電話總機

Bell System 國際電話總機 1943 年

電話總機係一種用嚟接駁電話線路嘅裝置，令用戶之間，或者唔同總機之間可以通話。傳統人工電話交換系統入面，總機好重要，由接線生用電線或者掣嚟幫人駁線。

電話總機喺廿世紀最盛行，之後因為自動電話交換系統普及, 而逐漸受取代。呢種自動系統喺一八八八年由 Almon Strowger 發明，而家全球大部分中央電話局都已經唔再用人手總機。不過，去到廿世紀後半期，有公司仲保留人手分機總機。有啲地方，例如白宮，到而家仍然有用電話總機。

隨住電子同電腦科技發展，交換系統加咗好多功能。例如公司用嘅 PBX（專用分機交換系統），通常有操作控制台，或者自動接聽功能，可以唔使人手接線。

相關

【黐線】【黐總掣】原本同電線有關。早期人手電話總機要靠接線生用電線幫人駁線，如果啲線打結、接錯，電話就會出問題，就叫做「黐線」。後來呢個詞慢慢演變成口語，用嚟形容人或者事情亂晒龍、唔合理，甚至有啲失控。