集成中心
集成中心（英文：C.C.Wu Building ），係由香港富豪伍集成所有 ，係香港島灣仔嘅一座商場同寫字樓嘅建築物，亦係灣仔區地標之一，喺1983年建成，有兩個出入口，分別位於灣仔道及莊士敦道。佢嘅東面有永倫立方 、北海中心，西面有德士古油站、軒尼詩道官立小學等。佢嘅灣仔道方面係停車場入口。
因為附近係學校區、住宅區，同幾間年青時尚嘅商場集中地，人流車流亦車水馬龍。集成中心商場嘅地庫有銀行同超級市場，北門有麥當勞餐廳，高層地下則設有幾間食肆以及模型玩具店舖，另外商場亦曾經係港鐵特惠站所在地之一，但已經喺2015年7月31日終止服務。
集成中心上層部分係寫字樓，主要租戶包括馬炎璋會計師行有限公司（8樓）。