陶陶居

出自維基百科,自由嘅百科全書
Jump to navigation Jump to search

座標: 23°6′57.81″N 113°14′13.44″E / 23.1160583°N 113.2370667°E / 23.1160583; 113.2370667

陶陶居
模出錯。原因:未指定部門。
TaoTaoJu.JPG
喺邊 荔灣區第十甫
66
登錄 2002年9月

陶陶居粵拼tou4 tou4 geoi1,俗話孖陶maa1 tou4)係中國廣東廣州老字號茶樓,大清光緒六年(1880年)開襠,家下有1間總舖同3間分舖。

佢因為有著高雅格局,喺廣州茶樓入邊有著殿堂級地位,歷史上係各方文人雅士鍾意打戥嘅地頭。

1間總舖同3間分舖[編輯]

[編輯]

陶陶居係廣州嘅老牌茶樓。喺1880年清朝嗰陣,有個嗌黃澄波嘅人睇到呢度冇咩茶樓噉(清朝末年,西關一帶重係鄉下地方,同廣州市區隔住城墻),於是買落間百幾平方米嘅西關大屋。佢老婆個名嗌「葡萄」,所以當時起名做葡萄居pou4 tou4 geoi1,當時買嘅係姑蘇式嘅清茶細點,生意幾好。後來黃澄波死咗,間茶居跟住執笠。1927年,茶樓大王譚傑南(有講話係陳伯綺)代黃澄波重開茶樓,佢搦咗六萬兩銀喺下九路嘅原址重開。後來因爲超支,佢嗌關恒昌幫手,最後用8萬1600文起返間嘢。但係新股東話「葡萄居」個名唔好聽,於是改名爲陶陶居,意思係「樂也陶陶」。

共和國後[編輯]

中華人民共和國成立後嘅第七年(1956年),因中國共產黨搞公私合營,間嘢被充公。重喺1966年變咗國有企業文革期間受到剷除一切牛鬼蛇神嘅思想影響,間嘢俾當局改名成東風樓,所在嘅第十甫路就變成「秀麗路」直到1971年9月先至打回頭。

廣州飲食服務企業集團有限公司就用商標持有人身份銷售外發加工嘅「陶陶居」食品,而幸福樓飲食集團同樣有銷售自產食品。飲食集團嘅品牌顧問話集團啲「陶陶居」品牌食品同幸運樓集團啲產品同銷售渠道係有差異。而廣州市人大代表——丘育華話「唔話得市場很大就冇競爭」,若果唔係國資委單獨經營嘅,就應該畀幸運樓搞[1]

陶陶居後嚟俾中華人民共和國貿易部頒發咗「中華老字號」同「國家特級酒家」等榮譽。2005年6月個老舖被列入廣州市登記保護文物單位

外判商標權[編輯]

早喺2000年,幸運樓飲食集團由廣州工業發展集團下屬廣州飲食集團度攞咗陶陶居商標經營權,經營第十甫路陶陶居老舖,合約期至2018年9月11號[2]

2015年7月初,廣州陶陶居食品有限公司又去咗廣州交易所發公告,將陶陶居商標嘅餐館服務專案權限掛出外判,收尾畀主營山東菜嘅食尚國味飲食集團投得標的,簽低合約期至2024年,據悉陶陶居品牌使用費將由茶樓營業額度抽取點數方式來結算,保底數係279.11萬。陶陶居食品唔參與茶樓具體營運,但會監督茶樓嘅裝修風格及產品品質,要求食尚國味5年內至少新開設5間陶陶居茶樓[3]。市面由此見到幸運樓、廣州工業發展集團、食尚餐飲3家企業共用陶陶居商標嘅局面,其中幸運樓同食尚餐飲係獲授權負責陶陶居餐飲嘅運營,而包括月餅餅乾等陶陶居品牌嘅食品加工仍由廣州工業發展集團下屬嘅國資公司來生產、售賣[2]

2015年8月,山東食尚喺廣州正佳廣場開設第一間新舖,食肆入邊有滿洲窗、鳥籠、趟門等廣州老西關元素,而格局係現代餐廳個款:客座係兩人檯凳為主,有半開放式嘅多人包間。食尚嘅東主尹江波話,要埋畀新一代後生歡喜陶陶居,就要喺鋪面裝修、出品同服務上同消費趨勢結合埋[4]

2016年8月,喺廣州麗影廣場開設第二個舖。12月喺福建廈門SM廣場開設第三間分舖,係外省嘅首間新舖,而同月喺廣州環市東以街鋪形式新設分舖。

2017年5月,喺廣州珠江新城西塔新設高檔分舖,裝修同出品都不同以往[5]。 

佈置[編輯]

陶陶居充滿著嶺南建築風格。 老舖喺1933年重開陣有較多改建,當中大樓係三層鋼筋混凝土結構,天面有六角亭,裝飾嘅彩畫灰飾等極富嶺南風格。內設卡座正廂、大觀園、濂溪清舍、八卦圖形等卡位,別具匠心。為迎合埋文人清雅風格, 內籠牆壁掛埋咗名人字畫、詩詞對聯,七彩玻屏風上仲刻埋詩畫,供茶客欣賞。

老陶陶居主要客位採用圓枱而非方枱,餐枱都會要鋪枱布,餐廳內亦配置洗手間[4]

當幸福樓集團買低陶陶居(營運權)後,亦有粉飾一番,古舊傢私有保留完好,仍保持咗傳統茶樓嘅風韻。

招牌[編輯]

招牌

有講話陶陶居嘅招牌係康有為寫嘅,用嘅係石門銘碑法。康有爲喺萬木草堂敎書嗰陣成日來呢度飲茶,於是親筆寫招牌。亦有種講法認爲係康有為爲佢妾侍「陶陶」嘅閨房題字,後來流入茶樓老世度。喺戊戌變法失敗後、康有為走難,之後革命思潮興起,康有為嘅保皇思想唔合時勢,茶樓主人驚畀人話,於是去咗牌入面「康有為」嘅名。有人話呢幅招牌可能唔係康有為寫嘅,因為嗰時有好多人學寫康體字。

出品[編輯]

[編輯]

陶陶居最出名嘅係「山水名茶」。

廣州北邊嘅白雲山度有眼九龍泉,水質好靚,而陶陶居就每日請十幾個咕喱去擔水,擔水時上面插住有「陶陶居」個名嘅旗仔,係上晝同晏晝開工。嗰時無現代交通咁發達,啲咕喱靠行,單程就起碼三、四個鐘。

而陶陶居之所以專門擔山水,係因爲用九龍泉水沖茶,茶會好清甜。因爲噉,陶陶居飲茶嘅人越來越多,於是佢改用大板車來車水。

靚茶除咗要有靚茶葉、靚水外,重要配番靚茶具。而陶陶居用嘅茶壺就係宜興紫砂壺,而炭爐則係潮州出嘅,叫做「瓦鼎陶爐、文火紅炭」,煲到個壺有蝦眼水出嚟就可以倒落去有茶葉嘅茶葉甇度喇。

食品[編輯]

馳名出品[編輯]

陶陶居由唔少嘅廣東風味菜,其中畀定為名菜嘅就有豬腦魚雲羹、五彩鮮蝦仁、 薑蔥炒肉蟹、西湖菊花魚、手撕鹽焗雞等 10 種。

  • 豬腦魚雲羹,係用豬腦、鮮蝦、魚雲、火腿、肉粒、瘦叉燒粒、鮮菇粒等原料燴成,湯色金黃,係出咗名嘅傳統菜式[6]

另外仲有歷屆美食節獲獎菜式,如金牌麻皮乳豬、滋補鹽燉雞、浙江風味雞、瓦煲鎮江雞、秘制乳鴿皇、花膠洋參燉水魚、瑤柱綠豆扣田雞、金粟桂魚件、花枝秋菊、雙果紫菜丸、瑤柱綠豆扣田雞、百花齊爭豔、哈蜜水晶丸等[7]

點心[編輯]

陶陶居嘅仲有歷史悠久嘅精美點心廣受好評,每日供應嘅點心有成百款,如乘風破浪船、陶陶蝦餃皇、蟹黃幹蒸燒賣、蜜汁叉燒包、鴛鴦雞蛋撻、陶陶甘粟餅、海南水晶球、五仁白綾酥、裱花蛋糕、迷你像生、欖蓮香波、香麻鴛鴦卷、雞粒千層盒等[7]

  • 奶皇包:有甜香嘅椰子味,當把包皮掰開嘅時候,鮮黃色嘅奶皇滿溢咁漏出嚟。蛋黃嘅比例適中。

睇埋[編輯]

  • "饮食集团:不排除收回"莲香楼"品牌". 南方都市報. 2013-07-10. (原先內容喺2014-07-03歸檔). 喺2014-07-01搵到. 
  • 2.0 2.1 "百年老店"陶陶居"能否結束"一女二嫁"尷尬?". 南方日報. 2016-07-25. 
  • 資訊時報 (2015-08-21). ""聘金"279萬 陶陶居"再嫁"". 
  • 4.0 4.1 吳娓婷 (2017-11-16). "陶陶居等廣州餐飲"館二代":精煉產品線 打造一種潮流". 經濟觀察網. 
  • "陶陶居尹江波:做餐飲如同馬拉松,貴在精神與堅持". 贏商網. 2017-07-04. 
  • 廣州市志·商業卷·飲食
  • 7.0 7.1 谭凌 何健芳. "百岁食府 月饼泰斗". 廣州文史.