香港民主建國聯盟
香港民主建國聯盟 Hong Kong Democratic Independence Union | |
| 創始人 | 姜嘉偉 |
| 創立 | 2024年11月 |
| 政治派系 | 港獨派 |
| 意識形態 | 保守自由主義 反共主義 香港本土主義 香港民族主義 港獨主義 |
香港民主建國聯盟 （英文：Hong Kong Democratic Independence Union，簡稱「建國聯」）係2024年成立嘅香港本土主義政治組織，主張香港獨立、制定民主憲法同推翻中國共產黨在港的權力。
組織介紹
[編輯]根據香港警務處資料，「香港民主建國聯盟」喺2024年11月成立，並且喺社交媒體公開招募成員。組織架構包括秘書長、評議會會員同普通會員，成員負責設計旗幟、尋求外國勢力支持同籌劃軍事訓練等工作。2025年2月15號呢個組織成員喺網上記者會上宣布行動綱領，包括消滅親共勢力、光復香港、提出臨時國旗同國歌、尋求國際聲援，同埋提供軍事訓練畀外地香港人[1]。
行動同理念
[編輯]「建國聯盟」主張香港民主自決、頒布香港憲法、制定象徵性國旗同國歌，並且公開推動香港獨立理念。組織利用加密通訊工具同社交媒體進行聯絡，並且定期舉辦會議同聚會。2025年7月1號，呢個組織喺境外舉辦活動，參與者踐踏中國國旗同香港區旗，並高唱《願榮光歸香港》。組織提出「光復香港」五大憲法綱領，主張將中國共產黨列為非法組織，積極推動「港獨」思想[1]。
拘捕事件
[編輯]2025年7月9號，香港警務處國家安全處（國安處）拘捕四名年齡介乎15至47歲嘅中國籍男子，涉嫌違反《香港國安法》第二十二條「顛覆國家政權」罪。根據警方消息，四人分別喺「建國聯盟」入面擔任秘書長、評議會會員同普通會員，負責策劃宣傳、聯絡外部勢力同籌辦軍事訓練等。
警方喺被捕人嘅處所，搜出大量印有「雪山獅子」、「大粵國獨立」、「香港獨立」同光復式樣嘅旗幟，同埋大量《蘋果日報》。同七一刺警案類似，涉案人梁健輝嘅住所同樣被搜出大量《蘋果日報》剪報。
警方調查指被捕人士透過社交平台發佈具顛覆意圖嘅言論，並積極參與組織事務。警方表示，仲有境外組織利用網絡指揮喺香港嘅人士從事危害國家安全行為，強調會繼續打擊相關組織同活動[2]。
相關條目
[編輯]參考文獻
[編輯]
- ↑ 1.0 1.1 〈國安處拘「香港民主建國聯盟」4男最細15歲 涉串謀顛覆國家政權〉。香港01。2025-07-10。喺2025-07-10搵到。
{{cite news}}:|archive-url=is malformed: save command (help)CS1 maint: url-status (link) Wayback Machine嘅版面存檔備份 - ↑ 〈國安處拘4名「香港民主建國聯盟」成員包括15歲男子-涉串謀顛覆國家政權罪〉。明報。2025-07-10。喺2025-07-10搵到。
{{cite news}}:|archive-url=is malformed: save command (help)CS1 maint: url-status (link) Wayback Machine嘅版面存檔備份
