陳瑞祺

出自維基百科,自由嘅百科全書

陳瑞祺(Chan Sui Ki;1885年1950年),名禎祥,字文典,係中國廣東新會人,亦係香港商人。

屋企[編輯]

佢老頭陳澄波係香港富商。陳氏有兩個仔,包括陳經綸、陳經邦。[1]

生意[編輯]

十三歲去香港讀書,十九歲跟老頭經營米業。之後佢喺安南東京西貢開米業公司,又開碾米加工廠,重買咗艘千幾噸位嘅貨船,名黃石公號,運越南米到香港賣,生意好好。主持香港、越南各米舖米廠。之後又開正心有限公司,經營地產。

社會[編輯]

陳瑞祺愛國,雖然無參加黨派,唔過問政治,但好關心國家民族安危,文化教育,以種種災難。

一九一四年,陳瑞祺鄉下氏族械鬥,焚燒屋千間,數千鄉親流離失所,無家可歸。佢父子聯絡本鄉旅外僑胞,帶頭出錢出力,搭葵棚,置鄉親,捐巨資安排生活,恢復生產。一九一五年, 廣東珠江三角洲大水,波及省城鄰縣,災民數百萬。父子運香港大米到災區,救濟災民。

一九三零到三五年間,捐款起幾百間磚屋,安置窮鄉親,爲窮鄉親七八百人,按月發錢發糧。

佢曾任東華三院主席[2]

一九三七年,抗日戰爭爆發後,國民政府為保南京,徵用船隻沉江,塞長江口,徵用咗雙黃石公號。

敎育[編輯]

一九二七年,陳瑞祺家鄉陳涌,起咗澄波第一小學,翌年,又喺陳涌山嘴村,起澄波第二小學,免收學費,負擔學校經常費用。一九三二到三四年,撥款十幾萬,擴建兩校舍。廣州、佛山、江門、香港、澳門、新會等地,起澄波義學廿幾間,皆免學費。

老頭陳澄波,見唐字難寫,研究改革切音字[1]。佢自任道字總社社長,仔陳經邦任副社長,改良文字,一九三三年發明道字,拼音字母一種。出版《道漢字音》字典。陳瑞祺嘗試推廣道字,一九三八年,日軍攻入侵華南先停,受教學生幾十萬人。

發明[編輯]

佢同仔女研究制人造絲、麻等化纖、人造木、玻璃、印字泥、玻璃紙、化學玉石等,以圖振興民族工業。又研製成功風寒油、風熱油、腳氣水等醫藥,贈送貧苦病人。

命名[編輯]

[編輯]

  1. 1.0 1.1 瑞祺—咬文嚼字的米業大亨2. 原著喺2016年3月5號歸檔. 喺2012年9月14號搵到.
  2. . 原著喺2009年3月9號歸檔. 喺2012年9月14號搵到.