韓國部署薩德反導彈系統事件

韓國部署薩德反導彈系統事件（韓文：대한민국의 사드 배치 논란／大韓民國의 사드 配置 論難）係指大韓民國接受美國嘅協助下喺國內部署薩德反導彈系統（薩德系統）嘅過程同衍生嘅事。薩德系統嘅部署喺2016年2月7號宣布開始磋商，喺2016年7月8號正式宣布落實，部署嘅具體行動就喺2017年3月6號開始進行。呢件事引發咗國際性爭議，韓國主張呢項軍事部署只係應付朝鮮民主主義人民共和國嘅防禦措施，中華人民共和國就認為部署薩德系統會對佢哋嘅國土安全造成影響，並對韓採取幾項反制措施。呢件事亦對太平洋地區嘅戰略平衡造成影響，例如俄羅斯都表態話唔好。