零食

出自維基百科,自由嘅百科全書
2019 年一日,喺香港影到有人擺檔賣幾款細細件嘅零食。

零食粵拼ling4 sik6)係指已密封包裝好嘅散裝銷售量販、保存期比較長、可以即食而唔係正餐嘅小食。多數係經油炸類、堅果類、乾燥類、醃製類(包括涼果、蜜餞)、烘炒類或者糖菓、膨化類等等,但喺華人普遍嘅概念唔包括糕點麵包類嘢食、雪糕汽水在內。

介紹[編輯]

普通嘅零食可以係天然食品葵花籽瓜子花生果仁、新鮮生果等,亦可以係加工食品例如薯片朱古力香口膠爆谷等,而日式零食喺華人社區亦開始陸續盛行;喺中國大陸普遍包括魚肉腸小糯米鍋巴。近年,零食嘅種類亦有增冇減,亦配合唔同個人喜好,市場需要而製造多種口味。

主要銷售途徑[編輯]

喺港澳同台灣地區,一般零食通常係士多同鋪頭仔、超級市場便利店好重要嘅銷售項目,喺香港嘅「優之良品」、「優品360」、「零食物語」、「價真棧」同「759阿信屋」、澳門嘅「菓子天地」等等就係較具規模嘅並提供自助選購嘅零食專賣店。亦因為大部份零食保存期長與攜帶方便,售價平,口味亦廣受歡迎嘅關係,成為辦公室人員常備或者學校或者戲院嘅小賣部嘅常見銷售項目之一,亦成為睇球賽或酒吧等娛樂方面嘅佐酒之物或者旅行者傍身。

零食嘅副作用[編輯]

睇埋:口痕搵嘢食

由於要配合多種口味同長期保存嘅關係,一啲零食會加入大量防腐劑同人造色素、人造糖嚟調味同整鮮啲色。呢啲亦係食品安全部門重點監測同抽查嘅對象之一[未記出處或冇根據]。香港有調查指出零食嘅脂肪同糖份嘅比例相當高,對未能自我節制嘅學生有損健康,亦因此成日俾人話係「垃圾食物」,所以香港一間聯營小食店喺2006年新學期時喺屬下嘅學校小賣部,以乾果、新鮮生果、粟米等代替薯片、蝦條做「健康零食」。

相關書[編輯]

  • 《零食寶典》池和美 著,台灣三意文化2006年1月初版,ISBN 9868181321

睇埋[編輯]