風濕

出自維基百科,自由嘅百科全書
Jump to navigation Jump to search
手指關節腫起風濕痛
蜂針毒治風濕

風濕,係關節痛,係筋骨痛,故此又叫風濕痛。風濕係長年病,好難根治,間斷間斷咁痛,痛下又唔痛,有啲跟天氣而痛,痛位又各人唔同。西醫而言,並非單一,而係過百種症狀嘅統稱,多數都係發炎,同免疫功能有關。

風濕唔一定同天氣有關,然而,唔少患者見翻風落雨,而知道自己患上風濕,因而咁叫。天氣氣壓低,肌肉血管有變化,壓到或者拉緊炎痛處而加劇。

英文叫做rheumatism,出自十七世紀,當時認為rheum,體液過多入關節拉長咗筋而致風濕。個字可上追去晚期拉丁文 rheumatismus,個字又出自希臘文 ῥευματίζομαι,體液致病,不過就無話指風濕。

西醫對符炎症,都用消炎藥。不過咁都唔係根治。於是乎,又地都有傳統醫治方法。如古希臘就用蜂毒治療,歐洲就用咗好多世紀。

唐醫[編輯]

唐醫認為風濕出自風邪寒邪濕邪,風有症狀。風邪盛,痛會曉走來走去,並無特定痛處。寒邪盛,痛處定啲,見凍就痛,見熱就舒服啲。濕邪盛,手腳酸痛,天氣濕又落雨,就更加之痛。

故此,應對之法,就係疏風散寒同埋祛濕。唐醫療法都基於依三樣。除咗用藥,亦會用針炙按摩等。