颱風查帕卡 (2021年)

出自維基百科,自由嘅百科全書
颱風查帕卡
Severe Tropical Storm Cempaka(英文)
十分鐘平均風速
強烈熱帶風暴 (JMA 100 km/h(55 kt
中度颱風 (CWB 120 km/h(33 m/s
強烈熱帶風暴 (KMA 95 km/h(27 m/s
颱風 (HKO 120 km/h
颱風 (SMG 118 km/h
颱風 (NCHMF 120 km/h
熱帶風暴 (TMD 100 km/h(55 kt
二分鐘平均風速
颱風 (CMA 135 km/h(38 m/s
一分鐘平均風速
颱風 (JTWC 150 km/h(80 kt
過咗上一日嘅急劇增強之後,查帕卡喺7月20號強度到咗最高峰同埋繼續留喺南海,佢嘅環流緊密,風眼清晰見到。
過咗上一日嘅急劇增強之後,查帕卡喺7月20號強度到咗最高峰同埋繼續留喺南海,佢嘅環流緊密,風眼清晰見到。

過咗上一日嘅急劇增強之後,查帕卡喺7月20號強度到咗最高峰同埋繼續留喺南海,佢嘅環流緊密,風眼清晰見到。
概況
形成日期 2021年7月17號
消散日期 2021年7月26號
最低氣壓 990 hPa
瞬間最大陣風 150 km/h
影響
財產損失 425萬美元
死傷人數 3死
影響地區 澳門中國大陸廣東海南廣西)、香港越南
路徑圖
颱風路徑圖
颱風路徑圖
颱風路徑圖
呢個風係2021年太平洋颱風季嘅一部分

颱風查帕卡英文Severe Tropical Storm Cempaka,國際編號:2107聯合颱風警報中心WP102021)佢嘅強度除咗澳門香港中國國家氣象中心颱風級別之外,其他地區嘅強度只係到強烈熱帶風暴級別。佢係2021年太平洋颱風季第7個被命名嘅風暴。「查帕卡」(馬來話Cempaka)呢個名由馬來西亞提供。即係指黃玉蘭,一種由佢芬芳嘅花聞名嘅植物,橙黃色或者乳白色,春天開花,可攞嚟做精油再用嚟做香水,依個名第一次用,取代除咗名嘅茉莉

發展過程[編輯]

7月16號,一個熱帶擾動喺南海形成,美國海軍研究實驗室俾咗擾動編號99W。

7月17號朝早8點,日本氣象廳將佢升為熱帶低氣壓。下晝2點,聯合颱風警報中心將佢評級提升為「中」。

7月18號朝早7點,聯合颱風警報中心將佢評級提升為「高」,同埋對佢發熱帶氣旋形成警報。下晝2點, 中國國家氣象中心澳門地球物理暨氣象局將佢升為熱帶低氣壓。下晝5點,澳門地球物理暨氣象局對佢發出一號風球。夜晚6點,中國國家氣象中心對佢發出颱風藍色預警信號。夜晚8時,台灣中央氣象局將佢升為熱帶性低氣壓,畀咗佢編號TD09。同時,聯合颱風警報中心將佢升為熱帶性低氣壓,畀咗佢熱帶氣旋編號10W。夜晚9點,香港天文台將佢升為熱帶低氣壓,亦都喺夜晚9時8對佢發出一號戒備信號

7月19號凌晨2點,聯合颱風警報中心先將升為熱帶風暴。同時,日本氣象廳對佢發出烈風警報。朝早8點,日本氣象廳將佢升為熱帶風暴,畀咗國際編號2107,同埋命名做「查帕卡」。同時,台灣中央氣象局將佢升為輕度颱風,而香港天文台亦將佢升格為熱帶風暴。下晝5點,中國國家氣象中心先將佢升為強熱帶風暴。夜晚8點,香港天文台、澳門氣象局將佢升為強烈熱帶風暴。夜晚11時,中國國家氣象中心先將佢升為颱風

7月20號凌晨1點,澳門地球物理暨氣象局將佢升為颱風。凌晨2點,香港天文台將佢升為颱風。朝早8點,日本氣象廳將佢升為強烈熱帶風暴。同時台灣中央氣象局將佢升為中度颱風。夜晚8點,台灣中央氣象局將佢降為輕度颱風,同時香港天文台將佢降為強烈熱帶風暴。中國國家氣象中心宣布查帕卡喺晚上9點50分前後喺​​廣東省陽江市江城區沿海登陸。

登陸之後,冇咗水氣供應,查帕卡逐漸減弱。7月21號凌晨2點,聯合颱風警報中心將佢降為熱帶風暴。凌晨5點,香港天文台將佢降為熱帶風暴。朝早11點,香港天文台將佢降為熱帶低氣壓。

7月22號朝早8點日本氣象廳將佢降為熱帶性低氣壓,同時台灣中央氣象局將佢降為熱帶性低氣壓。

23號凌晨12點到1點左右,已減弱做熱帶性低氣壓嘅查帕卡喺中越邊界嘅芒街市出海入咗北部灣,中心氣壓998百帕。

7月24號夜晚11點,香港天文台將佢降為低壓區。7月26號下晝2點,日本氣象廳認定佢已消散。

影響[編輯]

澳門[編輯]

當地發出最高嘅熱帶氣旋信號: 三號風球

地球物理暨氣象局喺7月16號同17號12點發出特別信息,話嗰陣重係低壓區嘅查帕卡為澳門帶嚟不穩定嘅天氣。7月17號下晝4點,氣象局發特別信息話喺短時間發出熱帶氣旋信號,同日下晝5點,一號風球掛起,嗰陣時查帕卡喺澳門東南偏南大約130公里,7月18號清晨到朝早掛三號風球可能性機會係中等。受查帕卡外圍雨帶影響,澳門天氣不穩定,有驟雨同雷暴同埋雨勢有時頗大,氣象局喺7月17號夜晚11點7發出黃色暴雨警告信號,到凌晨2點取消。

7月18號清晨5點,氣象局將發出三號風球嘅可能發嘅時段推到嗰日下晝至夜晚,發出嘅可能性機會仲係維持中等;到差唔多朝早10點,氣象局將改發三號風球嘅可能性機會改為中等至較高。朝早11點,氣象局宣佈喺嗰日下晝2時到5時考慮改掛三號風球,並考慮喺嗰日下晝發藍色風暴潮警告,7月20號凌晨到朝早改掛八號風球可能性係中等到較高。下晝2點05分,氣象局宣佈喺下晝2點半改發三號風球。下晝2點半,氣象局正式改掛三號風球,查帕卡嗰陣喺澳門西南偏南大約120公里,同時話三號風球喺嗰日日間同晚間時間維持。下晝5點7,氣象局話查帕卡不斷增強緊,並預計喺同日晚間進一步增強為強烈熱帶風暴,所以喺7月20號凌晨到朝早發八號風球嘅可能性改為中等到較高。[1] 7月19號夜晚11時,氣象局話查帕卡轉向較偏西方向移動,除非查帕卡顯著增強或者加快接近澳門,否則喺清晨之前改掛八號風球機會唔大,同時維持到7月20號清晨到朝早改發八號風球嘅機會為中等到較高。

熱帶氣旋警告使用嘅紀錄[編輯]

澳門[編輯]

地球物理暨氣象局 熱帶氣旋信號
上一熱帶氣旋 一號風球
    2021-07-18 17:00-2021-07-19 14:30
    2021-07-20 23:00-2021-07-21 01:00
下一熱帶氣旋
熱帶低氣壓 熱帶風暴盧碧
颱風沙德爾 三號風球
    2021-07-19 14:30-2021-07-20 23:00
熱帶風暴盧碧

中國大陸[編輯]

國家氣象中心 颱風預警信號
上一熱帶氣旋 颱風藍色預警信號
    2021-07-18 18:00-2021-07-19 18:00
    2021-07-21 06:00-10:00
下一熱帶氣旋
熱帶低壓
熱帶低壓
強颱風煙花
颱風沙德爾 颱風黃色預警信號
    2021-07-19 18:00-23:00
強颱風煙花
強颱風巴威 颱風橙色預警信號
    2021-07-19 23:00-2021-07-21 06:00
強颱風煙花

香港[編輯]

香港天文台 熱帶氣旋警告信號
上一熱帶氣旋 一號戒備信號
    2021-07-18 21:40-2021-07-19 16:10
    2021-07-20 13:20-19:40
下一熱帶氣旋
熱帶低氣壓 熱帶風暴盧碧
颱風沙德爾 三號強風信號
    2021-07-19 16:10-2021-07-20 13:20
熱帶風暴盧碧

註釋[編輯]

參考[編輯]

  1. NEWS GOV-MO: 受熱帶氣旋帕卡響可能發佈之警告新時間:2021-07-19 17:35. NEWS GOV-MO. 澳門特別行政區新聞局. 喺2021-07-19搵到.

睇埋[編輯]