陳仲衡

出自維基百科,自由嘅百科全書
跳去導覽 跳去搵嘢

陳仲衡1964年—),香港高等法院法官,因為處理過佔中九子案同埋一啲同香港反送中運動有關嘅案件,得到一啲媒體嘅關注。

早年生涯[編輯]

陳仲衡喺香港出世,1987年同1988年喺香港大學分別攞到法學士學位同埋法學專業證書。1988年喺香港獲大律師資格,之後曾經私人執業,2002年獲委任為裁判官[1]

爭議[編輯]

佔中九子案判詞串錯字同對香港人權影響[編輯]

喺佔中九子案入面,陳仲衡將所有爭取民主嘅被告都判處至少一名罪名成立,而全部同「公眾妨擾」有關。以往喺香港,因為參與未經警方批准嘅示威遊行而被起訴嘅人士,通常以刑罰較輕嘅罪名被控。有唔少人認為呢次判決有機會對日後社會運動及言論、集會自由造成寒蟬效應。例如,喺判刑嘅時候,就有旁聽聲援嘅市民話,其實係梁振英煽惑佢哋出嚟佔中。大律師吳靄儀批評「公眾妨擾」罪名係過時而範圍定義不清嘅罪名,又認為咁樣會影響香港民主運動同香港人應有嘅示威遊行抗議等自由。時事評論員黃世澤就話佢冇用到佢一貫嘅邏輯,判詞又將Court串錯字做Count,又引述R v Goldstein and Rimmington一案,批評案件判案唔合理,甚至懷疑中聯辦喺背後有角色[2][3][4]

審理案件偏頗控方同違反專業操守[編輯]

喺2019年7月28號,網民發起「追究上環開槍大遊行」,結果上環爆發一場同香港反修例運動有關嘅激烈警民衝突,24 人被控暴動,案件去到2021年交由陳仲衡審理。不過,陳仲衡喺審理案件嘅時候,就經常性表現得唔耐煩,被批評連番打斷辯方發問,對某啲辯方大律師作出相當嚴厲嘅批評,有違反專業操守之嫌,甚至有挖苦嘲諷辯方之嫌。去到5月7號,其中12名被告嘅代表律師聯合申請,以書面形式共同提出「法官避席(Recusal)」申請,要求陳仲衡唔再參與案件審理有關嘅程序[5][6]

參考[編輯]

  1. "委任司法人員". www.info.gov.hk. 喺2021-05-09搵到.
  2. 黃世澤, Martinoei (2019-04-09). "陳仲衡 呢個官只不過係中聯辦傀儡". MO's notebook 4G 黃世澤 的筆記簿 (中文). 喺2021-05-09搵到.
  3. "五問看清佔中九子審判:香港首次有集會人士因「公眾妨擾」罪成". theinitium.com. 喺2021-05-09搵到.
  4. "【佔中案判刑】九子判刑一文睇晒 | 蘋果日報". Apple Daily 蘋果日報 (中文). 喺2021-05-09搵到.
  5. "上環衝突暴動案 12辯方大律師申請換官 稱主審法官陳仲衡有表面偏頗 (18:37) - 20210507 - 港聞". 明報新聞網 - 即時新聞 instant news (中文). 喺2021-05-09搵到.
  6. "眾新聞 | 7.28上環暴動案審訊第17天 法官陳仲衡幾度發火 辯方質疑警員處理證物不跟程序". 眾新聞 (中文). 喺2021-05-09搵到.