香港希爾頓酒店

香港希爾頓酒店（英文：Hilton Hotel Hong Kong），係香港一間拆咗嘅酒店建築，由日裔建築師木下一設計，喺中環皇后大道中2號，已經喺1995年拆卸，連埋拱北行同埋隔離嘅花園道停車場大廈拆卸同埋重建為長江集團中心。

歷史

希爾頓酒店樓高26層，喺1960年興建，1963年正式開幕同埋營業，設有750間房間，室內設計由戴凱勒設計公司（英文：Dale and Patricia Keller）負責^[1]，係當時香港一間五星級酒店，由和記黃埔擁有，希爾頓酒店集團負責管理，為期50年，亦為長實集團屬下嘅物業，其原來本屬獨立上市嘅「永高酒店」有限公司，1970年代，由於上市唔久嘅長實集團嘅底子不厚，而且土地資源同埋收租物業均唔多，故收購永高酒店（由國際希爾頓酒店集團管理，故稱為希爾頓酒店）後，可以作為穩定入息的來源。由於當時香港五星級酒店唔多，故希爾頓酒店可講係長實集團嘅貴重資產，後將酒店售予港燈。

希爾頓酒店當時曾經係一間顯赫一時嘅酒店。到咗1994年1月，當時嘅和記黃埔以1.25億港元向希爾頓酒店管理集團，換取其提早解除管理合約，並計劃將中環嘅希爾頓酒店停止營業並將當時建築拆卸，重建為一座商業大廈。

希爾頓酒店喺1995年5月1日正式執笠，隨後酒店連埋其西面嘅拱北行（即政府新聞處舊址）同埋花園道停車場大廈被一併拆卸，重建成今日嘅長江集團中心。

香港希爾頓酒店位置前身係美利操場，喺香港日治時期，按照日化政策，美利操場曾經改名為香港陸軍操練場。

此外，喺2000年代初期，同埋長實集團同系、和記黃埔屬下嘅香港喜來登酒店物業之部分客房也曾撥以希爾頓酒店品牌經營。唯及後希爾頓酒店結束對此物業之管理，原有客房也再度撥歸喜來登酒店。

喺香港希爾頓執笠兩年前嘅1993年，同集團管理嘅香港港麗酒店（Conrad Hong Kong）喺金鐘太古廣場二期（金鐘港鐵站上蓋）開業。在2016年11月九龍西旺角豉油街1至3號嘅香港旺角希爾頓花園酒店（Hilton Garden Inn Mongkok）開業前，希爾頓酒店集團僅靠港麗酒店呢間奢華級品牌喺香港屹立30年，成為其喺香港嘅唯一據點。三間希爾頓酒店均隸屬於唔同業主，除均由希爾頓酒店集團管理之外，三間酒店並冇任何關係。