電話亭

出自維基百科,自由嘅百科全書
跳去導覽 跳去搵嘢
香港嘅電話亭

電話亭係一個矗立喺街頭,裏面有一部公共電話嘅細屋仔,呢啲公共電話通常都需要收錢。電話亭通常設有透明或有細窗口嘅閘門,除咗保障使用者嘅私隱之外,又可以畀人知道電話亭裏面有冇人用緊。部分地區嘅電話亭裏面,會放置電話簿畀使用者查閱。

早期嘅室外電話亭採用木材金屬製造,設有玻璃窗。之後新設計嘅,會採用塑膠玻璃纖維,簡單耐用之餘亦可以減低成本。電話亭外面通常印有電話公司嘅標誌同名,以增強品牌形象。位於室內嘅電話亭,可能會設計得更加簡單。

電話亭喺1910年代當時嘅工業國家開始普及,到咗1980年代,收費公共電話開始較少放喺電話亭內,部分電話轉移放喺啲檔仔裏面。使用者講嘅嘢容易俾人聽到,間接令到使用者唔好長時間佔用電話。