香港旅遊發展局

出自維基百科,自由嘅百科全書

香港旅遊發展局英文Hong Kong Tourism Board;簡稱旅發局)喺2001年4月1號成立,前身係喺1957年根據法例設立嘅香港旅遊協會,主要職能包括喺世界各地宣傳同推廣香港作為旅遊勝地,並積極提升訪港旅客喺香港嘅體驗。更會根據香港旅遊設施嘅種類同質素,定期向政府同其他有關機構提出建議。

簡介[編輯]

香港旅遊發展局一直同持份者定期溝通,亦參加多個同旅遊業相關嘅策略小組同會議,致力與政府有關部門同機構、旅遊業界同其他直接或間接與旅遊業有關嘅機構保持緊密合作。

此外,旅發局亦進行廣泛嘅旅客訪問同研究,收集有關訪港旅客特質、喜好等各方面嘅資料。香港旅遊發展局會參考呢啲研究數據,加上旅遊業嘅最新趨勢同發展模式、國際機構作出嘅分析同預測,進而為唔同客源市場同客群,制訂合適嘅推廣策略。

旅發局會喺全年唔同時間都進行唔同形式嘅宣傳,同時透過舉辦各項大型活動或盛事,向全球各地嘅旅遊業界、媒體同消費者推廣香港嘅品牌,以及豐富旅客喺香港期間嘅旅遊體驗,並為香港旅遊業界創造業務平台。

宗旨[編輯]

根據2001年生效嘅《香港旅遊發展局條例》,香港旅遊發展局有以下六項宗旨:

  • 致力擴大旅遊業對香港嘅貢獻;
  • 喺全世界推廣香港為亞洲區內一個具領導地位嘅國際城市同位列世界級嘅旅遊目的地;
  • 提倡對旅客設施加以改善;
  • 喺政府向公眾推廣旅遊業嘅過程中給予支持;
  • 喺適當嘅情況下支持為到訪香港旅客提供服務嘅人嘅活動;
  • 就促進以上事項可以採取嘅措施向香港特別行政區行政長官作出建議同提供意見。

管理層[編輯]

香港旅遊發展局由20名香港旅遊業人士組織而成嘅管理層,部分由業界提名,並且全部經由政府委任,負責管理香港旅遊發展局嘅事務。

主席[編輯]

總幹事[編輯]

副總幹事[編輯]

睇埋[編輯]

出面網頁[編輯]