陳樹暉（英文：Chan Shu Fai，1990年10月29號—），係香港泛民主派政治人物，第六屆元朗區議會前任議員（洪福選區），前任民間人權陣線副召集人，香港天主教正義和平委員會幹事。
佢舊時讀德信中學同嶺南大學哲學系，做過大學學生會會長同香港專上學生聯會秘書長。
2019年，陳樹暉代表朱凱迪新西團隊參加第6屆香港區議會選舉嘅元朗洪福選區，結果一擊即中，打低民建聯徐君紹，成功當選，2021年7月8號，佢正式劈炮，成為泛民主派區議員辭職潮嘅其中一個犧牲品。
