雞尾酒會效應

雞尾酒會效應（參照英文：Cocktail party effect）係指一種認知心理學上嘅現象，講緊人腦能夠專注去留意某一個特定嘅刺激，尤其係聽覺方面嘅刺激，同時忽略周圍其他刺激；例如阿明出席酒會，阿明周圍嘅出席者係噉喺度傾計，同時阿明要聽另一位出席者阿偉講嘢，喺任一時間點，阿明對耳仔接收到嘅聲都係由好多個唔同來源嘅聲疊加而成嘅—除咗阿偉把聲，仲有出席者 A 把聲、出席者 B 把聲、出席者 C 把聲等等，但淨係靠日常觀察經已可知，阿明有能力集中留意聽阿偉講乜—反映人腦有專注嘅能力，識得由咁多來源之中抽一個出嚟集中處理^[1]^[2]。

呢種能力喺人類之中相當普遍，大多數成年聽者都能夠將耳仔接收到嘅整體聲音，分拆成幾條獨立嘅聲流，再揀出當中最應該留意嗰條，排除其他聲流^[3]。

認知功能

雞尾酒會效應反映出人類注意力嘅一個重要特性——選擇性。喺現實世界入面，人腦同一時間會接收到大量嘅感官資訊，但感官系統冇可能同時處理晒所有輸入，所以必須揀出最重要嘅部分嚟集中處理。^[4]

專注力就係呢種「資源分配」嘅能力：佢容許個體專注喺某一個刺激之上，同時抑制其他無關嘅訊息。喺雞尾酒會效應入面，專注力令聽者可以鎖定某把特定嘅聲音，追蹤佢嘅語音流，而忽略其他講話者同背景噪音。

神經相關

某啲神經心理學專家著力研究雞尾酒會效應相關嘅現象。

有人用雞尾酒會效應嘅方式做研究，探討自閉症譜系人士喺聽人講嘢上遇到嘅困難，背後有咩神經機制。現實研究表明，自閉症譜系人士喺嘈雜環境下理解言語或者專注聽人講嘢，往往比一般人困難。有研究者試過用腦電圖（EEG）方法追蹤受試者嘅腦活動，睇吓受試者喺嘈雜環境下聽人講嘢嗰陣個腦會有咩特別活動。佢哋發現喺呢種環境下聽多個講者講嘢，聽到自己個名，一般人嘅腦會出現特別反應^{[註 1]}，而有研究試過搵一班十三至廿二歲嘅人返嚟做受試者，發現一般人（TD）同埋語言流暢嘅自閉譜系參與者（ASD-V）嘅腦識得有呢種反應，但係語言能力較低嘅自閉譜系參與者（ASD-MLV）嘅腦就唔識有呢種反應。^[5]

睇埋

引述

↑ Bronkhorst, Adelbert W. (2000). "The Cocktail Party Phenomenon: A Review on Speech Intelligibility in Multiple-Talker Conditions". Acta Acustica United with Acustica. 86: 117–128. 喺2020-11-16搵到.
↑ Shinn-Cunningham BG (May 2008). "Object-based auditory and visual attention" (PDF). Trends in Cognitive Sciences. 12 (5): 182–6. doi:10.1016/j.tics.2008.02.003. PMC 2699558. PMID 18396091. 原著 (PDF)喺2015-09-23歸檔. 喺2014-06-20搵到.
↑ Marinato G, Baldauf D (February 2019), "Object-based attention in complex, naturalistic auditory streams", Scientific Reports, 9 (1), Bibcode:2019NatSR...9.2854M, doi:10.1038/s41598-019-39166-6, PMC 6393668, PMID 30814547{{citation}}: CS1 maint: uses authors parameter (link)
↑ Plude DJ, Enns JT, Brodeur D (August 1994). "The development of selective attention: a life-span overview". Acta Psychologica. 86 (2–3): 227–72. doi:10.1016/0001-6918(94)90004-3. PMID 7976468.
↑ Schwartz, S., Wang, L., Shinn‐Cunningham, B.G. and Tager‐Flusberg, H., 2020. Neural evidence for speech processing deficits during a cocktail party scenario in minimally and low verbal adolescents and young adults with autism. Autism Research, 13(11), pp.1828-1842.

註釋

↑ 可以睇睇不匹配負向波。

[Bronkhorst_2000-1] Bronkhorst, Adelbert W. (2000). "The Cocktail Party Phenomenon: A Review on Speech Intelligibility in Multiple-Talker Conditions". Acta Acustica United with Acustica. 86: 117–128. 喺2020-11-16搵到.

[Shinn-Cunningham_2008-2] Shinn-Cunningham BG (May 2008). "Object-based auditory and visual attention" (PDF). Trends in Cognitive Sciences. 12 (5): 182–6. doi:10.1016/j.tics.2008.02.003. PMC 2699558. PMID 18396091. 原著 (PDF)喺2015-09-23歸檔. 喺2014-06-20搵到.

[3] Marinato G, Baldauf D (February 2019), "Object-based attention in complex, naturalistic auditory streams", Scientific Reports, 9 (1), Bibcode:2019NatSR...9.2854M, doi:10.1038/s41598-019-39166-6, PMC 6393668, PMID 30814547{{citation}}: CS1 maint: uses authors parameter (link)

[Plude_1994-4] Plude DJ, Enns JT, Brodeur D (August 1994). "The development of selective attention: a life-span overview". Acta Psychologica. 86 (2–3): 227–72. doi:10.1016/0001-6918(94)90004-3. PMID 7976468.

[6] Schwartz, S., Wang, L., Shinn‐Cunningham, B.G. and Tager‐Flusberg, H., 2020. Neural evidence for speech processing deficits during a cocktail party scenario in minimally and low verbal adolescents and young adults with autism. Autism Research, 13(11), pp.1828-1842.

[5] 可以睇睇不匹配負向波。

[1]

[2]

[3]

[4]

[註 1]

[5]