香港公民代表會議
| 香港公民代表會議 Assembly of Citizens’ Representatives, Hong Kong | |
|---|---|
| 結構 | |
| 議員 | 19名成員 16名具名參與成員 3名不具名參與成員 |
政黨 | 民主派（19）
|
| 選舉 | |
| 單議席單票制 | |
上屆選舉 | 2019年11月24號 |
| 網址 | |
| www | |
香港公民代表會議（英文：Assembly of Citizens’ Representatives, Hong Kong，前稱香港區議員海外網絡）喺2023年9月21號成立，係2023年第7屆香港區議會選舉之後，由唔承認選舉合法嘅香港第六屆區議會議員組成嘅議會機構，承接民意同擔起連結香港人嘅工作[1]。呢個議會由2019年11月24號選出嘅民選區議員而組成，並根據成立宣言、截至2020年6月30號版本嘅區議會條例、議事規則同各會通過嘅動議行事，成立一個容許公民組織共同參與嘅平台[2]。
議員列表
[編輯]| 選任方式 | 身處國家 | 選區號碼 | 選區 | 肖像 | 議員 | 所屬政黨 | 備註 | |
|---|---|---|---|---|---|---|---|---|
| 具名參與成員 | 澳洲 | A01 | 中西區-中環 |  | 許智峯 | 獨立民主派 | 獨立 | 前民主黨成員及立法會議員 |
| 日本 | A10 | 中西區-石塘咀 |  | 葉錦龍 | 獨立民主派 | 獨立 | 西環飛躍動力召集人、前民間人權陣線副召集人 | |
| 英國 | B10 | 灣仔區-跑馬地 | .png) | 張嘉莉 | 獨立民主派 | 獨立 | ||
| 英國 | E14 | 油尖旺區-旺角東 | 林兆彬 | 獨立民主派 | 獨立 | 前社區前進成員 | ||
| 台灣 | F02 | 深水埗區 長沙灣 | 李文浩 | 獨立民主派 | 獨立 | 前長沙灣社區發展力量召集人 | ||
| 英國 | F23 | 深水埗區-下白田區 | 甄啟榮 | 獨立民主派 | 獨立 | 民協同經民聯前成員 | ||
| H13 | 黃大仙區-翠竹及鵬程 | 尤漢邦 | 獨立民主派 | 獨立 | ||||
| 台灣 | K16 | 荃灣區-象石 | 賴文輝 | 獨立民主派 | 獨立 | 前民主黨成員 | ||
| L10 | 屯門區-興澤 | 曾振興 | 獨立民主派 | 獨立 | 前屯門社區網絡成員 | |||
| 蘇格蘭 | L13 | 屯門區-三聖 | 巫堃泰 | 獨立民主派 | 獨立 | The Hong Kong Scots成員 | ||
| 台灣 | M06 | 元朗區-水邊 | 黎國泳 | 獨立民主派 | 獨立 | 前朱凱迪新西團隊成員 | ||
| Q04 | 西貢區-坑口東 | 李賢浩 | 獨立民主派 | 獨立 | 將軍澳民生關注組前成員、區政聯盟前成員 | |||
| 英國 | R10 | 沙田區-乙泉 | 丘文俊 | 獨立民主派 | 獨立 | 前沙田區政成員 | ||
| R18 | 沙田區-田心 | 曾杰 | 獨立民主派 | 獨立 | 前沙田區政執委 | |||
| 英國 | S03 | 葵青區-葵盛東邨 | 周偉雄 | 獨立民主派 | 獨立 | 街坊工友服務處前成員 | ||
| 蘇格蘭 | S28 | 葵青區-青衣南 | 郭子健 | 獨立民主派 | 獨立 | The Hong Kong Scots成員 | ||
相關事件
[編輯]政府點名會議成為「境外反華組織」
[編輯]在2024年2月嘅《香港基本法第23條》立法諮詢程序後，香港政府向立法會發表嘅諮詢意見分析入面，點名9個「境外反華組織」，包括國際特赦組織、香港監察、前線衛士、香港法治監察、瑞慈人權合作中心、香港人權資訊中心、香港自由委員會基金會、香港民主委員會同埋香港公民代表會議[3]。
最初叫「香港區議員海外網絡」嘅「香港公民代表會議」向《光傳媒》表示，呢個會由2019年區議會選舉當選嘅區議員組成，雖然身處海外，但成員都係由香港巿民以一人一票民主方式選出，呢個會認為港府將23條諮詢部分意見提交者列為「反華組織」，目的係要為所有「仲喺海外反對佢哋破壞香港嘅人，貼上一個『反中』標籤」，並用法律恐嚇海外港人停止支持民主運動。
諮詢文件提到一哋本地組織由香港移師到境外，又喺境外成立破壞性嘅「影子組織」，呢個會認為自己唔屬於「影子組織」，指出港府喺冇證據下，隨意影射或者指控何形式嘅公民組織係「影子組織」或者「境外反華組織」，係漠視法治同公民權利，干擾公民交流同結社，影響香港嘅國際地位。
民主派初選47人案判刑
[編輯]2024年11月19號，民主派初選47人案判刑，45人被判監4年2個月至10年不等。28個身處海外嘅民主派前區議員發表聯署聲明，批評判刑破壞咗香港嘅人權同法治[4]。
參考資料
[編輯]- ↑ 〈香港公民，團結列陣 – 香港區議員海外網絡成立宣言〉。《香港公民代表會議》。2023-09-21。原著喺2024-03-26歸檔。喺2024-03-26搵到。
- ↑ 〈香港區議員海外網絡 更名為 香港公民代表會議〉。《香港公民代表會議》。2023-12-10。原著喺2024-03-26歸檔。喺2024-03-26搵到。
- ↑ 〈被點名「境外反華組織」回應：旨在「污名化」公民組織 切斷港人社群聯繫〉。《光傳媒》。2024-03-07。原著喺2024-03-19歸檔。喺2024-03-26搵到。
- ↑ 〈許智峯等28名前區議員發聲明 批初選案判刑破壞香港人權法治〉。《大紀元時報》。2024-11-19。
外部連結
[編輯]- 香港公民代表會議 Facebook Page Wayback Machine嘅版面存檔備份
- 香港公民代表會議網站 Wayback Machine嘅版面存檔備份