音素正字法

音素正字法（取自音素同正字法呢兩個概念嘅名）係指一套書寫系統入便，字符或者字母嘅拼寫能夠同隻語言嘅音素高度規律噉一一對應。讀者一見到某詞語點樣拼寫，就可以正確噉推斷佢讀音係乜。

例子

睇埋：正字法深度同音系學

用假想例子，如果粵語用耶魯拼音攞嚟做正字法，呢套系統就頗為接近音素正字法：每個聲母或者韻母都只對應一個音，冇例外。例如：

B 永遠代表 [p]，例詞有 bā（可能對應漢字「巴」或者「爸」）；

L 永遠代表 [l]，例詞有 lìhn（可能對應漢字「連」或者「蓮」）；

ik 永遠代表 [ɪk̚]，例詞有 sīk（可能對應漢字「識」或者「色」）。

由於呢種拼寫同發音規律咁一一對應，學習者見到一串耶魯拼音就立即知道點讀。

廿一世紀起廣泛受採用嘅粵拼亦有呢種特質。

相對之下，英文嘅拼寫就唔係音素正字法。英文好多字母可以對應唔同嘅音素（例如字母 "c" 喺 cat 讀做 [k]，喺 city 又讀做 [s]），同一個音素亦可以有多種拼法（例如 [iː] 可以係 see、sea、scene、machine）。拼寫同實際讀音之間往往唔規律，學習者唔能夠單靠字形準確推斷讀音。

睇埋

• 英文拼寫改革