需求分析

  呢篇文章講嘅係工程學上分析用家想要啲乜。假如你想揾嘅係經濟學上「預測需求與價錢關係」嘅做法，請睇「需求預測」。

需求分析（參見英文：requirement analysis）喺工程學（包括系統工程同軟件工程等等）上係指分析要設計嘅物品有乜嘢需求，亦即係個客人或者用家想要件產品做乜同埋解決啲乜嘢問題。需求分析有助釐清個 project 嘅範圍，避免後期開發嗰陣出現功能缺漏或者同用家期望不符等嘅狀況。

基本概念

睇埋：需求獲取同軟件工程

需求分析通常發生喺需求獲取之後，工程師會對收集返嚟嘅需求資料進行整理、分類同埋驗證，務求從中構建一份明確、冇歧義嘅需求規格文件，講明隻軟件要有咩功能，由啲咩 input 嗰度俾出咩 output。

喺實際應用上，做需求分析嗰時會遇到唔少挑戰，譬如個客嘅描述含糊得滯、唔同需求之間可能出現矛盾，甚至需求隨時間推移出現變化。相關技術書籍指出，需求分析唔單止係紀錄「要做咩」仲要理解「點解要噉做」。

故障樹

内文：故障樹分析

處理需求相關風險時，故障樹分析（參見英文：fault tree analysis）係一種技巧。故障樹會係一幅圖，分析過程採用遞歸式結構表達，最上層係整體系統錯誤（例如伺服器輕機）而下層會展開為一連串嘅中間原因，再細分成基層事件，例如電源 short 咗、風扇壞咗、操作者撳錯掣等等。

成個結構會用一幅圖表示，常見符號包括圓形表示基層事件，同埋各種嘅邏輯門，諸如：

• 與門：全部基層事件同時發生，先會導致上層錯誤；
• 或門：只要其中一個基層錯誤發生，就會引致問題。

完成故障樹分析之後，開發人員就可以根據結果規劃容錯機制，提升系統整體穩定性。

睇埋

• 軟件需求
• 功能需求
• 設計
• 工程設計