陳國強 (區議員)

陳國強（英文：James Chan；1966年 12月14號—）係香港沙田區議會錦濤嘅區議員（第五屆）^[1]，政治立場屬香港本土派，有「新東第一刺客」之稱。

從政[編輯]

陳國強喺2010年香港立法會地方選區補選新界東選區頭一次參選，目的係要狙擊辭職再參選嘅社民連梁國雄，最後雖然得7,310票，但夠3%票攞得返保證金。2012年香港立法會選舉佢再選新界東，而目的係反對建制派，得2,327票攞唔返保證金。到2015年香港區議會選舉，陳國強喺沙田區錦濤選區參選，最後有2,592票打贏連任兩屆嘅民建聯楊文銳^[2]。

2016年6月，陳國強宣布代表香港本土派循區議會（第二）功能界別（超級區議會）參加立法會選舉。但佢未能攞到足夠提名，無得循呢個功能界別參選。

7月29號，佢宣布放棄競逐超級區議會議席，當時攞到12張提名票。同日，佢突然宣布同梁金成（金金大師）合組名單喺新界東選區出選。其後，陳國強主動致函選舉主任表達政治主張，被判定提名無效，名單剩低梁金成同邱文勁。

2019年，陳國強、陳天俊兩仔爺一齊參選第6屆香港區議會選舉嘅沙田錦濤選區，不過，陳國強喺10月17號宣佈退選，至於佢個仔陳天俊就未能成功接棒，喺隨後嘅選舉輸畀獨立民主派（馬鞍山守護線）許立燊。

呢篇同香港政治人相關係楔位文。歡迎幫維基百科擴寫佢。