陽光 (品牌)

出自維基百科,自由嘅百科全書
Jump to navigation Jump to search
左邊係陽光紙包飲品嘅自動販賣機

陽光(英文:Yeung Gwong,舊時叫Hi-C)係香港一個飲品牌子,屬可口可樂公司。佢響1984年開始出紙包飲品,包括檸檬茶荳奶果汁飲品,係嗰時香港兩大紙包飲品牌子其中一個(主要對手係維他)。隨住2010年代頭,可口可樂公司響香港主力推銷另一個國際牌子飛想,陽光呢個牌子經已好少做廣告宣傳。

陽光響1980年代1990年代曾經大賣廣告,廣告口號係「邊度都有陽光」,當中最經典嘅廣告係1987年嘅陽光檸檬茶電視廣告,由鄭伊健主演,廣告歌《如果...陽光》就由盧昭明主唱(曾經傳係楊楚營主唱,另外2010年由馮曦妤翻唱)。另外曾經演出過陽光電視廣告嘅演員重包括梁藝齡(1986年)、樊奕敏(1989年)、譚凱欣(1991年)、何嘉莉(1996年)、方力申(1997年)、張柏芝黃宗澤(1998年)、何思諺(2010年)、李拾壹陳蕾(2017年)、Dear Jane蘇皓兒(2018年)等等。

陽光喺推出初期係將類似實物的素描圖印喺個包裝面度,而且有幾條橫線作為背景,1990年代初期改咗版,但係除咗係個盒背景嘅橫線改斜線之外就冇乜太大分別。喺1997年推出嘅包裝設計就同以往兩個版本完全唔同,代表飲品味道嘅生果同品牌字體都改成卡通化。2017年3月,陽光確認咗推出返1980年代嘅復刻版包裝,原定喺7月會改返1997年個版本,不過最後陽光已經將呢個臨時設計常規化。值得留意嘅係,1980年代嘅包裝係有一面用英文寫,現時嘅復刻版兩面都係中文寫。

睇埋[編輯]

出面網頁[編輯]