吊帶褲

出自維基百科,自由嘅百科全書
(由飯單褲跳轉過嚟)
男仔着嘅吊帶褲
女仔着嘅吊帶褲

吊帶褲粵拼diu3 daai2 fu3),又嗌工人褲gung1 jan4 fu3)或工裝褲gung1 zong1 fu3),係喺褲腰上邊裝咗挎膊頭嘅孭帶條褲。成日做嘢時保護啲衫唔邋遢或穿窿。

特色係長褲短褲上邊加咗條孭帶,着時扣實孭帶就得。

發展史[編輯]

最早嘅吊帶褲係幾時出現,家下已經無從考證。喺文學界話最先喺1776年出現[1],嗰時大多數奴隸攞嚟做防護工作服用。而第一次有大量吊帶褲生產嘅證據係1890年代嘅事[2],嗰時喺原嚟牛仔褲嘅基礎上加多個帶紐扣嘅牛仔布,之後用孭帶接埋一齊。由於佢成日喺褲上邊安嚿牛仔布響度,所以好快變成維修工嘅工作褲。

1911年,哈利大衛李整咗條吊帶褲出嚟,重喺1913年開始大量生產。隨後唔單止喺工人開始流行,而且細路同女仔都著呢種褲[2],但嗰時嘅吊帶褲有帶紐扣同鉤嘅版。後嚟哈利大衛李喺1927年整咗啲唔帶鉤同埋唔帶紐扣,但帶拉鏈嘅吊帶褲產品[2]。期間吊帶褲凈得單一嘅色調,喺1960年代先至發展到好多種色同埋唔同紡織品嘅工藝[3]

品種[編輯]

家下吊帶褲有兩個品種:

  • 上到心口或肚腩先至有吊帶
  • 普通西褲或牛仔褲加兩條帶

除咗以上兩種常見組合之外,重可以細分成雙吊帶同單吊帶兩種。一般嚟講,雙吊帶品種比較多,而單吊帶品種比較少見。

雙吊帶

正反面個樣好多時混搭。其中正面有啲品種個樣有啲係嚿布到心口或到肚腩嘅½位,一般係梯形或方形;有啲係直呈兩條吊帶組成平行綫或V字。背面有啲係下邊梯形或三角形或方形,上邊V字或平行;有啲品種直呈似X、Y、H、V字或直接兩條平行線樣。大多數雙吊帶嘅吊帶褲都係左右對稱。

單吊帶

正反面個樣好多時混搭。其中正面有啲品種個樣有啲係嚿布到心口或到肚腩嘅½位,一般係直角三角形或銳角三角形或直角梯形;有啲係直呈一條吊帶。背面有啲係下邊三角形,上邊一條斜吊帶;有啲品種直呈似人字或入字或直接一條斜杠或直線樣。單吊帶嘅吊帶褲都係左右唔對稱,吊帶有啲經過左膊頭,有啲經過右膊頭。

[編輯]

參考資料[編輯]

  1. 7-, Sullivan, James, 1965 November (2006). Jeans : a cultural history of an American icon. New York: Gotham Books. ISBN 1592402143. OCLC 62697070.{{cite book}}: CS1 maint: numeric names: 作者名單 (link)
  2. 2.0 2.1 2.2 1973-, Kyi, Tanya Lloyd, (2011). The lowdown on denim. Hanmer, Clayton, 1978-. Toronto: Annick Press. ISBN 9781554514151. OCLC 825770364.{{cite book}}: CS1 maint: extra punctuation (link) CS1 maint: numeric names: 作者名單 (link)
  3. "Overalls - Definition of an Overall from the Clothing Definitions Directory by Apparel Search" (英文). 喺2017-11-25搵到.