陶潛

出自維基百科,自由嘅百科全書
(由陶靖節跳轉過嚟)
陶潛
出生日365年2月11號 喺Wikidata改呢個
出生地廬山市 喺Wikidata改呢個
死亡日427年11月21號 喺Wikidata改呢個 (62歲)
國籍東晉 喺Wikidata改呢個
識嘅語言中文 喺Wikidata改呢個
職業詩人作家 喺Wikidata改呢個
配偶Zhai Shi 喺Wikidata改呢個
陶潛采菊

陶潛365年427年),字淵明,又云淵明,字元亮文人,亦曾做官,生於潯陽柴桑,即今日九江市。晉末,曾有志向做官,然而見盡政治混濁,離自己所想政治太遠,無用武之地,然而仔女眾多,為咗家計都出仕四次,四次都放棄,歸隠田園。至後一次八十日,潯陽郡督郵巡視,「我豈能為五斗米折腰向鄉里小兒」,即辭官不仕。及後劉裕以宋代晉,殺害異己,混濁如此,更加唔想出仕。陶潛自始至終無做過大官,只做到彭澤

宋書寫佢卒於元嘉四年十一月。生年不確,以宋書所寫卒年,以及年紀推敲,一般以晉興寧三年,即公元三六五。亦有太和四年,即公元三六九年,同埋興寧三年,即公元三五二年。 陶潛生於世族大司馬陶侃之曾孫,武昌太守陶茂之孫,安成太守陶逸之子,到佢嗰世已沒落。

死後友人私謚靖節先生,故又叫陶靖節。佢有作品《五柳先生傳》以明己志,後人亦稱佢五柳先生

出名作品包括《歸園田居》、《桃花源記》。陶潛篤守儒家,詩賦文中,多懷政治理想,但又悲嘆時不予我,與現實相差太大。

陶潛出名中意飲,而且更出名愛,有詩曰「採菊東籬下,悠然見南山」,後世以陶潛隱逸,亦以菊喻隱逸,後世為人所慕,多多提及。

生平[編輯]

家世[編輯]

陶潛之祖,見於佢四言詩命子》「悠悠我祖,爰自陶唐。邈為虞賓,歷世重光。」佢上追至陶唐氏帝堯

三國時,吳國揚武將軍陶丹,陶丹生陶侃(陶桓公)。陶侃做到東晉大司馬,長沙郡公。陶侃生陶翻同陶茂。陶翻承襲爵位。陶茂做到武昌郡太守。陶茂生陶逸。陶逸做到安成郡太守。陶逸娶孟氏,名士孟嘉之四女。

晉哀帝興寧三年,陶逸與孟氏生陶潛。

陶潛有姑丈羅遵士,娶陶茂女。

陶敬遠,係陶潛同祖弟,而敬遠亞媽,又係陶潛亞媽孟氏嘅姊妹。陶敬遠同陶潛曾一齊隱居。

陶氏出身於南人,靠打仗起家,世族中唔及北方大望族,陶侃死後,族中無能人,受到壓制,而族人亦較淡泊。然而陶氏又好過其他寒門,家族仍有啲人派。而母系有孟氏,都係世家。世襲爵位,唔輪到陶潛,所以陶潛先會幼年家貧。之不過,陶潛都有唔少地,有地方畀佢耕田過日。

陶潛娶妻兩次。三八四年娶元配,元配三九四年死。之後娶翟氏。兩妻生唔少仔女,有名嘅有陶儼、陶俟、陶份、陶佚、陶佟五個仔。佢責啲仔唔成才,寫過《責子詩》:「白髮被兩鬢,肌膚不復實。雖有五男兒,總不好紙筆。阿舒已二八,懶惰故無匹。阿宣行志學,而不愛文術。雍端年十三,不識六與七。通子垂九齡,但覓梨與栗。天運苟如此,且進杯中物。」

少年[編輯]

陶徵士誄》寫,「少而貧病,居無僕妾。井臼弗任,藜菽不給。」可見幼年多病又貧困。《陶淵明傳》「有高趣,博學善屬文,穎脫不羣,任真自得。」可知佢勤讀書,諸子百家群書,都有所涉獵。又「淵明有腳疾」,即佢一生行動亦唔方便。

陶潛仰慕曾祖陶侃,《命子》「桓桓長沙,伊勳伊德。天子疇我,專征南國。功遂辭歸,臨寵不忒。孰謂斯心,而近可得。」期可建功立業,同先祖一樣。

《飲酒》之十六,「少年罕人事,所好在六經。」《雜詩》之五:「憶我少壯時,無樂自欣豫。猛志逸四海,騫翮思遠翥。」少年已受儒家薰陶,志向外王建功立業。

出仕[編輯]

陶潛雖有陶侃志向,但唔及佢曾祖。陶侃千方百計,由低爬起,而陶潛對吏事感到煩厭,唔受重用,寧願去耕田。而且,陶侃有時機,衣冠南渡,要擺平南方豪族,而陶潛時,朝延已無需南人。

晉太元十九年,即三九三年,陶潛二十九,任江州祭酒,頂唔順工作,無耐就辭官。之後州里招佢做過主簿,不過無上任就辭。之後隠居六七年,田園操勞動,亦至佢得疾。

三九六年,晉太元二十一年六月,晉安帝司馬德宗繼任皇帝。司馬德宗唔善朝政,乜都交畀人,造成日後臣下亂政,又有流民盧循孫恩反叛。

隆安三年,三九九年,仕於江州刺史桓玄,當時政事混亂,或出於桓玄有期許。隆安五年冬,四〇一年,母孟氏卒,服喪而辭任。無耐,桓玄就同司馬氏起衝突。就留喺鄉下耕田。

四〇四年一月,即元興二年十二月壬辰日,桓玄登位為皇帝,國號楚,改元永始。而晉皇帝司馬德宗,就眨為平固王,無耐遷去潯陽,即陶潛住嗰個郡。

元興三年二月乙卯日,即四〇四年,劉裕等起兵反桓玄。五月,桓玄逃入蜀畀人殺死。六月,陶潛仕於鎮軍將軍劉裕,做參軍,即係幕僚。無耐,轉仕江州刺史、建威將軍劉敬宣府中,任建威參軍。可見仍有壯志,之不過,此時見劉裕等人所行,就不免幻滅,萌生退隱之意。四〇五年,義熙元年三月,晉安帝反正,劉敬宣自表解職,於是乎決意歸隱。之不過當時仔女細,耕田唔夠食,於是聽叔父陶逵勸,八月秋,任彭澤縣之縣令。十一月,因唔想對住朝延派來巡查小兒,為五斗米折腰,做咗八十日就辭。從此一身輕。

劉裕助司馬德宗復位,劉裕亦把持朝政。

歸隱[編輯]

隱遁之後,寫咗《歸園田居》、《歸來兮辭》。《歸園田居》寫,「久在樊籠裡,復得反自然。」正正係佢心境。隱遁之後,詩賦甚多,寫作至多嘅時間。

曾與佛門慧遠結緣。慧遠喺廬山蓮社,因為地近,同陶潛結成好友,曾叫佢入蓮社,不過陶潛唔信鬼神,拒入。當時陶潛,同師事慧遠嘅廬山劉程之匡山隱居嘅周續,人稱潯陽三隱。按劉程之人稱劉遺民

陶潛歸隱後,同官場嘅人仍有交往。太尉參軍殷晉安,始安太守顏延之,都係佢嘅好友。之不過越來越窮,原本寫田園多,後尾都寫身困多。

四〇八年,間屋遇火災,夜間要住船過夜。之後又受戰火波及。義熙七年,即四一一年,移居潯陽負郭南村,同年同為隱居從弟陶敬遠死。義熙九年,即四一三年,朝廷招佢做著作郎,不過陶潛唔應。

四二〇年,晉元熙二年六月,恭帝司馬德文,迫住讓位畀劉裕。晉亡。劉裕做皇帝,國號宋,改元永初。陶潛變成宋國人。

四二七年,宋元嘉四年十一月,陶潛死,享年六十三。好友顔延之做代表,寫《陶徵士誄》。誄文,即追悼文。誄讀睞,來字去聲。

死後[編輯]

歸田園

當時佢作品並唔多人關注,後世蕭統搜羅佢作品,先至結成《陶淵明集》。

大清重建墓,今江西省九江縣馬回嶺鎮

寫作[編輯]

昭明太子蕭統,搜求陶淵明遺世作品,編為《陶淵明集》七卷錄一卷,並為之作

[編輯]

五言詩有《歸園田居》、《和郭主簿》、《於西獲早稻》、《懷古田舍》、《桃花源》並序,序稱《桃花源記》、《飲酒》二十首並序、《止酒》、《責子》、《述酒》、《蠟日》、《雜詩》十二首、《詠貧士》、《詠荊軻》、《讀山海經》十三首、《輓歌詩》三首等。

[編輯]

有《感士不遇賦》並序、《閑情賦》、《歸去來兮辭》並序。

[編輯]

五柳先生傳》,寓寄展現個性情懷,灑脫自然,如文章所說:「無懷氏之民歟,葛天氏之民歟。」或許五柳先生似無懷氏葛天氏

另有《晉古征西大將軍長史孟府君傳》、《扇上畫贊》、《讀史述九章》、《與子儼等疏》、《祭程氏妹文》、《祭從弟敬員文》、《自祭文》。

偽託[編輯]

陶潛出名,亦有唔少偽託其名。南朝志怪小説《捜神後記》十卷舊題為陶潛撰。魯迅認為「陶潛曠達未必拳拳於鬼神,蓋偽托也」。

北齊陽休之編陶潛集十卷中收入《五孝傳》、《四八目》。紀曉嵐四庫總目提要》指《五孝傳》、《四八目》偽托。

出面網頁[編輯]