雙門底

雙門底，中國一地，喺廣州，舊日省城中軸南段，廣州最繁華地方。中華民國以後，個名不受官方所認，日漸為人所忘。雙門底喺正今日越秀區北京路步行街中間，廣州百貨公司同廣州市青年文化宮一帶。

雙門底，名自拱北樓，舊時坐正大街中間，下面有雙門，所以依帶叫雙門底。大官經水路由正南門入城，經過雙門底，到北面官衙之地。

史

大唐

唐末，建清海軍樓，做唐城牆南門。

大宋

城牆要南移至新海邊，拆唐南面城牆，留清海軍樓。雙門底一帶為繁華街道。

大明

拆走城內城牆。

大清

清樓軍樓改名拱北樓。樓北叫承宣街，樓南為鎮雄坊，又叫鎮雄直街，鎮雄街。

承宣街，又叫雙門底上街，鎮雄坊，又叫雙門底南街。

雙門底拱北樓，為外商最注目嘅屋宇，所以有亦係廣州一景，見於畫作。

雙門底，新年前亦出名花市，係珠江流域花市始祖。

雙門底有華光廟，秋時誕期好鬼熱鬧。