颱風麥德姆 (2025年)

颱風麥德姆

颱風麥德姆（英文：Typhoon Matmo，國際編號：2521，聯合颱風警報中心：WP272025）係2025年太平洋颱風季第21個被命名嘅熱帶氣旋。呢個熱帶氣旋喺2025年10月5號下晝喺廣東湛江登陸。

呢個熱帶氣旋令香港天文台需要發出呢一年第12次熱帶氣旋警告信號，成為自1946年以嚟香港發出最多熱帶氣旋警告信號嘅一年。另外，雖然澳門最高信號係八號東南風球，但鄰近澳門嘅香港最高信號只係三號強風信號，而根據香港風力實測，麥德姆嘅風力比起好多三號信號封頂嘅熱帶氣旋都要強勁，更係自2015年強颱風彩虹之後最大風嘅三號信號。