音樂元素

音樂元素(英文:elements of music)係指一段音樂嘅「組成元素」。一段音樂由若干個聲組成,而聲可以喺好多唔同嘅物理特性上有變化,一個聲每一個可以變化嘅特性(一個變數)都算係一個音樂元素[1][2]。
樂理上嘅研究會對音樂元素以及「音樂元素點樣影響一段音樂嘅美感」作出詳細嘅分析。
常用元素[編輯]
- 音高(pitch),指人腦對一個音符嘅聲波嘅頻率嘅感受。
- 音階(scale)
- 協和同不協和(consonance and dissonance),指兩個同時或者時間上極相近嘅聲係咪「好聽」。不過呢家嘢有少少主觀。
- 節奏(rhythm),最廣義上係指一段音樂當中有若干週期嘅規律。
- 旋律(melody),指一柞俾聽嗰個人當係同一件物體嘅音符,可以算係音高同節奏嘅結合。
- 和音(harmony),指若干個同時出現但音高等特性上有異嘅聲。
- 音色(timbre),指一個音符聽起嚟似係由乜嘢嘢(例如邊種樂器)發出嘅。
... 等等。