陳文慧 (法律界)

出自維基百科,自由嘅百科全書

陳文慧(Vivien Chan),香港大律師,因為喺一啲政治檢控案件入面擔任律政司嘅主控官,而得到一啲傳媒嘅關注。

早年生涯[編輯]

佢畢業於港島民生書院同民生書院。1995年攞到事務律師資格[1],2012年任職律政司刑事檢控專員辦公室,隸屬投訴及意見組嘅經理,負責向投訴警察課提供法律意見,處理警員嘅不當行為。佢之後離開律政司,2016年成為大律師[2]

爭議[編輯]

環繞佢嘅爭議,有唔少係同佢主理嘅案件,個人操守問題,以及佢敵視泛民主派嘅政治立場有關。

敵視民主派同埋發表關於香港政治事件嘅仇恨言論同埋假新聞[編輯]

2019年8月30日,區諾軒喺觀塘秀茂坪屋企被警察帶走,警察聲稱佢涉嫌喺一次清場行動入面用「大聲公」襲警同阻差辦公[3][4]。陳文慧因為做咗呢次案件嘅主控官,得到公眾一啲關注。不過,陳文慧亦因而被揭發,曾經發表敵視民主派嘅言論。同埋發表關於香港政治事件嘅虛假資訊。

佢被揭曾經喺網上人身攻擊多名民主派人士,例如曾上載一張陳淑莊同吹氣公仔並列嘅圖片,又留言話佢係「雞莊」,又上載佢同梁振英陳健波同埋李梓敬等建制派人物嘅合照,甚至散播仇恨言論同埋假新聞,例如訛稱元朗襲擊事件林卓廷帶領暴徒挑釁在先,又話中西區區議會主席民主黨鄭麗琼表示擔心被警察強姦[5][6]。對於反修例運動嘅示威者,陳文慧亦曾經用上唔少非人化嘅字眼稱呼示威者,例如「曱甴暴徒」、「賤種」、「畜牲」等[2]。另外,陳亦被揭發曾經批評大律師公會,形容佢哋係「大劣師」,以「黑醫護」形容爭取封關以控制疫情嘅罷工醫護、以「香講賤台」形容「香港電台」,甚至批評法官係「人渣垃圾」[7]

時事評論員黃世澤引述現行檢控守則,話檢控人員唔可以受對罪行、疑犯、被告或罪行受害者嘅個人感受或睇法,或任何涉及政治、社羣或個人嘅利益而影響,質疑陳文慧根本唔合資格擔任呢次案件嘅檢控人員,法官容許陳文慧繼續擔任主控官嘅做法並唔公正[5]。代表區諾軒嘅資深大律師彭耀鴻同埋身兼大律師公會前主席嘅公民黨主席梁家傑,都話主控官嘅責任並唔係用盡任何手段將被告定罪,質疑陳文慧忘記自己嘅角色。梁又質疑,律政司揀選外聘大律師嘅時候,係咪會優待「藍絲」[6]

喺佢呢啲言論被揭發後,民間陸續有批評佢嘅反應。例如,民主黨深水埗區議員袁海文就去大律師公會投訴陳文慧,話佢鮮明嘅政治立場令人懷疑檢控公正,行為令公眾對大律師專業同埋捍衛法治等信心有影響,亦係令大律師行業蒙羞,違反大律師公會行為守則[7]。陳文慧嘅母校港島民生書院民生書院,一班舊生、學生同老師聯署,批評佢嘅言論令人側目,要求佢交代。聯署信指,陳係大律師以及律政司外判主控官,應該好清楚法律專業包括不偏不倚、謹言慎行;身為民生書院畢業生,學校教導亦應該記住,但佢嘅激進言論惹人側目,同律師以及同學會永遠執委嘅身份難以共存[8]

被揭發就英國事務律師資格作虛假陳述[編輯]

陳文慧曾經喺香港大律師公會網頁上自稱係英國律師,但有民間團體去信英國律師監管局,得到對方書面確認,證實陳文慧唔係英國事務律師,監管局已去信通知佢喺公開資料唔能夠以此稱呼,而陳文慧咁做,已經構成虛假陳述[2][9]

處理反修例運動案件期間人身攻擊被告[編輯]

喺2020年2月21號,網民發起「毋忘7.21 八區和你 lunch」嘅反修例運動集會,一名舞台設計師喺九龍灣被搜出藏有棍狀電筒,之後被檢控。嗰名實習舞台設計師自辯話,佢當日其實係參加一個與網上聯署有關嘅抗疫集會,當時有派發口罩、搓手液等抗疫物資,仲聯署希望邀請美國疾病控制專家來港協助抗疫,而唔係參加「毋忘7.21 八區和你 lunch」,另外佢亦解釋電筒係用嚟方便自己平日喺舞台左右兩邊同後方工作,因為佢要執拾線材,而手機無法聚焦同照射到對面,如果問公司攞可能引起行政上嘅麻煩。不過,陳文慧喺盤問嘅時候,就單方面咁話自己未聽過聯署,攻擊美國防疫唔好,又話被告由頭黑到尾,有電筒就即係用嚟扑人,反而話警察誠實[10]。最終,被告獲判無罪,而法官亦指控方無直接證據證明被告嘅傷人意圖,批評警察嘅證供有武斷之處[11]

參考[編輯]

  1. "Chan, Vivien Man Wai (Ms) | Hong Kong Bar Association". www.hkba.org. 喺2021-04-03搵到.
  2. 2.0 2.1 2.2 . 紀元時報 香港|獨立敢言的良心媒體 (香港中文). 喺2021-04-03搵到.
  3.  . 香港01. 2019-08-30. 喺2019-09-01搵到.
  4.  . 香港01. 2019-08-31. 喺2019-09-01搵到.
  5. 5.0 5.1 黃世澤. 文慧與Unrechtsstaat. 原先內容歸檔喺2020-06-25. 喺2020-04-09搵到. {{cite web}}: Cite has empty unknown parameter: |dead-url= (help)
  6. 6.0 6.1 暴之戰諾軒襲警案主控官 疑似fb「畜示威者容陳淑莊. 原先內容歸檔喺2020-04-07. 喺2020-04-08搵到. {{cite web}}: Cite has empty unknown parameter: |dead-url= (help)
  7. 7.0 7.1 諾軒襲警案|主控官疑fb斥法官 袁海文向大狀公會投訴. 原先內容歸檔喺2020-06-25. 喺2020-04-08搵到. {{cite web}}: Cite has empty unknown parameter: |dead-url= (help)
  8. 暴之戰諾軒襲警案主控官 疑似fb辱罵法官 母校舊生聯署促交代. 原先內容歸檔喺2020-04-15. 喺2020-04-19搵到. {{cite web}}: Cite has empty unknown parameter: |dead-url= (help)
  9. 新聞 | 英監管局:陳文慧2000年已從英國律師名冊除名 大律師公會正調查. (中文). 原著喺2021-01-19歸檔. 喺2021-04-03搵到.
  10. 台設計師管棍狀電筒表證成立 主控官陳文慧怒斥美國疫最渣 屢稱被告束 | 立場報道 | 立場新聞. 場新聞 Stand News (英文). 原著喺2021-04-01歸檔. 喺2021-04-03搵到.
  11. 指管棍狀電筒傷人 舞台設計師獲判無罪 官:警員證供有武斷之處 | 立場報道 | 立場新聞. 場新聞 Stand News (英文). 原著喺2021-04-22歸檔. 喺2021-04-22搵到.