香港同台灣關係

出自維基百科,自由嘅百科全書
跳去導覽 跳去搵嘢

香港同台灣關係係指中華民國香港特別行政區之間嘅雙邊關係,依家係台灣海峽兩岸關係的一部分。行政院大陸委員會香港事務局分別以台北經濟文化辦事處(2011年叫做中華旅行社)、遠東貿易服務中心同埋光華新聞文化中心嘅名義喺香港運作[1]

2018年香港女子臺灣遇害案,引發咗喺2019年開始發生嘅反逃犯條例修訂運動。由於香港人擔心政府日後會用呢條法例將香港人未經審訊送去中國,所以好多人反對,其後引伸咗爭取民主,追究警隊濫權等五大訴求,亦得到唔少台灣人支持。另一方面,兩地政府至今仍然唔能夠就法律技術問題達成共識。所以,政府層面嚟講兩地關係比較緊張,但係喺民間,就因為民主價值觀,同埋對北京政府嘅態度,兩地人民關係相對唔錯,甚至因為2020年中泰網絡罵戰,出現咗泰國、臺灣、香港等幾個民間社交網路組成嘅奶茶聯盟

港台民間交流[編輯]

香港同台灣民間交流算係幾長歷史同緊密,其中來往香港台北兩地呢條航線,一直係全世界最繁忙嘅航線之一。雖然兩地本身都係唔少人轉機嘅熱門選擇,但喺2017年,時任中華航空資深副總經理張志潔就話,呢條航線其實77%都係兩地旅客往返為多,剩低先係經過兩地轉機嘅旅客。[2]

睇埋[編輯]

參考[編輯]

  1. "駐港澳機構服務事項 行政院大陸委員會". 原著喺2007-11-16歸檔.
  2. "「香港—台北」為何連3年是全球最夯航線?|天下雜誌". 天下雜誌 (中文). 喺2020-10-21搵到.