韋家輝

韋家輝（英文：Wai Ka Fai，1962年—）係香港嘅電視、電影製作人。早年喺電視台擔任編劇、導演、監製等職。擅長製作恩怨情仇兼備嘅大型長劇。

1981年加入無綫電視編劇訓練班，參與改編金庸原著神鵰俠侶、鹿鼎記為電視劇。之後升任編審同監製，當中1990年轉到亞洲電視，監製《還看今朝》同《暴雨燃燒》兩劇。1992年回歸無綫。效力無綫期間，創作唔少極受歡迎嘅長篇劇，由佢監製嘅電視劇作品有《義不容情》、《大時代》同《馬場大亨》，其中《義不容情》播出後轟動全港，更羸得兩岸三地同全球華人收視最高劇集；1992年嘅《大時代》更被公認為經典港劇。喺佢監製嘅電視劇當中，由於將劇中每個角色塑造得有血有肉，個性獨特鮮明，因此創作出唔少影響深遠嘅角色，成功捧紅劇中唔少演員。

韋家輝轉戰電影界之後轉向於較冷門題材，1995年首次執導電影，作品為《和平飯店》。之後同杜琪峰合組銀河映像，獨立或聯合杜琪峰執導《一個字頭的誕生》、《孤男寡女》、《瘦身男女》、《大隻佬》等多部創意型電影。獲得香港電影金像獎最佳電影嘅作品。