香港人權與民主祈禱會

出自維基百科,自由嘅百科全書
Jump to navigation Jump to search
香港人權與民主祈禱會被腰斬後,防暴警察喺金鐘站戒備

香港人權與民主祈禱會係2019年9月8號一次反逃犯條例修訂集會,喺中環遮打花園搞,亦容許集會人士流水式分批行去美國駐港澳總領事館請願。呢次集會主要目的係促請美國國會通過《香港人權與民主法案》。主辦單位宣稱有25萬人參加。

集會雖然有不反對通知書,但活動中段被警方要求腰斬,開始有激進示威者破壞港鐵站,唔少集會人士徒步行去銅鑼灣站走人,晚黑銅鑼灣站同太子站一帶警方再同激進示威者爆發衝突。