香港蠔

香港蠔，學名香港巨牡犡（Magallana hongkongensis），係蠔嘅一個物種，屬真蠔屬，分佈華南后海灣兩岸，橫跨中國廣東深圳南山區、寶安區沙井一帶至香港元朗區流浮山嘅海岸，並且伴隨住深圳嘅發展而由沙井蠔民將蠔種轉殖到鄰近嘅粵西海岸。

科學家多年來一直懷疑香港（同埋喺鄰近嘅地區）養蠔嘅物種屬於自家物種，但係由形態學單單靠外形去分辨唔容易，及後透過基因分析蠔隻嘅線粒體DNA嘅遺傳距離，先發現到其他已知嘅蠔嘅品種真係好唔同，然後去到2003年先至被人確認為新嘅品種。結果發現呢個物種原來已經有超過700年嘅養殖歷史，分佈喺香港、珠江口，以及華南海岸，係日本巨牡犡（學名：Magallana nippona）嘅姊妹分類單元。