雞場街

出自維基百科,自由嘅百科全書
雞場街牌坊

雞場街文化坊係一條喺馬來西亞馬六甲州馬六甲市,集古跡文化、休閒為一體嘅古老街道,喺2000年成立,如今已發展成出名文化旅遊景點。

雞場街原義取自於閩南文「街場街」,意思係形容佢係繁忙嘅街道,而閩南文嘅「街場」同「雞場」同音,所以逐漸將佢演變叫做雞場街。另外,由於馬六甲州曾經畀荷蘭殖民統治,雞場街亦被改名做Jonker Walk,主要係指荷蘭貴族街[1]。s

雞場街依家打造成為出名繁華嘅文化旅遊景點,因為早喺中國明代出名外交使節鄭和七次遠洋航海,並且六次駐節馬六甲時,喺當地設立「官廠」,亦令以雞場街為主幹嘅廿幾條周邊街巷成為當時華人遷居南洋最早集中聚居地區。但係,雞場街喺1990年代開始走向沒落,好多當地居民遷移新區,造成老街城區人去樓空,失去原有繁華景象。當時,馬六甲州政府意識到危機,並喺2000年提出成立雞場街文化坊嘅倡議,同時委任以馬六甲州資深行政議員拿督威拉顏文龍太平局紳博士為首嘅工委會,領導開展雞場街發展建設工作[2][3]

經過多年規劃經營之下,雞場街以及周邊街巷嘅百年老房古建成功得以保留,並獲注入新元素,包括辟設每逢星期五至星期日,一連三日傍晚開始至淩凌晨嘅夜市,進而擺攤展售各種地道美食、精美藝品、出名土產等,造就無數商機,間接恢覆過去嘅繁榮現象。另外,雞場街如今除咗有好多結合中式南洋建築風格嘅古樓林立,包括百年華人同鄉會館甚至寺廟之外,亦喺周末封街之夜同埋華人佳節時期富含各種精彩活動,例如:除夕迎春倒數、春節布置盛會[4]、龍獅大鬧元宵[5]等,形成一股蘊含濃郁嘅中華文化氣息。

由2008年7月7號開始,雞場街老街城區成功獲得聯合國教科文組織名列世界文化遺產[6],每年吸引超過2000萬名遊客到訪觀光。2017年3月19號,南京市人民政府贈送一對漢白玉獅畀馬六甲市,並將呢對漢白玉獅安置喺雞場街世界文化遺產公園入口處,作為兩市喺2008年開始締結成為友好城市嘅友誼象徵[7]。同年5月26號,雞場街亦同江蘇周莊古鎮正式結為友好合作景區[8][9],並喺雞場街舉辦華夏周莊文化周[10],繼而推動兩地文化旅遊交流。2018年5月19號[11],雞場街隨後再同四川寬窄巷子正式簽署締結成為友好合作街區[12]

建築風格[編輯]

呢條街由Stadthuys附近,馬六甲河對岸開始。沿路左右兩邊充滿住歷史價值房屋,佢哋嘅歷史可以追溯至17世紀。另外,呢條街仲有出售古董紡織品食物手工藝品同埋紀念品(例如鎖匙扣)嘅商舖。

活動[編輯]

雞場街夜市

每個星期五、六、日黃昏6點開始,呢條街都會封路,設有夜市攤擋。

景點[編輯]

雞場街景點包括:

  • 巴巴娘惹遺產博物館
  • 鄭和文化博物館
  • 正勳滕廟
  • 亨傑巴特墓
  • 杭卡斯圖里墓
  • 甘榜胡魯清真寺
  • 甘榜吉靈清真寺
  • 斯里Poyyatha Vinayagar Moorthi寺
  • 海峽中國珠寶博物館
  • 泰米爾衛理公會

[編輯]

參考[編輯]

  1. "Jonker Walk". Wikipedia (英文). 2017-07-03.
  2. [華人世界]唐人街 馬來西亞 顏天祿:馬六甲華人老街的守護者_CCTV節目官網-CCTV-4_央視網(cctv.com). tv.cctv.com. 喺2018-07-13搵到.
  3. 民日報海外版-人民網. paper.people.com.cn. 原著喺2018-07-13歸檔. 喺2018-07-13搵到.
  4. 李晨陽. . www.rmzxb.com.cn. 喺2018-07-13搵到.
  5. 寫:馬六甲舞獅鬧元宵---中國---東盟中心. www.asean-china-center.org. 喺2018-07-13搵到.
  6. CCTV.com央視國際網絡有限公司版權所有. 六甲被聯合國列為世界文化遺產[組圖]_cctv.com提供. news.cctv.com. 喺2018-07-13搵到.
  7. "Sina Visitor System". www.weibo.com. 喺2018-07-13搵到.
  8. 莊古鎮牽手馬六甲南洋古街,吸收國際元素推進"旅遊+"_長三角政商_澎湃新聞-The Paper. www.thepaper.cn. 喺2018-07-13搵到.
  9. chinanews. 國周莊國際旅遊節啟幕 江南古鎮牽手南洋古街-中新網. www.chinanews.com. 喺2018-07-13搵到.
  10. chinanews. "2017華夏周莊文化周"在馬來西亞名城馬六甲舉行-中新網. www.chinanews.com. 喺2018-07-13搵到.
  11. 朋老友都來了 一起討論新經濟 - 成都商報|成都商報電子版|成都商報官方網站. e.chengdu.cn. 原著喺2021-04-12歸檔. 喺2018-07-13搵到.
  12. chinaqw. 馬雞場街與成都寬窄巷合作 促華人了解特色老街-中國僑網. www.chinaqw.com. 喺2018-07-13搵到.