陳李濟

陳李濟

類型	製藥廠
開檔	1600年
總部地址	廣州廠： 中國廣東廣州海珠區廣州大道南1688號 香港廠： 香港柴灣利眾街40號
產業	藥品生產企業
產品	舒筋健腰丸 烏雞白鳳丸 喉疾靈 枇杷潤喉糖 咳喘順丸
網址	廣州陳李濟藥廠 香港陳李濟藥廠有限公司

陳李濟（粵拼：can4 lei5 zai3）係中國廣東廣州嘅製藥公司，1600年成立，廣州廠喺海珠區廣州大道南1688號，香港廠喺柴灣利眾街40號。佢既係中國四大中醫藥堂之一同中華老字號，又係俾健力士世界紀錄大全登載過「世界上最長壽嘅藥廠」，甚至入選過國家級非物質文化遺產名錄。而家中國大陸地區商標喺中共建政後由廣藥集團屬下嘅工廠廣州白雲山陳李濟藥廠有限公司擁有，港澳臺同海外地區商標由香港陳李濟藥廠有限公司擁有。呢間嘢主要出帶中藥成份嘅藥品，尤其係舒筋健腰丸、烏雞白鳳丸、喉疾靈、枇杷潤喉糖、咳喘順丸喺兩廣地區出嗮名。

名

藥廠係由廣東南海人陳體全同李昇佐負責成立，個舖名嘅主要代表「陳李同心，合作濟世」含義。

藥廠喺香港同海外嘅英文名係成立時嘅傳統粵式郵政式拼音「Chan Li Chai」；而廣藥陳李濟喺1949年之後被改成普通話拼音「Chenliji」，同好多國有企業嘅做法一樣，到而家都未恢復。

出面網頁

• 陳李濟嘅官方網站（廣藥陳李濟）
• 陳李濟嘅官方網站（香港陳李濟）