莉莉嘅朋友
同郭展明不和兼畀佢針對,之後成為佢嘅情敵兼死敵
被張佩玲敵視
喺第1集喺山邊小便時意外叫醒沉睡咗300幾年嘅石敢當
喺第2集結尾石敢當喺佢面前正式現身
喺第3集石敢當表示要向佢報恩同會為佢實現一個願望,之後喺第4集發現自己最大嘅願望係再見到莫偉豪
喺第5集被石敢當睇穿自己暗戀莊芷若,仲發現佢哋交淺言深同心意相通,能夠喺茫茫人海中遇到對方係好難得
喺第6集喺石敢當嘅幫助下暫時開咗天眼去搵莫偉豪嘅亡靈,之後發現自己嘅天眼閂唔到,所以被石敢當認為佢體質異常
喺第6集結尾發現莉莉,起初以為佢係女妖,在知道佢嘅身世後同石敢當幫佢返到貝貝娜身邊
喺第9集知道莊芷若唔見咗未婚夫留畀佢嘅相機後買咗一部相同型號同顏色嘅相機畀佢,呃佢自己搵到部相機,希望安慰到佢
喺第10集幾乎被附魔嘅郭展明揸貨車撞倒,因為被石敢當救返而逃過一劫,之後差啲被郭展明殺死時用染血嘅硬幣擊退佢,仲發現自己嘅血能夠傷害妖魔鬼怪
喺第11集發現馬家烈同季莉芙係自己嘅親生父母,喺第13集同佢哋相認後送佢哋去目的地
喺第14集發現莊芷若因爲車禍而重傷昏迷同離魂後搵石敢當幫手,之後懷疑撞傷佢嘅司機係郭展明
喺第15集知道莊芷若因爲想見返病死嘅未婚夫而失去生存意志,所以靈魂返唔到入身體入面,之後喺石敢當嘅幫助下離魂,同佢去救被困喺「鬼域」嘅莊芷若同喺鬼域入面開解莊芷若,令佢有返生存意志,之後因為莊芷若記唔起佢哋係鬼域嘅經歷而一度覺得失落
喺離魂期間差啲被郭展明殺死,好彩有貝貝娜同佢嘅靈界粉絲阻止
喺第17集收到莊芷若還畀自己嘅相機後決定同對方保持司機同乘客的關係
喺第18集喺石敢當嘅指導下學識「言靈之術」,成功召喚龍荗嘅亡靈,喺龍茂向屋企人同車友道別後送佢去目的地
喺第19集被莊芷若問到龍茂同莫有為嘅死係唔係同郭展明有關,但因為石敢當告誡自己知得越多就越危險,所以無將實情話畀莊芷若知
喺第19集被Salvia假扮莊芷若被郭展明綁架而被引開,導致錯失救貝貝娜嘅機會,之後對自己害死貝貝娜而覺得內疚
喺第19集交代佢自製一條有降魔功能嘅紅水晶頸鍊送畀莊芷若而間接救咗佢
喺第20集被莉莉責怪自己害死貝貝娜同知道貝貝娜一直暗戀自己
喺第21集決定繼承石敢當降魔伏妖嘅天命,之後被郭展明引到Salvia製造嘅異空間入面同佢決鬥後將佢打敗同殺死,最後用石敢當宿體(一塊紫色晶石)做成嘅子彈消滅Salvia,喺Salvia消失之前畀佢詛咒永遠唔會幸福,之後返嚟現實世界
喺第21集同梁晶晶幫莫有為慶祝完生忌後同莫有為道別,之後送佢去目的地
喺第21集結尾巧遇莊芷若,但因自己被Salvia詛咒而刻意疏遠對方,之後喺自己嘅的士度見到莫偉豪嘅亡靈
睇埋降魔的2.0
馬國明
黃智雯 莊芷若 Dr. Chong、莊醫生、芷若、芷若大夫(石敢當專稱)
32歲
急症室醫生
一直放唔低病死嘅未婚夫,後來喺經歷車禍同大難不死而學識放低
馬季嘅的士常客兼暗戀對象,每晚收工都call佢接自己返屋企,之後同佢成為好朋友,同佢有感情線
郭展明嘅舊鄰居、好朋友兼暗戀對象,之後因爲拒絕佢嘅表白而反目
貝貝娜嘅情敵
張佩玲嘅情敵兼被佢敵視
郭永城嘅舊鄰居
喺第2集重遇郭展明
喺第5集重遇郭永城,之後知道佢最後嘅心願係見郭展明一面,喺第7集安排佢哋見面,之後郭展明呃佢話郭永城自殺
喺第9集向郭展明提及自己嘅未婚夫死咗同提及好彩馬季喺自己最難熬嘅時間陪住自己,自己先熬得過呢段時間,之後發現唔見咗未婚夫留畀自己嘅相機而自責,喺發現馬季畀自己的相機並非未婚夫留畀自己嘅相機後打算將相機還畀對方
喺第10集被附魔嘅郭展明揸貨車撞到重傷昏迷同離魂
喺第13集發現自己被車撞到重傷昏迷同處於離魂狀態
喺第14集被馬季發現自己處於離魂狀態後搵石敢當幫手,所以第一次見到石敢當,之後石敢當嘗試幫佢還魂,但失敗,之後因爲想見返病死嘅未婚夫而失去生存意志,所以靈魂返唔到入身體入面
喺第15集被困喺「鬼域」,之後被馬季開解而有返生存意志,最後被馬季同石敢當救返出嚟
喺第16集醒返之後暫時記唔起離魂後同喺鬼域嘅經歷,喺第21集起逐漸記返起呢段經歷
喺第16集知道係郭展明揸車撞到佢,之後喺郭展明被判刑時到法庭旁聽同交代佢幫郭展明寫求情信
喺第16集結尾起被Salvia用佢嘅樣現身
喺第17集交代佢去英國探屋企人之後返嚟香港,同將馬路天使擺設送畀馬季,呢個擺設一直被馬季放喺自己的士嘅車頭
喺第17集將馬季畀自己嘅相機還畀佢
喺第17集貝貝娜帶埋關於離魂嘅書嚟醫院搵佢,希望幫佢諗返起喺鬼域嘅經歷,雖然佢未諗得返喺鬼域嘅經歷,但同貝貝娜講自己信佢講嘅嘢,之後貝貝娜問佢點解將相機還畀馬季時解釋自己將相機還畀馬季係想放低以前嘅感情包袱,而唔係想拒絕馬季,同埋自己需要時間去接受一段新嘅關係
喺第19集向馬季問到龍荗同莫有為嘅死係唔係同郭展明有關,但因為石敢當告誡自己知得越多就越危險,所以馬季無將實情話畀佢知
喺第19集拒絕郭展明嘅表白後差啲被佢掐死,之後用馬季送嘅有降魔功能嘅紅水晶頸鍊擊倒他同逃走
喺第21集結尾巧遇馬季,但佢因為被Salvia詛咒而刻意疏遠自己
睇埋降魔的2.0
Salvia
鼠尾草魔
由黑色鼠尾草幻化而成,已經修練成千年
郭展明細個遇見嘅惡魔,之後成為他嘅心魔
原本形態係一團黑煙,但因為郭展明內心對莊芷若有強烈思念,由第16集起用莊芷若嘅樣示人
遊魂野鬼好怕佢
能夠操控人嘅行為
馬季同石敢當嘅死敵
喺第16集結尾用莊芷若嘅樣喺郭展明面前現身
喺第18集扮按摩客人到梁晶晶返工嘅按摩店企圖引馬季同石敢當現身,喺莫有為發現唔妥後用梁晶晶嘅性命威脅莫有為講出石敢當嘅行蹤,在莫有為呃佢石敢當喺變壓站後被對方引到變壓站,之後被對方企圖用高壓電磁波消滅,但失敗
喺第19集加害莫有為,令佢全身觸電而死
喺第19集派人將貝貝娜困喺馬季的士嘅車尾箱,令佢窒息而死
喺第20集引石敢當現身之後同佢交手,將佢、莫有為嘅亡靈同貝貝娜嘅亡靈困喺一個由自己創造出嚟嘅美好幻境,企圖令佢哋沉醉喺幻境,去吸收他們嘅能量,最後被石敢當識穿同被佢救返莫有為嘅亡靈同貝貝娜嘅亡靈
喺第21集製造異空間畀馬季同郭展明決鬥,慫恿馬季殺死被打敗嘅郭展明,最後被馬季利用石敢當嘅宿體水晶所做嘅子彈射中而被消滅,在消失前詛咒馬季永遠唔會幸福
雖然佢嘅形體被馬季消滅咗,但佢依然透過有咗郭展明魔種嘅張佩玲存在喺世上
胡鴻鈞 石敢當 自稱本尊
3000歲嘅石精靈
沉睡咗300幾年,一直封印喺山邊嘅一舊石頭入面嘅一塊晶石,喺第1集被馬季嘅尿淋醒,所以想向馬季報恩
以降魔伏妖為天命
佢寄生嘅石頭由第4集起被梁晶晶擺係屋企嘅神位
馬季嘅好兄弟,幫佢開天眼,同佢降魔伏妖,之後發現自己嘅靈力喺不知不覺間被馬季吸收係因為佢哋有咗心嘅連結
梁晶晶無血關係嘅仔
貝貝娜嘅擁躉兼朋友
莉莉嘅朋友
Salvia同郭展明嘅死敵
因爲馬季對莫偉豪嘅思念而借用莫偉豪嘅成年形象示人,喺梁晶晶同莫有為面前扮自己係莫偉豪,經相處後被識穿
喺馬季喺十字路口大叫佢個名三聲就會喺馬季面前現身
喺大量電磁波干擾下靈力會急速下降,嚴重嘅話會灰飛煙滅
鍾意焗桑拿同浸浴去回復自身的靈力
喺第2集結尾喺馬季面前正式現身
喺第3集同馬季講自己要向佢報恩同為佢實現一個願望
喺第4集馬季將佢寄生嘅石頭帶返屋企,被梁晶晶放喺屋企嘅神檯上供奉
喺第5集睇穿馬季暗戀莊芷若仲發現佢哋交淺言深同心意相通,喺茫茫人海中遇到對方係好難得
喺第6集幫馬季暫時開啟天眼,畀佢搵莫偉豪嘅亡靈,之後發現馬季嘅天眼閂唔返,所以覺得佢體質異常
喺第7集發現莉莉,起初以為佢係女妖,喺知道佢嘅身世後同馬季幫佢返到貝貝娜身邊
喺第11集以莫偉豪嘅身份喺梁晶晶面前現身
喺第14集第一次被莊芷若見到自己,發現莊芷若因爲遇上車禍而重傷昏迷同處於離魂狀態,之後嘗試幫佢還魂,但失敗
喺第15集發現莊芷若因爲想見返病死嘅未婚夫而失去生存意志,所以靈魂返唔到入身體入面
喺第15集喺貝貝娜提出由佢保護馬季嘅身體後幫佢暫時開天眼後第一次被貝貝娜見到自己,之後幫馬季離魂,同佢去鬼域救返被困嘅莊芷若
喺第17集被莫有為識穿自己冒認莫偉豪,之後喺對方用儀器協助下發現自己嘅靈力被馬季吸收
喺第18集教馬季用言靈之術召喚龍荗嘅亡靈,之後製造夢境畀龍荗同屋企人道別
喺第19集莊芷若向馬季問到龍荗同莫有為嘅死係唔係同郭展明有關時告誡馬季知得越多就越危險,所以馬季無將實情話畀莊芷若知
喺第20集同Salvia交手,但打唔過佢,被困喺Salvia創造出來嘅幻境,最後識破同逃出,攞返莫有為同貝貝娜兩個人嘅亡靈
喺第20集梁晶晶同佢講講自己已經知道佢唔係莫偉豪,同指出雖然佢哋嘅關係係假嘅,不過佢哋之間嘅感情係真嘅
喺第20集結尾將自己僅存嘅靈力封印喺自己寄生嘅晶石入面,喺第21集被馬季整成子彈消滅Salvia後消失
劉佩玥 貝貝娜 啤啤
24歲
《世界靈距離》節目主持
莉莉的主人同好朋友
馬季嘅的士常客、好朋友兼暗戀佢
石敢當嘅偶像兼朋友
喺第8集同莉莉寄生嘅洋娃娃相認,同帶佢返屋企
喺第10集喺愛丁堡醫院出面被郭永城嘅怨靈用刀片割傷手臂
喺第15集知道馬季決定離魂去鬼域救莊芷若後主動提出保護馬季嘅身體,喺石敢當嘅幫助下暫時開咗天眼後第一次見到石敢當,之後同一班靈界粉絲阻止郭展明殺死馬季,喺知道馬季一直暗戀莊芷若而一度覺得失落
喺第15集知道莉莉唔只係洋娃娃,而係有生命嘅精靈,喺第15集結尾第一次見到莉莉
佢嘅天眼喺第16集閂返
喺第17集知道馬季因爲莊芷若諗唔起佢哋喺鬼域嘅經歷而失落,所以帶埋關於離魂嘅書去醫院搵莊芷若,希望幫對方諗返起喺鬼域嘅經歷,對方雖然未諗得返喺鬼域嘅經歷,但同佢講自己信佢講嘅嘢,之後問莊芷若將點解相機還給馬季時知道佢將相機還畀馬季係想放低以前嘅感情包袱,而唔係想拒絕馬季,同埋佢需要時間去接受一段新嘅關係
喺第19集發現Salvia用莊芷若嘅樣後打算提醒馬季,喺單獨搵馬季時被Salvia派人困喺馬季嘅的士車尾箱,最後窒息而死
佢嘅亡靈喺第20集被困喺Salvia創造出嚟嘅幻境,最後被石敢當救返出嚟
喺第21集喺莉莉嘅教導下學識運用靈力後決定以靈體狀態繼續留喺人間生活同陪住馬季
睇埋降魔的2.0
黃子恆 郭展明 展明
32歲
警長,喺第16集被革職
郭永城嘅仔,細個成日被佢虐待,所以好憎佢
莊芷若嘅舊鄰居、好朋友兼暗戀佢,曾經同佢表白,但被拒絕,之後同佢反目
同馬季不和兼針對佢,之後成為佢嘅情敵兼死敵
石敢當嘅死敵
張佩玲嘅暗戀對象,當佢做莊芷若嘅愛情替代品,喺第14集同佢發生關係
於第2集重遇莊芷若
喺第7集喺莊芷若嘅安排下同郭永城見面,之後趁莊芷若行開時殺死郭永城,喺莊芷若返嚟之後呃佢話郭永城自殺
喺第9集知道莊芷若嘅未婚夫死咗後自責無喺對方最難過嘅時侯陪住佢,因爲知道馬季喺莊芷若最難熬嘅時間陪住佢而妒忌馬季同莊芷若嘅關係,之後交代佢偷咗莊芷若未婚夫送畀佢嘅相機
喺第9集因爲種黑色鼠尾草而被魔附身,喺第10集企圖揸貨車撞死馬季,但意外撞到莊芷若,令佢重傷昏迷同離魂
喺第15集喺馬季離魂去鬼域救莊芷若時企圖殺死馬季,但被貝貝娜同佢嘅靈界粉絲阻止
喺第16集向莊芷若承認自己揸車意外撞到佢,之後認罪自首,被判入獄18個月,實際上係為咗喺監獄種黑色鼠尾草同擁有黑色鼠尾草嘅邪惡力量,透過張佩玲用信件偷運種子到監獄
喺第16集結尾Salvia用莊芷若嘅樣喺佢面前現身
喺第19集喺馬季用「言靈之術」召喚莫有為嘅亡靈時由佢手中搶走莫有為嘅亡靈
喺第19集因爲喺監獄品行良好而提早出獄,之後擅闖莊芷若屋企向佢表白,被佢拒絕後企圖掐死佢,但被佢用馬季送俾佢有降魔功能嘅頸鍊擊倒
喺第21集將馬季引到Salvia製造嘅異空間入面同佢決鬥,打算消滅佢嘅靈魂同霸佔佢嘅身體重新做人,結果被馬季打敗同殺死
蔣志光 莫有為 有為
55歲
的士司機
梁晶晶嘅同鄉兼無血緣關係嘅細佬
馬季、陸嘉一同龍茂嘅同行兼好朋友
相信科學,唔相信鬼神嘅存在,喺發現石敢當嘅存在後改變諗法
曾被石敢當認為自己多次對佢不敬而被佢用靈力整蠱,仲一度被嚇到神智不清,之後同佢和好同成為朋友
喺第17集識穿石敢當假扮莫偉豪
喺第18集被Salvia用梁晶晶嘅性命威脅佢講出石敢當嘅行蹤後呃Salvia石敢當喺變壓站,之後帶Salvia到變壓站,想用強烈電磁波將佢消滅但失敗,最後被佢加害而全身觸電致死
佢嘅亡靈喺第20集被困喺Salvia創造出來嘅幻境,最後被石敢當救返出嚟
喺第21集同梁晶晶同馬季慶祝完生忌後向佢哋道別,由馬季送去目的地,最後喺馬季嘅的士上消失
賴慰玲(青年) 梁晶晶 晶晶、阿姐(莫有為專用)
好迷信
55歲
莫偉豪嘅親生媽媽
馬季嘅養母
莫有為嘅同鄉兼無血緣關係嘅家姐
石敢當無血緣關係嘅媽媽
喺第11集知道馬季又遇上車禍後歸咎自己命中剋子同離家出走,之後石敢當以莫偉豪嘅身份喺佢面前現身
喺第18集被Salvia以佢嘅性命威脅莫有為講出石敢當嘅行蹤,之後受傷暈倒入院,喺第19集出院
喺第20集同石敢當講自己已經知道佢唔係莫偉豪,指出雖然佢哋嘅關係係假嘅,不過佢哋之間嘅感情係真嘅
喺第21集同馬季幫莫有為慶祝完生忌同莫有為道別
睇埋降魔的2.0
謝雪心

其他角色[編輯]

演員 角色 暱稱/人物關係/經歷
韋家雄 陳永廉 嘟嘟Sir
重案組高級警司
一度以為老婆出軌,喺馬季幫忙下發現係誤會一場,為咗報答佢而幫佢查出郭展明企圖撞死馬季同撞傷莊芷若嘅證據
喺第19集派下屬喺莊芷若屋企附近保護佢同出通緝令追捕郭展明
睇埋降魔的2.0
趙永洪 陸嘉一 些粉(Seven)
的士司機
馬季同龍茂嘅同行兼好朋友
喺第17集因為佢沉迷玩捉精靈遊戲,間接令龍茂遇上意外慘死而自責,之後決定痛改前非
劉 江 郭永城 郭伯伯(莊芷若專稱)
65歲
末期癌症病人
郭展明嘅爸爸
莊芷若嘅舊鄰居
後生時成日虐打妻兒,晚年已經真心悔改
知道自己嘅老婆及郭展明與魔有關係
20多年前被魔附身嘅老婆控制佢跳樓而全身癱瘓
被郭展明送去老人院
喺第5集食飯時意外被魚刺卡喉,導致呼吸困難而被送去愛丁堡醫院,所以重遇莊芷若,之後同佢講自己最後嘅心願係見郭展明一面,同懇求對方帶郭展明嚟見自己最後一面
喺第7集喺莊芷若嘅安排下同郭展明見面,喺知道郭展明無真心反省後企圖用刀片殺死佢,但失敗,反而被佢殺死後死不瞑目,最後成為怨靈同留喺愛丁堡醫院出面
間接令馬季知道郭展明與魔有關
由於佢嘅怨念太重,死咗之後仲不停重覆生前企圖殺死郭展明嘅動作,因此佢嘅怨靈喺第10集用刀片割傷貝貝娜
金 剛 馬家烈 力哥
麵檔老闆
季莉芙嘅老公
馬季嘅親生爸爸
喺30年前死於火災,死後成為鬼魂,但由於他唔知道自己死咗,所以一直同季莉芙不斷重複過昔日嘅生活,成日搭馬季揸嘅的士
喺第13集同馬季相認後由馬季送去目的地,最後喺馬季嘅的士上消失
阮小儀 季莉芙 力嫂
麵檔老闆娘
馬家烈嘅老婆
馬季嘅親生媽媽
喺30年前死於火災,死後成為鬼魂,但由於他唔知道自己死咗,所以一直同季莉芙不斷重複過昔日嘅生活,成日搭馬季揸嘅的士
喺第13集同馬季相認後由馬季送去目的地,最後喺馬季嘅的士上消失
林凱恩 張佩玲 Ling
25歲
暗戀郭展明,被佢當做莊芷若嘅愛情替代品,喺第14集同佢發生關係,喺第21集交代佢有咗郭展明嘅魔種同被魔附身
敵視莊芷若同馬季
睇埋降魔的2.0
譚嘉儀 莉 莉 洋娃娃精靈
貝貝娜嘅洋娃娃同好朋友,因爲貝貝娜童年時一直當佢係真人,所以擁有靈魂,成為精靈同寄生喺洋娃娃入面
喺多年前被貝貝娜意外遺棄喺郊野
馬季同石敢當嘅朋友
喺第7集被石敢當同馬季誤會係女妖,但知道佢嘅身世後決定幫她,帶佢返貝貝娜身邊
喺第8集貝貝娜同佢寄生嘅洋娃娃相認後將洋娃娃帶返屋企
喺第15集貝貝娜知道佢喺精靈,喺第15集結尾第一次被佢見到
喺第15集在馬季同石敢當去鬼域救莊芷若時被馬季派佢保護莊芷若嘅身體
喺第20集責怪馬季害死貝貝娜,並講出貝貝娜一直暗戀馬季
喺貝貝娜死後教佢嘅亡靈運用靈力
睇埋降魔的2.0
何遠東 龍 茂 龍貓
35歲
的士司機
好顧家
馬季同陸嘉一嘅同行兼好朋友
喺第17集被墜樓警察嘅屍體意外壓死
佢嘅亡靈喺第18集被馬季成功用「言靈之術」召喚,之後喺石敢當製造嘅夢境向屋企人道別,同車友道別後由馬季送去目的地,最後喺馬季嘅的士上消失

出面網頁[編輯]