香港國安法對高等教育界嘅影響
《香港國家安全法》喺未經香港人同意或者咨詢過香港人嘅情況之下落實後，對香港高等教育界造成一定嘅影響。除咗有啲大專院校喺課程入面加入《國安法》嘅要求，亦因為點樣為之觸犯國安法嘅定義唔清晰，有一啲大學講師覺得學術自由受到影響，甚至傳出有學生單單因為不滿老師畀分，走去國安熱線舉報老師。
香港大專院校課程嘅影響
[編輯]喺2021年9月，香港理工大學、香港浸會大學、嶺南大學、同香港教育大學，都分別宣布將根據《國安法》嘅內容，將國安教育列為大學本科生嘅必修課程[1]。其中喺理工大學，仲一定要考試考到合格為止[2][3]。
對香港學術自主嘅影響
[編輯]實施國安法之後，香港學術自由情況急劇轉差。全球公共政策研究所（Global Public Policy Institute）喺2021年3月公佈嘅「全球學術自由指數」同評級入面，香港評分大幅下跌，獲評D級，排名仲差過柬埔寨[4]。
喺香港大學，師生之間一度流傳有學生因為唔滿意老師畀分，向國安熱線舉報老師，令港大嘅教授之間瀰漫一片恐懼，唔敢將課堂錄音放上網。亦有老師因為呢條法例令佢唔敢喺課堂上討論政治課題，又擔心將來仲可唔可以教授香港民主課題。校方高層回應嘅時候，堅持學校入面仲有學術自由，話只係講學術嘅話就唔使擔心，但同時表明唔好煽動學生。不過，校方就未有交代清楚煽動嘅定義[5][6]。有大學教授喺校內討論《國安法》影響嘅內部會議入面，指自己向大學貢獻專業，但而家感到被遺棄，得唔到校方嘅支援。有引述參與討論嘅教授話，「悲傷」或者「失望」都唔足以形容會議室入面絕望同恐懼嘅氣氛[4]。
睇埋
[編輯]參考
[編輯]- ↑ 鄧穎琳 (2021-09-16)。〈國安法｜教大：本學年起國安法及國安教育已列入必修通識課程〉。《香港01》 (香港中文)。喺2021-09-21搵到。
- ↑ 〈理大新生必修國安教育 唐英傑案例教材 校方：須考試至合格為止 | 立場報道 | 立場新聞〉。《立場新聞 Stand News》。原著喺2021-09-21歸檔。喺2021-09-21搵到。
- ↑ 鄧穎琳 (2021-09-16)。〈國安法｜教大：本學年起國安法及國安教育已列入必修通識課程〉。《香港01》 (香港中文)。喺2021-09-21搵到。
- ↑ 4.0 4.1 德國之聲 (2021-06-13)。〈教授遭研究生舉報違《國安法》，香港還有學術自由嗎？〉。《The News Lens 關鍵評論網》 (中文)。原著喺2021-09-20歸檔。喺2021-09-21搵到。
- ↑ 〈CNN：港大校內流傳 有學生因不滿成績向國安熱線舉報教師 教師慎言憂觸紅線 | 立場報道 | 立場新聞〉。《立場新聞 Stand News》。原著喺2021-09-21歸檔。喺2021-09-21搵到。
- ↑ staff, C. N. N. "One of Asia's most prestigious universities is on the frontline of a battle for democracy". CNN. 喺2021-09-21搵到.