陸浩明

陸浩明（英文：Luk Ho Ming，1979年 4月26號—），花名6號，係香港藝人，主要做節目主持，亦有拍過電影同電視劇。

佢喺大學就加入咗新城電台做DJ，之後又喺香港有線電視擔任主持，2013年過檔無綫電視，佢同肥媽做煮食節目《食平D》系列而出名，後來重上埋契做肥媽契仔。

6號除咗主持飲食節目外，亦主持多個綜藝節目，佢嘅風格幽默親切，TVB大型節目亦經常見到佢嘅影蹤，當中包括萬千星輝賀台慶、歡樂滿東華、萬眾同心公益金、慈善星輝仁濟夜、香港小姐競選、萬千星輝頒獎典禮、勁歌金曲頒獎典禮、新春花車巡遊等等。佢有份主持嘅J2節目後生仔傾吓偈亦深受年青人歡迎，呢個節目更奪得萬千星輝頒獎典禮2018最佳非戲劇節目獎。成為新一代大型節目嘅御用司儀。

陸浩明同女友陳詩欣（Ayan）感情穩定，2019年陸浩明同父母去日本旅行，女友都有同行^[1]。

2020年2月，陸浩明喺《＃後生仔傾吓偈》講錯2003年爆發嘅沙士源自香港，最後要公開道歉同糾正。

演出作品[編輯]

呢個表唔完整，歡迎加料。

↑ 〈【愛情定親情】為女友靚相陸浩明埋怨阿爸亂入〉. 《明周娛樂》 (美國英文). 2019-10-08. 原著喺2019-10-10歸檔. 喺2019-11-09搵到.

呢篇同香港藝人相關係楔位文。歡迎幫維基百科擴寫佢。