香港立法局

香港立法局
香港立法局 ; Legislative Council of Hong Kong
種類
種類	一院制
歷史
成立	1843年6月26號
解散	1997年6月28號
繼承	臨時立法會
領導
末任立法局主席	黃宏發（無黨籍民主派） ; 由1995年10月11號
結構
議員	60
政黨	解散前之政黨分布; 民主派（31）：; 民主黨 (19); 民協（4）; 街工（1）; 職工盟（1）; 一二三民主聯盟（1）; 無黨籍（5）; ; ; 親英保守派（18）：; 自由黨（10）; 早餐派（5）; 香港自由民主聯會（1）; 公民力量（1）; 無黨籍（1）; ; ; 親中共左派（11）：; 民建聯（6）; 工聯會（1）; 勞聯（1）; 新香港聯盟（1）; 香港協進聯盟（1）; 無黨籍（1）;
選舉
上屆選舉	1995年香港立法局選舉

香港立法局（英文：Legislative Council of Hong Kong），簡稱立法局（Legislative Council、縮寫：LegCo / Legco），係英屬香港嘅立法機關，專門負責監察香港政府嘅施政，並且定期審閱由港督提交嘅施政報告。

沿革

開埠初期

香港自1841年成為英國殖民地後，得到咗維多利亞女皇頒布《英皇制誥》，係香港歷史上第一部憲制法律文件。呢份憲章裡面訂明要成立定例局，授權「在任嘅總督……喺攞到立法局嘅意見之後……制定同埋通過為維持香港嘅和平、秩序同良好管治……而不時需要嘅所有法律同埋條例」。作為香港第一個立法機關，定例局由政府三司嘅當然議員、政府官員出任嘅官守議員(即係依家喺度擔任緊某種官職咁解)以及民間人士出任嘅非官守議員組成。除了當然議員之外，其餘成員都係由總督委任嘅。^[3]

1843年，第一任港督砵甸乍宣佈委任官守議員入定例局，當時第一批嘅官守議員有三位，分別係莊士敦（英文：Alexander Robert Johnston）（前護理行政官）、馬儒翰（英國駐華商務總監中文祕書兼翻譯）以及威廉堅（首席裁判司）。

1844年1月11號，定例局舉行咗首次會議，並且係同年嘅2月26號通過咗第一條香港法例。1845年3月7號，定例局根據《1843年皇室訓令》第6條，制定同埋通過咗第一份《香港立法機關會議規則及常規》。

1850年，委任怡和洋行股東渣甸（英文：David Jardine (merchant)）及哲美森洋行（英文：Jamieson, How & Co.）大班艾德格（英文：James Frost Edger）^[4]出任頭兩位非官守議員。1857年，增委兩位官守議員同埋一位非官守議員。1884年，又擴大立法局嘅成員人數到7位官守議員同埋5位非官守議員，其中包括1位華裔議員伍才（又名伍廷芳）。1896年，政府再進一步擴大立法局嘅成員人數到8位官守議員以及6名位官守議員。喺1929年，立法局一共有10位官守議員同8位非官守議員，其中包括咗3位華人及1位葡裔人士。

1917年，立法局頒布第一份針對1843年版本的修訂文件，其文本喺「的意見」之後加入「及同意」等重要字眼^[3]。

1941年，由於大日本帝國出兵佔領香港，立法局被迫無限期休會到1946年。

參考

↑ 〈立法會歷史〉 (PDF)。香港立法會。原著 (PDF)喺2017-04-17歸檔。喺2017-04-17搵到。 {{cite web}}: Unknown parameter |dead-url= ignored (|url-status= suggested) (help) Wayback Machine嘅版面存檔備份
↑ ^2.0 ^2.1 陳麗君《香港民主制度發展研究》
↑ ^3.0 ^3.1 〈立法機關的歷史 - 香港特別行政區立法會網站〉。原著喺2015-06-21歸檔。喺2015-06-20搵到。 {{cite web}}: Unknown parameter |dead-url= ignored (|url-status= suggested) (help) Wayback Machine嘅版面存檔備份
↑ 〈中學歷史科常用英漢辭彙〉 (PDF)。香港特別行政區教育局。2007年。原著 (pdf)喺2017年3月5號歸檔。喺2016年10月8號搵到。｢Edger, J.F. 艾德格｣ {{cite web}}: Unknown parameter |dead-url= ignored (|url-status= suggested) (help) Wayback Machine嘅版面存檔備份

[1] 〈立法會歷史〉 (PDF)。香港立法會。原著 (PDF)喺2017-04-17歸檔。喺2017-04-17搵到。 {{cite web}}: Unknown parameter |dead-url= ignored (|url-status= suggested) (help) Wayback Machine嘅版面存檔備份

[陳-2] 2.0 ^2.1 陳麗君《香港民主制度發展研究》

[history-3] 3.0 ^3.1 〈立法機關的歷史 - 香港特別行政區立法會網站〉。原著喺2015-06-21歸檔。喺2015-06-20搵到。 {{cite web}}: Unknown parameter |dead-url= ignored (|url-status= suggested) (help) Wayback Machine嘅版面存檔備份

[4] 〈中學歷史科常用英漢辭彙〉 (PDF)。香港特別行政區教育局。2007年。原著 (pdf)喺2017年3月5號歸檔。喺2016年10月8號搵到。｢Edger, J.F. 艾德格｣ {{cite web}}: Unknown parameter |dead-url= ignored (|url-status= suggested) (help) Wayback Machine嘅版面存檔備份

[1]

[2]

[3]

[4]