自由黨 (香港)

出自維基百科,自由嘅百科全書
(由香港自由黨跳轉過來)
Jump to navigation Jump to search



自由黨
花名自記、豉油黨、富貴黨、商家黨
主席張宇人
成立 1993年6月26號
總部 九龍灣宏泰道23號801-803室
理念 保守主義、自由放任主義、親北京
立法會席
4 / 70
區議會席
8 / 458
黨員數 363人
藍、綠、白
liberal.org.hk

自由黨英文Liberal Party)係香港政黨,黨員人數超過九百人,李鵬飛同幾個人1993年創黨,前身係啟聯資源中心

初期黨員主要係生意人、企業家同專業人士,一般覺得親商界嘅資產階級政黨,時人稱為「富貴黨」,2003年搞「旗彩招募行動」招攬各階層入黨,黨員成份開始多元化。重有周邊組織「自由之友」,有近萬會員。2004年,個黨整咗個自由論壇,係香港第一個由政黨起,開放畀公眾參加嘅網上論政平臺。

立場[編輯]

佢哋嗰黨嘅政治思想同英國保守黨美國共和黨相似,主張自由市場經濟,要求政府提高透明度,嚴格控制政府收入同開支[1],包括稅收和福利,響勞資糾紛時比較傾向支持資方。自由黨被視為屬於建制派政黨,在政治上傾向接受政治現實。響同中國共產黨嘅關係方面,佢哋同民建聯同被視為親中派政黨。現任主席係張宇人

議席[編輯]

2004年立法會選舉之後,自由黨攞到十個香港立法會議席,成為立法會第二大黨。除咗田北俊周梁淑怡係由地區直選取得議席外,其餘八席都係經功能組別選出。2008年立法會選舉之後,田北俊同周梁淑怡喺地區直選落選,田北俊話主席都唔做。隨後嗰幾年,自由黨先後由劉健儀周梁淑怡鍾國斌擔任主席,但由於喺2012年特首選舉公開挺唐(支持唐英年),雖然話就話繼續支持香港特區政府,但係並未表達支持梁振英。梁振英上任後,自由黨同梁振英嘅牙齒印極深。再加上新民黨經民聯先後成立,自由黨亦無可避免被邊緣化,結果喺2012年嘅第5屆香港立法會選舉、2016年嘅第6屆香港立法會選舉裏面,自由黨議席一路向下跌,分別只係贏得5席、4席[2]

2016年10月7號,張宇人接任自由黨主席,鍾國斌就擔任黨魁,兩人一坐正就願意同特首梁振英保持良好關係,意味住田北俊時代正式結束。第二年(2017年),陳浩濂符傳富加入林特首(林鄭月娥)管治班子,自由黨同港府關係亦都從此破冰。

政績[編輯]

2001年向中央提出可簡化手續畀大陸居民自由到香港旅遊嘅構思,2003年確立咗「自由行[3]

2003年要求政府押後基本法二十三條立法,田北俊辭去行政會議職位,行政長官董建華發表聲明,無限期押後恢復二十三條二讀。

2006年政府有意開徵商品及服務稅,該黨發動反銷售稅大遊行,有近萬人參加,配合社會上嘅強烈反對,成功令政府放棄商品及服務稅諮詢及推行[4]

立法會議員[編輯]

議席 界別 姓名 1998-2000 2000-2004 2004-2008 2008-2012 2012-2016 2016-2020 備註
地方選區 新界東 田北俊 Black check.svg Black check.svg
新界西 周梁淑怡 Black check.svg
功能界別 鄉議局 劉皇發 Black check.svg Black check.svg Black check.svgRed check.svg[5]
航運交通界 劉健儀 Black check.svg Black check.svg Black check.svg Black check.svg
易志明 Black check.svg Black check.svg
建築、測量及都市規劃界 何承天 Black check.svg
地產及建築界 夏佳理 Black check.svg
旅遊界 楊孝華 Black check.svg Black check.svg Black check.svg
商界(第一) 田北俊 Black check.svg Black check.svg
林健鋒 Black check.svg Black check.svgRed check.svg[5]
工業界(第一) 丁午壽 Black check.svg Black check.svg
梁君彥 Black check.svg Black check.svgRed check.svg[5]
紡織及製衣界 梁劉柔芬 Black check.svg Black check.svg Black check.svg Black check.svgRed check.svg[5]
鍾國斌 Black check.svg Black check.svg
飲食界 張宇人 Black check.svg Black check.svg Black check.svg Black check.svg Black check.svg
批發及零售界 周梁淑怡 Black check.svg Black check.svg
方剛 Black check.svg Black check.svg Black check.svg
邵家輝 Black check.svg
區議會 劉皇發 Black check.svg
選舉委員會 何世柱 Black check.svg
所得議席 10 8 10 7→3 5 4

區議會議員[編輯]

現時,自由黨喺7個區議會有8個議席,議員包括:

區議會 選區號碼 選區 議員 備註
中西區 A04 山頂 楊哲安
灣仔區 B08 渣甸山 林偉文
東區 C15 寶馬山 邵家輝 兼任立法會議員
C33 翠德 李鎮強
南區 D16 海灣 馮仕耕
深水埗區 F21 又一村 李梓敬
九龍城區 G09 九龍塘 何顯明
黃大仙區 H12 天強 陳安泰

自由黨青年團[編輯]

同香港政府關係[編輯]

自由黨喺1994年成立,創立之初已經係親中政黨,不過入面啲人就係以前服務開殖民地政府嘅親英保守派,畀人嘅印象係集體轉軚。佢哋亦都同最後一任港督彭定康過唔去。臨立會成立佢哋都有份參加。

主權移交之後,佢哋依然同香港政府有傾有講,當時嘅自由黨群眾基礎唔係好夠,但係一個代表普遍商人階層嘅政黨,所以佢喺社會上都算有啲影響力。

同政府關係嘅轉變係喺2003年嘅七一大遊行,當時政府推動緊23條立法,加上香港受到沙士疫情影響,拖累經濟,令到民憤升溫。當時遊行有成50-60萬人參加,人物之多嚇到政府要開特別會議諗對策,當中田北俊因為反對如期二讀23條而辭咗行政會議唔做,令到政府煞停23條立法。兩者關係因而惡化。

後來到曾蔭權上台做特首,政府同自由黨關係又開始變好。

之後到咗2012年嘅特首選舉,自由黨係到最後仍然撐唐英年嘅少數建制派。選舉後,自由黨一反佢建制派嘅形象,改做監察當時特首梁振英,之後又話佢令到社會分裂。

到2017年嘅特首選舉,梁振英唔連任。而自由黨就冇上屆噉撐硬某一個候選人,但係田北俊就支持曾俊華。後來曾俊華輸咗俾林鄭月娥。

就因為自由黨同政府關係時好時壞,佢喺建制派嘅地位慢慢被邊緣化,原本佢代表嘅中產、專業、鄉事同商人階層除咗俾民主派挑戰之外,比佢更親中,而且中國政府扶植嘅新民黨經民聯亦都進一步蠶食自由黨嘅政治版圖,導致自由黨越嚟越冇埞企。

睇埋[編輯]

參考資料[編輯]

  1. "自由黨黨綱". (原先內容喺2007年9月28號歸檔). 喺2007年10月16號搵到. 
  2. 自由黨地區直選全落敗,蘋果日報,2016-09-06
  3. "自由黨-2000-2004工作匯報-自由行的提倡者". (原先內容喺2007年9月28號歸檔). 喺2007年10月16號搵到. 
  4. "香港獨立媒體 - 報摘:銷售稅". (原先內容喺2007年10月17號歸檔). 喺2007年10月16號搵到. 
  5. 5.0 5.1 5.2 5.3 喺2008年香港立法會選舉結束後退黨,另組經濟動力

出面網頁[編輯]