食過路兵
食過路兵（法文：en passant）係國際象棋入便一種特殊食子規則。當有隻卒由起始位置前進兩格，因而越過敵卒可以攻擊嘅格嗰時，對方可以選擇喺下一步即刻以食過路兵嘅方式嚟食咗呢隻卒，彷彿好似隻卒淨係行咗一步噉。舉具體例子說明，想像附圖噉嘅情況，a2 嘅白卒移去 a4 嗰個位，由起始位置一嘢向前行咗兩格，喺佢側邊嗰隻黑卒 b4 可以當正隻白卒係喺 a3 噉嚟食。
規則
[編輯]睇埋：卒 (國際象棋)
設依家有一隻卒，佢由第二橫行一嘢跳到第四橫行，即係由起始位置向前行兩格，假如對方有卒喺佢左或者右（相鄰嘅打戙列），喺佢左或右嘅卒就可以用食過路兵噉嘅方式嚟食佢。執行嗰時，對方嗰隻旁邊嘅橫線（即係相鄰嘅列）會斜行一格到被食嗰隻卒越過嘅位置，而被食嘅卒就會離開棋盤。食過路兵呢種做法，只可用於啱啱開始起行嘅卒。有得食過路兵嗰方必需喺對方郁卒嘅下一步即刻食，否則就永遠失去食過路兵嘅機會[1]。
示範
[編輯]食過路兵嘅例子：
|
黑方行
黑棋隻卒喺起始位置未郁，如果佢一步行到 f5（× 嗰個位），就進入可以俾對手食過路兵嘅狀態。
|
白方行
黑方選擇將隻卒一次過行咗兩格，越過咗 f6。
|
黑方行
白方食過路兵，行咗一步，白卒而家佔據 f6 呢格。結果無異於黑卒起兵嗰陣淨係行一格、然後俾白卒食走。
| ||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
參見
[編輯]引咗
[編輯]- ↑ "FIDE rules (En Passant is rule 3.7, part d)". 原著喺2018-07-02歸檔. 喺2012-08-19搵到.
{{cite web}}: no-break space character in|title=at position 17 (help)
外拎
[編輯]- （英文）食過路兵課堂