雷朋三世

雷朋三世（日文：ルパン三世；英文：Arsène Lupin III）係日本漫畫家加藤一彥嘅作品^[1]，用偷嘢做題材，1967年到1969年喺雙葉社旗下嘅漫畫雜誌《漫畫ACTION》連載，後嚟畀人改編做動畫、電影、小說、舞台劇、Game等等。後嚟出過新版。

香港嘅正式譯名叫做雷朋三世，而台灣就譯做魯邦三世。大陸嘅譯名就照抄台灣。

另外，加藤一彥經常同宮崎駿同埋青山剛昌合作，宮崎駿曾經執導過雷朋三世，而青山剛昌就經常同加藤一彥搞合作漫畫或者電影，就好似雷朋三世VS名偵探柯南 THE MOVIE。

故仔大綱

故仔嘅主角叫做雷朋三世，係世界出名神偷亞森·雷朋個孫，所以佢繼承咗爺爺嘅所有招數，變成世界有名嘅神偷。佢嘅拍檔有居合道高手石川五右衛門、歐亞混血女神偷峰不二子同埋神槍手次元大介。呢四個人合作無間，幾乎全世界咩嘢地方都去偷過。

有一個專門對付爾班人嘅差佬，佢叫做錢形幸一，係錢形平次個孫。佢繼承爺爺嘅遺詔，一直都好想拉到佢哋，但係佢一直都拉唔到。