香港紀念六四標誌被強行移除事件

出自維基百科,自由嘅百科全書

香港紀念六四標誌被強行移除事件,係指喺2021年12月,香港多間大專院校未經諮詢或學生同意,強行移除校內紀念1989年6月北京六四大屠殺標誌嘅風波,涉及院校包括香港大學香港中文大學嶺南大學,引起各界批評,包括當時民運人士,有關標誌嘅創作者同埋一啲時事評論員。

各院校情況[編輯]

香港大學[編輯]

2021年12月22號,港大校方以國殤之柱已經老化為理由,以及問過法律意見話長擺可能犯法後,決定搬走佢,仲話已經衡量各方利益,又話校方無批准過擺國殤之柱喺度,兼且仲話可能會秋後算帳[1][2]

香港中文大學[編輯]

喺2021年12月24號朝早嘅六點幾,本來放喺大學站,由新西蘭籍華人雕塑家陳維明整嘅新民主女神像,俾香港中文大學喺完全無預告嘅情況下搬走左,校方之後聲稱係因為神像擁有者支聯會同中大學生會實際已經無運作以及解散咗,仲話一早拒絕批准展示個神像,喺無人負責保養下先搬走 [3]

對比起2011年,當時嘅校長沈祖堯對新民主女神像,就持有較開放嘅態度,向中大唔同教職員、同學、新生、校友甚至係媒體同公眾人士溝通尋求共識,而最終亦容許新民主女神像放喺中大大學站外嘅文化廣場[4][5]。另外,當時嘅校董陳茂波亦支持民女可以喺中大擺放[6]

嶺南大學[編輯]

喺12月24號,同樣由新西蘭籍華人雕塑家陳維明創作,位於嶺南大學嘅六四浮雕被拆走,喺嶺大校內民主女神像壁畫同樣被塗去。嶺大學生會代表會臨時行政委員會批評,做法唔符合嶺南大學標榜嘅博雅教育。有學生嘗試拍攝過程,亦被保安阻止,保安又抄低學生證編號,更有校方職員用強光照學生嘅鏡頭[7]

外間反應[編輯]

批評校方做法[編輯]

  • 王丹吾爾開希等40名中國民運人士對於拆除國殤之柱發表聯合聲明,批評手段卑劣,試圖抹去血寫嘅歷史記憶,對做法感到極為憤慨,對港府同中共嘅行為表達強烈譴責。佢哋又話,歷史唔係政府咁樣打壓就可以刪除[8]
  • 對於擺喺港大嘅國殤之柱比人突然移走,擁有者丹麥藝術家高志活(Jens Galschiot)接受《美聯社》訪問時,話睇報導先知道有呢件事,仲話擔心校方會毀咗個作品,兼且強調係自己嘅財產 [9]。而喺高志活嘅一份聲明中透露,曾經寫信畀港大,話想搬走雕像,但次次都唔成功。同時,佢仲話世界各國都講明肯接收「國殤之柱」,而且丹麥嘅外交部長仲有份幫手處理,但港大等方面持分者完全無回應。因為咁樣,高志活就話明香港已經變咗無法律保護到民眾、藝術同私人財產嘅落後地方[10]
  • 因為被政府以《港版國安法》名義打壓而被逼流亡嘅前立法會議員許智峯,喺社交媒體揶揄港大其實係移除良心[11]
  • 喬治城大學亞洲研究中心香港法學人黎恩灝對中大拆除民女雕像以及其他院校移除同六四有關藝術品嘅做法。表示憤怒同荒謬,又話《國安法》實施後,校方已經有恃無恐[5]
  • 有中大校友、學生同職員批評中大校方嘅做法,質疑校方特意喺大學假期「夜拆」,猶如做緊虧心事,亦有人話呢件事反映政權唔容許保留香港人嘅記憶,只容許人接受官方記憶嘅洗腦[12]

贊成校方做法[編輯]

  • 對於港大通宵拆除國殤之柱,本身係港大校友嘅親中派葉劉淑儀范徐麗泰都支持做法,又形容佢哋負面同醜怪[13]
  • 有部份中國來港學生話做法合理,比喻六四屠殺係父母同仔女之間嘅一啲打罵[3]

睇埋[編輯]

參考[編輯]

  1. 大夜拆國殤之柱箱運走 校委會:雕像日久老化 續展示或犯法 高志活:震驚 | 立場報道 | 立場新聞. 場新聞 Stand News. 原先內容歸檔喺2021-12-23. 喺2021-12-24搵到.
  2. "国殇之柱"深夜被拆 高志活谴责港大校方:借机圣诞节破坏塑像. Radio Free Asia (中文). 原先內容歸檔喺2021-12-24. 喺2021-12-24搵到.
  3. 3.0 3.1   . 立場新聞. 2021-12-24. 原先內容歸檔喺2021-12-24. 喺2021-12-24搵到.
  4. . www.alumni.cuhk.edu.hk. 原先內容歸檔喺2021-12-24. 喺2021-12-24搵到.
  5. 5.0 5.1 大拆民女方稱雕像未經許可 當年校長沈祖堯曾向學生提出擺放在校內文化廣場 | 立場報道 | 立場新聞. 場新聞 Stand News. 原先內容歸檔喺2021-12-25. 喺2021-12-25搵到. 引用錯誤 Invalid <ref> tag; name ":1" defined multiple times with different content
  6. Stand News 立場新聞 - 茂波曾支持民女放中大 中大今晨突然拆走民主女神像,翻查資料,在 2010 年學生擬將民女放在中大,但校方以治中立由拒絕,當時以立法會議員身份獲委任為中大校董的財政司司長陳茂波,在接受訪問時開腔反對校方的理據。. www.facebook.com (中文). 原先內容歸檔喺2021-12-29. 喺2021-12-25搵到.
  7. 走六四記憶大清晨移走民主女神像 嶺大拆六四浮雕 塗去壁畫 | 立場報道 | 立場新聞. 場新聞 Stand News. 原先內容歸檔喺2021-12-24. 喺2021-12-25搵到.
  8. 於港府拆除"國殤之柱"的聲明. Facebook (中文). 喺2021-12-24搵到.{{cite web}}: CS1 maint: url-status (link)
  9. 報才知港大國殤之柱遭拆 創作者:那是我的財產. (臺灣中文). 原先內容歸檔喺2021-12-23. 喺2021-12-23搵到.
  10. "国殇之柱"深夜被拆 高志活谴责港大校方:借机圣诞节破坏塑像. (中文). 原先內容歸檔喺2021-12-22. 喺2021-12-22搵到.
  11. . Facebook (中文). 原先內容歸檔喺2021-12-29. 喺2021-12-24搵到.
  12. 大拆民女員斥如作心事 中大生:政權不容保留記憶 | 立場報道 | 立場新聞. 場新聞 Stand News. 原先內容歸檔喺2021-12-24. 喺2021-12-25搵到.
  13. 生點睇大通宵拆除國殤之柱 本身是校友的葉劉淑儀 及 范徐麗泰 均贊成分別批評國殤之柱 是負面的政治符號及. Facebook (中文). 原先內容歸檔喺2021-12-29. 喺2021-12-24搵到.