香港街道屋宇篇

列出香港街道，以香港就近屋宇之類命名。唔包括屋邨或屋苑。

中文名	英文名	喺邊度	說明	相
大學道	University Drive	西半山	因為附近嘅香港大學而得名。此路屬香港大學管轄嘅私家路。
醫院道	Hospital Road	西營盤	因附近有四間醫院（菲臘牙科醫院、贊育醫院、西營盤醫院、東華醫院）而用咗醫院道做街名。
高陞街	Ko Shing Street	上環	因為附近嘅高陞戲院而得名。高陞戲院喺由香港有錢人李陞喺1890年間建成，樓高二層，喺香港開埠初期嘅大戲戲院。經過幾次重修，戲院喺1971年拆咗，起咗僑發大廈。
城皇街	Shing Wong Street		因為1842年嗰度附近曾經有間城隍廟（間廟已經唔存在）而用咗城隍街呢個名。
新街市街	New Market Street		因為附近嘅上環街市（今稱西港城）而得名
東華里	Tung Wa Lane		因為附近嘅東華醫院而得名
差館上街	Upper Station Street		因為附近嘅八號差館而得名。八號差館係喺1870年起好嘅，差館上街喺一條同差館街相連，向半山伸延嘅斜路。
西消防街	Western Fire Services Street		因為附近嘅上環消防局而得名
銀行街	Bank Street	中環	因為條街嘅西面係香港滙豐銀行總行大廈，東面係中國銀行大廈，所以將以前嘅「獲多利街」（Wardley Street）改名做銀行街。
炮台里	Battery Path		因為附近嘅美利炮台而得名。美利炮台又叫中央炮台，喺香港開埠後英軍喺1845年設立嘅第一座炮台。
會所街	Club Street		因為附近嘅香港會所而得名
雪廠街	Ice House Street		因為附近嘅一座雪廠（Ice House Company）而得名。間雪廠係喺1845年起好，用嚟供應天然冰塊俾附近嘅醫院同埋居民。
統一碼頭道	Pier Road		因為附近嘅統一碼頭（已清拆，由中環渡輪碼頭取代）而得名
戲院里	Theatre Lane		因為附近嘅皇后戲院同娛樂戲院而得名（戲院已經拆咗）
纜車徑	Tramway Path		因為附近嘅山頂纜車路軌而得名。纜車徑原本叫「火車路」，1975年改咗依家呢個名
環球里	World Wide Lane		因為附近嘅環球大廈而得名
干德道	Conduit Road	半山區	起干德道喺為咗配合1864年嘅薄扶林水塘計劃，所以喺港島西半山嘅南面斜坡鋪一條主輸水管（Conduit ），從水塘一直到干德道配水庫，所以條路就用咗「Conduit」嘅音譯，叫干讀道；日治時期改名做出雲通，之後就叫做干德道。
己連拿利	Glenealy		早期曾經叫做義律谷（Elliot's Vale），後尾義律（Admiral Sir Charles Elliot）因為「無堅持英國政府嘅全部訴求」而俾外務大臣召回英國同埋免咗職，義律谷改名做己連拿利谷（Glenealy Ravine），條路叫己連拿利（Glenealy）。
馬己仙峽道	Magazine Gap Road		用咗馬路所繞著嘅前英軍軍火庫（magazine）嚟做路名。1863至1868年間，英軍喺嗰度起咗個火藥庫，到咗1905年又加建咗第二座。喺嗰度嘅火藥由吊纜直接運送到灣仔軍器廠街嘅軍器廠。
摩羅廟交加街	Mosque Junction		因為附近嘅些利街清真寺而得名。摩羅一詞源自古代對中東來華嘅伊斯蘭商旅「Morramen」，或中世紀從北非攻佔歐洲西南部嘅北非人「Mouro」嘅譯音，所以當時嘅香港人稱呼清真寺為「摩羅廟」
摩羅廟街	Mosque Street
聖若瑟徑	St. Joseph's Path		因為附近嘅聖若瑟書院而得名。聖若瑟徑原本叫「包打梨路」（Boundary Path），1975年改咗依家呢個名
聖士提反	St. Stephen's Lane		因為附近嘅聖士提反女子中學而得名
雅賓利道	Albany Road		因當時由政府興建嘅亞彬彌樓（雅賓利樓，The Albany）而得名。原本叫「亞彬彌道」，喺1844年通車。
柏道	Park Road		因鄰近城西公園（West End Park）所以用咗公園嚟做路名，中文名係音譯。柏道原本係羅便臣道嘅其中一段
法院道	Supreme Court Road	金鐘	因為附近嘅舊「最高法院」（Supreme Court）而得名。 舊「最高法院」依家改咗做高等法院（High Court」）。
正義道	Justice Drive
軍器廠街	Arsenal Street	灣仔	因為舊日嗰度係英軍嘅軍器廠以將條路叫軍器廠街。軍器廠街當年喺軍事重地，除咗軍器廠之外，仲有陸軍醫院、炮台、威靈頓兵房等。
堅拿道東	Canal Road East		因為附近嘅寶靈頓運河（Bowrington Canal）而得名。「堅拿」喺英文「Canal」嘅譯音。堅拿道嘅前身喺從跑馬地流向維多利亞港嘅黃泥涌河口，後嚟喺1860年代尾擴建成寶靈頓運河，堅拿道東同埋堅拿道西係喺呢條運河東西兩邊既馬路。後來喺1922年至1929年，政府喺灣仔進行填海工程，寶靈頓運河變成暗渠。
堅拿道西	Canal Road West
會議道	Convention Avenue		因為附近嘅香港會議展覽中心而得名
博覽道	Expo Drive
博覽道中	Expo Drive Central
博覽道東	Expo Drive East
電氣街	Electric Street		呢五條馬路嘅路名，其實喺同19世紀尾到20世紀初期，嗰度喺香港第一座發電廠嘅所在地有關。喺發電廠搬離灣仔之後，政府除咗將嗰度新闢咗一條街叫電氣街之外，更因為嗰度係香港第一個大放光明嘅地方，所以將另外三條街，叫做日街、月街及星街（呢三個名嚟自《三字經》嘅「三光者，日月星」）。後嚟再增建嘅一條小街，叫做光明街。
光明街	Kwong Ming Street
月街	Moon Street
星街	Star Street
日街	Sun Street
分域街	Fenwick Street		因以前鄰近嘅分域船廠而得名
分域碼頭街	Fenwick Pier Street		因為附近嘅分域碼頭而得名
利東街	Lee Tung Street		因以前鄰近嘅利東建築公司而得名
麥加力歌街	McGregor Street		因以前鄰近嘅麥加力歌船廠而得名。麥加力歌街原本叫「錢閘新街」
演藝道	Performing Arts Avenue		因為附近嘅香港演藝學院而得名
救世軍街	Salvation Army Street		因為附近嘅香港救世軍建築物而得名
春園街	Spring Garden Lane		因為以前附近嘅花園洋房而得名。1840年代，英國商人顛地（Lancelot Dent）喺依家嘅春園街一帶擴建佢嘅花園洋房，因為個花園有一個噴水池，所以英文叫做「Spring Garden」，而嗰度條街就譯做「春園街」。
體育道	Sports Road		因鄰近跑馬地、香港足球會、紀利華木球會等體育場所而得名。
石水渠街	Stone Nullah Lane		因為附近嘅一條石水渠而得名。條水渠喺1920年代逐步變成暗渠。
大王東街	Tai Wong Street East		因為附近嘅洪聖古廟而得名。
大王西街	Tai Wong Street West
蓮花街	Lily Street	大坑	因為附近嘅蓮花宮而得名
蓮花宮東街	Lin Fa Kung Street East Street
蓮花宮西街	Lin Fa Kung Street West Street
書館街	School Street		因原址前身為孔聖義學，喺1949年重建而成嘅三級歷史建築，因而得名
禮賢街	Lai Yin Street
景隆街	Cannon Street	銅鑼灣	香港開埠之後，灣仔奇力島（Kellett Island，又叫燈籠洲）成為英軍嘅軍火庫，有炮台。因為喺「燈籠洲」島上嘅炮台，而叫做 Cannon Street，中文譯做「景隆街」
東院道	Eastern Hospital Road		因為附近嘅東華東院而得名
信德街	Shelter Street		信德街原本叫「舒潦濤街」，1978年改咗依家呢個名。個名嘅來源係因為附近嘅銅鑼灣避風塘（Causeway Bay Typhoon Shelter）而得名。中文名「信德」就係「Shelter」嘅音譯。
大球場徑	Stadium Path		因為附近嘅香港大球場而得名
糖街	Sugar Street		因為附近嘅東方煉糖廠而得名。糖街喺1868年前曾經有一間政府造幣廠，所以叫做「銀圓街」，造幣廠喺1868年停辦。之後怡和洋行收購咗塊地，起咗東方煉糖廠，整白糖，所以條街改咗名做糖街。但係後嚟糖廠摺咗，部份機器賣咗俾太古集團。
維園道	Victoria Park Road		因為附近嘅維多利亞公園而得名
銀幕街	Ngan Mok Street	天后	因為附近嘅新世界戲院而得名。1921年，黎民偉 、黎海山、黎北海三兄弟曾經喺呢度開咗香港第一間電影廠民新製造影畫片有限公司，之後又起咗香港第一間華資戲院新世界戲院，推動香港電影業發展。
琉璃街	Lau Li Street		因為鄰近有幾間琉璃廠（即玻璃廠）而得名。19世紀尾到20世紀初，嗰度係香港琉璃廠嘅集中地，專門造火水燈。
帆船街	Yacht Street		因為當年馬路對出喺維多利亞公園未填海前嘅舊銅鑼灣避風塘，有好多帆船同埋有帆嘅漁船，所以條街就喺1926年叫帆船街。
電氣道	Electric Road	北角	因為附近嘅北角發電廠而得名。
堡壘街	Fort Street		因以前鄰近嘅北角炮台而得名
繼園街	Kai Yuen Street		因以前有陳維周（廣州軍閥「南天王」陳濟棠大哥）嘅「繼園」大宅。
繼園臺	Kai Yuen Terrace
琴行街	Kam Hong Street		因曾福琴行曾經喺呢度開店而得名。曾福琴行喺1916年成立，為亞洲區歷史最悠久嘅琴行之一
馬寶道	Marble Road		因以前此處經營大理石業，因而得名。
明園西街	Ming Yuen Western Street		因為附近嘅大型遊樂場明園而得名。
大強街	Power Street		因為附近嘅北角發電廠而得名。「Power」喺指電力，中譯嘅時候叫咗做「力量」，所以條街就叫咗做大強街。
書局街	Shu Kuk Street		因商務印書館喺1934年由西環搬咗呢呢度而得名
電廠街	Tin Chong Street		因為附近嘅北角發電廠而得名
天后廟道	Tin Hau Temple Road		因為附近嘅銅鑼灣天后廟而得名
糖水道	Tong Shui Road		1921年，印尼華僑郭春秧投到北角發電廠（依家嘅城市花園）旁邊嘅一幅7萬5千平方呎嘅地皮，原本計劃起糖廠，所以就叫做糖水街。不過後嚟糖價大跌，所以塊地改成起住宅，
和富道	Wharf Road		因鄰近一座由和記黃埔擁有嘅碼頭而得名
月園街	Yuet Yuen Street		因為附近嘅大型遊樂場月園（Luna Park，又名「大世界遊樂場」）而得名。月園喺1949年開幕，到咗1952年夏季因為蝕本，負債太多而俾法庭勒令停業，同年11月改名做「大世界遊樂場」，之後因為業務持續收縮，喺1954年結業。
校園徑	Hau Yuen Path	寶馬山	因為附近嘅寶馬山有好多間學校而得名
船塢里	Shipyard Lane	鰂魚涌	因為附近嘅太古船塢而得名。1883年，太古喺鰂魚涌有太古船塢、太古糖廠、香港汽水廠等業務。1970年代，香港造船業式微，太古船塢同黃埔船塢喺青衣合併成為今日嘅香港聯合船塢。太古船塢原址就用咗嚟起住宅同埋商業區，就喺今日嘅太古城。
太古城道	Taikoo Shing Road
太古灣道	Taikoo Wan Road
糖廠街	Tong Chong Street		因為附近嘅太古糖廠而得名。糖廠去到1970年代後期先至停產，原址發展成太古坊商業區
華蘭路	Westlands Road		因為附近嘅太古船塢西閘當時嘅荒涼之地而得名，西閘嘅出入口在今天嘅鰂魚涌華蘭路。
巴色道	Basel Road	筲箕灣	因為附近嘅崇真會（Basel Mission，又名巴色會）而得名
教堂里	Church Lane		因為附近嘅嘉諾撒修院學校而得名
教堂街	Church Street
廟東街	Miu Tung Street		因為附近嘅筲箕灣天后廟而得名
譚公廟道	Tam Kung Temple Road		因為附近嘅筲箕灣譚公廟而得名
數碼港道	Cyberport Road	薄扶林	因為附近嘅數碼港而得名
薄扶林水塘道	Pok Fu Lam Reservoir Road		因為附近嘅薄扶林水塘而得名
香港仔水塘道	Aberdeen Reservoir Road	香港仔	因為附近嘅香港仔水塘而得名
魚市場道	Yue Shi Cheung Road		因為附近嘅香港仔魚市場而得名
洪聖街	Hung Shing Street	鴨脷洲	因為附近嘅洪聖古廟而得名
海洋公園道	Ocean Park Road	黃竹坑	因為附近嘅海洋公園而得名
警校道	Police School Road		因為附近嘅警察訓練學校而得名
深灣碼頭徑	Shum Wan Pier Drive		因為附近嘅深灣碼頭而得名
海灘道	Beach Road	淺水灣	因為附近嘅淺水灣海灘而得名
麗海堤岸路	Seaview Promenade
赤柱市場道	Stanley Market Road	赤柱	因為附近嘅赤柱市場而得名
大潭水塘道	Tai Tam Reservoir Road	大潭	因為附近嘅大潭水塘而得名
九龍公園徑	Kowloon Park Drive	尖沙咀	因為附近嘅九龍公園而得名
樂道	Lock Road		因以前鄰近嘅性病診所而得名。樂道喺1910年代中興建，原址喺一所性病診所，為附近威菲路軍營嘅英軍進行檢查與治療。馬路嘅英文名「Lock」就喺「性病診所」嘅意思
天文台圍	Observatory Court		因為附近嘅香港天文台而得名
天文台道	Observatory Road
科學館徑	Science Museum Path		因為附近嘅香港科學館而得名。科學館道原本叫「興祥道」（Hing Cheung Road），1981年改咗依家呢個名
科學館道	Science Museum Road
科學館廣場	Science Museum Square
伊利沙伯醫院徑	Queen Elizabeth Hospital Path	京士柏	因為附近嘅伊利沙伯醫院而得名
伊利沙伯醫院路	Queen Elizabeth Hospital Road
炮台街	Battery Street	佐敦	因為附近嘅官涌炮台而得名。1840年，林則徐分別喺官涌山同尖沙咀起咗官涌炮台（又叫臨衝炮台）同埋尖沙咀炮台。兩座砲台喺之後嘅鴉片戰爭嘅時候俾英軍炸咗同拆咗。依家官涌街同炮台街就喺以前炮台嘅遺址。
童軍徑	Scout Path		因為附近嘅香港童軍總會而得名
渡船街	Ferry Street	油麻地	因為油蔴地小輪而得名。渡船街以前喺海邊，最早嘅油麻地碼頭係喺公眾四方街（依家嘅眾坊街）同埋渡船街交界嘅地方，係用木搭成嘅公眾碼頭。
街市街	Market Street		因為附近嘅油麻地街市而得名。油麻地街市座落喺依家嘅圖書館後面，係一個攤販式嘅街市，直到1957年新填地街同埋甘肅街嘅新街市起好之後，先至重修成圖書館同公共停車場。
眾坊街	Public Square Street		眾坊街嘅「眾坊」喺指油麻地天后廟前嘅一個廣場，因為有棵大榕樹，所以香港人叫嗰度做「榕樹頭」。政府起呢條馬路嘅時候，用咗呢個「公眾廣場」嘅名，叫條街做「Public Square Street」，但係翻譯嘅時候，就將「廣場」誤譯成「四方」，所以條街嘅中文名就叫「公眾四方街」，直至1970年代，先至改做眾坊街。
廟街	Temple Street		因為附近嘅油麻地天后廟而得名
培正道	Pui Ching Road	何文田	用咗附近學校香港培正中學而得名
牧愛街	Good Shepherd Street		因為附近嘅聖公會蔡功譜中學而得名。學校原本係叫「牧愛中學」，但係為咗答謝蔡世器先生捐款建校，所以間學校就改咗名做蔡功譜中學。學校所在嘅馬路就叫牧愛街。
花墟徑	Flower Market Path	旺角	因為附近嘅旺角花墟而得名
花墟道	Flower Market Road
廣華街	Kwong Wa Street		因為附近嘅廣華醫院而得名
水渠道	Nullah Road		1930年代初，政府將流入洗衣街嘅水源在界限街截斷，裝設地下水渠作為下水道，水渠道就喺因這條水渠而得名
運動場道	Playing Field Road		因為附近嘅旺角大球場而得名
東方街	Tung Fong Street		因為附近嘅東方煙廠（Orient Tobacco Manufactory of Hongkong）而得名。東方煙廠喺1920-30年代喺旺角彌敦道同窩打老道開業
煙廠街	Yin Chong Street
鴨寮街	Apliu Street	深水埗	19世紀，鴨寮街一帶係大海，附近有農田、魚塘，填海之後曾經有養鴨嘅寮，所以就叫鴨寮街。
營盤街	Camp Street		因為附近嘅深水埗軍營而得名。深水埗軍營係喺1927年起嘅，喺日治時期曾經俾日軍用咗嚟做囚禁戰俘嘅集中營，第二次世界大戰之後俾返英軍用。1977年軍營停用，部份營房曾經做過難民營，收容當時湧入香港嘅越南船民，而另一部份土地之後用咗嚟起麗閣邨同埋深水埗公園。
批發市場街	Wholesale Market Street		因為附近嘅長沙灣副食品批發市場而得名
醫局街	Yee Kuk Street		因為附近嘅深水埔公立醫局而得名。深水埔公立醫局喺1911年建成，原本係喺天后廟旁邊。喺2002年翻新之後，改成「深水埗美沙酮診所」，由醫療輔助隊管理
醫局西街	Yee Kuk West Street
英華街	Ying Wa Street		因為附近嘅英華書院而得名
觀音街	Kun Yam Street	紅磡	因為附近嘅紅磡觀音廟而得名
船澳街	Dock Street		因為附近嘅黃埔船塢（Hong Kong and Whampoa Dock）而得名。
黃埔街	Whampoa Street
庇利街	Bailey Street		因以前鄰近庇利船廠而得名。
北拱街	Pak Kung Street		因為附近嘅紅磡北帝廟而得名。北拱街意思喺「受北帝拱衞嘅地方」。
北帝街	Pak Tai Street		因以前鄰近嘅北帝廟而得名。
順風道	Railway Approach		因為附近嘅紅磡車站而得名。
差館	Station Lane		因為附近嘅紅磡警署而得名。差館喺警署嘅通俗叫法。
新碼頭街	San Ma Tau Street	土瓜灣	因為附近嘅九龍城渡輪碼頭而得名。
譚公道	Tam Kung Road		因以前鄰近嘅譚公廟而得名。個廟喺日軍佔領香港嘅時候炸咗。
宋皇臺道	Sung Wong Toi Road		因為附近嘅宋皇臺而得名。
書院道	College Road	九龍城	因為附近嘅喇沙書院而得名
喇沙利道	La Salle Road
侯王道	Hau Wong Road		因為附近嘅侯王古廟而得名
衙前塱道	Nga Tsin Long Road		喺南宋時期，呢度有間衙門，所以呢兩條馬路就用咗衙前塱道同埋衙前圍道嘅名。
衙前圍道	Nga Tsin Wai Road
城南道	South Wall Road		因喺九龍寨城嘅南面而得名
爵祿街	Tseuk Luk Street	新蒲崗	因為以前係啟德機場跑道嘅一部分，改建後取名「爵祿」，諧音「著陸」
浸會大學道	Baptist University Road	九龍塘	因為附近嘅浸會大學而得名
廣播道	Broadcast Drive		因為附近嘅幾間電視台同電台而得名。廣播道原本叫「光偉道」（Galway Road）同埋「安寧道」（Antrim Road）。自1960年代末起，佳藝電視、麗嘅電視、無綫電視、香港電台、商業電台，一條不足一公里嘅廣播道上總共有三家電視台同兩家電台，令到當年嘅廣播道位處嘅高地又叫做「五台山」
聖約翰	St. John's Lane		因為附近嘅香港聖約翰救護機構九龍同新界總區總部而得名
真光里	True Light Lane		因為附近嘅九龍真光中學而得名
杏林街	Heng Lam Street	樂富	因為附近嘅香港佛教醫院而得名，「杏林」有「醫院」之意
志蓮道	Chi Lin Drive	黃大仙	因為附近嘅志蓮淨苑而得名
黃大仙道	Wong Tai Sin Road		因為附近嘅黃大仙祠而得名
展貿徑	Trademart Drive	九龍灣	因為附近嘅九龍灣展貿中心而得名
復康徑	Rehab Path	藍田	因為附近嘅香港復康會藍田綜合中心而得名
靈實路	Haven Of Hope Road	將軍澳	因為附近嘅靈實醫院而得名
大學道	University Road	清水灣	因為附近嘅香港科技大學而得名。值得一提嘅喺，全港三條同名馬路當中，只有呢條「大學道」係公眾馬路，而且獲得政府刊憲確認佢嘅路名。
西貢醫局街	Sai Kung Yee Kuk Street	西貢	因以前鄰近嘅西貢醫局而得名
市場街	See Cheung Street		因為附近嘅西貢市場而得名
車公廟路	Che Kung Miu Road	大圍	因鄰近沙田車公廟而得名
沙田車站圍	Sha Tin Station Circuit	沙田	因為附近嘅沙田車站而得名
生物科技路	Biotechnology Avenue	馬料水	因為附近嘅香港中文大學嘅生物科技研究院而得名。
環校路北	Campus Circuit North		因為附近嘅香港中文大學而得名。呢幾條馬路係中大範圍內嘅私家路。
環校路西	Campus Circuit West
大學道	University Road
教堂路	Chapel Road		因為附近嘅崇基教堂而得名。呢條馬路係中大範圍內嘅私家路。
崇基路	Chung Chi Road		因為附近嘅香港中文大學崇基學院而得名。呢條馬路係中大範圍內嘅私家路。
池旁路	Pond Crescent		因為附近嘅香港中文大學未圓湖而得名。呢條馬路係中大範圍內嘅私家路。
保健路	Clinic Road		因為附近嘅香港中文大學保健中心而得名。呢條馬路係中大範圍內嘅私家路。
保健路	Po Kin Road	上水	因為附近嘅北區醫院而得名
科學園路	Science Park Road	馬料水	因為附近嘅香港科學園而得名
科技大道東	Science Park East Avenue
科技大道西	Science Park West Avenue
科研路	Fo Yin Road
創新路	Chong San Road
水廠街	Shui Chong Street		因為附近嘅沙田污水處理廠而得名
車站路	Station Road		因為附近嘅港鐵大學站而得名。呢條馬路係中大範圍內嘅私家路。
聯合院道	United Crescent		因為附近嘅香港中文大學聯合書院而得名。呢幾條馬路係中大範圍內嘅私家路。
聯合路	United Road
粉嶺車站路	Fanling Station Road	粉嶺	因為附近嘅港鐵粉嶺站而得名
沙頭角街市街	Market Street (Sha Tau Kok)	沙頭角	因為附近嘅沙頭角街市而得名
教育路	Kau Yuk Road	元朗	因鄰近多間學校而得名
水車館	Shui Che Kwun Lane		因以前鄰近嘅消防局而得名。消防局以前俗稱「水車館」
水車館街	Shui Che Kwun Street
公園北路	Town Park Road North		因為附近嘅元朗公園而得名
公園南路	Town Park Road South
元朗體育路	Yuen Long Tai Yuk Road		因鄰近元朗大球場而得名
濕地公園路	Wetland Park Road	天水圍	因為附近嘅香港濕地公園而得名
石崗機場路	Shek Kong Airfield Road	石崗	因為附近嘅石崗機場而得名
煙囪路	Chimney Road	龍鼓灘	因為附近嘅龍鼓灘發電廠而得名
變壓器路	Transformer Road
工場路	Workshop Road
三聖街	Sam Shing Street	屯門	因為附近嘅三聖廟而得名
天后路	Tin Hau Road		因為附近嘅屯門天后廟而得名
青松觀路	Tsing Chung Koon Road		因為附近嘅青松觀而得名
青松徑	Tsing Chung Path
青山寺徑	Tsing Shan Monastery Path		因為附近嘅青山禪院而得名
仁愛堂街	Yan Oi Tong Circuit		因為附近嘅仁愛堂總部而得名
德士古道	Texaco Road	荃灣	因為附近嘅德士古油庫而得名。德士古（現稱加德士）石油公司嘅油庫喺80年代中拆卸，重建成海濱花園
德士古道北	Texaco Road North
荃灣街市街	Tsuen Wan Market Street		因為附近嘅荃灣街市而得名
仁濟街	Yan Chai Street		因為附近嘅仁濟醫院而得名
貨櫃碼頭路	Container Port Road	葵涌	因為附近嘅葵涌貨櫃碼頭而得名
貨櫃碼頭南路	Container Port Road South
葵涌醫院道	Kwai Chung Hospital Road		因為附近嘅葵涌醫院而得名
瑪嘉烈醫院道	Princess Margaret Hospital Road		因為附近嘅瑪嘉烈醫院而得名
航展道	Airport Expo Boulevard	赤鱲角	因為附近嘅亞洲國際博覽館而得名
機場路	Airport Road		因為附近嘅香港國際機場而得名
管制塔路	Control Tower Road		因為附近嘅香港國際機場管制塔而得名
航天城路	Sky City Road		因為附近嘅香港國際機場航天城而得名
航天城東路	Sky City Road East
翔天徑	Sky Plaza Drive		因為附近嘅香港國際機場翔天廊而得名
翔天路	Sky Plaza Road
翔天中路	Sky Plaza Road Central
翔天北路	Sky Plaza Road North
翔天南路	Sky Plaza Road South
跑道南路	South Runway Road		因為附近嘅香港國際機場南跑道而得名
梅窩碼頭路	Mui Wo Ferry Pier Road	梅窩	因為附近嘅梅窩碼頭而得名
石壁水塘路	Shek Pik Reservoir Road	石壁	因為附近嘅石壁水塘而得名
大澳街市街	Tai O Market Street	大澳	因為附近嘅大澳街市而得名
長洲教堂路	Cheung Chau Church Road	長洲	因為附近嘅長洲浸信會教堂而得名。長洲浸信會早喺1851年（咸豐元年）喺長洲起教堂
長洲醫院路	Cheung Chau Hospital Road		因為附近嘅長洲醫院而得名
長洲體育路	Cheung Chau Sports Road		因鄰近長洲體育館而得名
張保仔路	Cheung Po Tsai Road		因為附近嘅張保仔洞而得名
中學路	Chung Hok Road		因為附近嘅佛教慧因法師紀念中學而得名
冰廠路	Ping Chong Road		因為附近嘅一間冰廠而得名
警署徑	Police Station Path		因為附近嘅長洲警署而得名
學校路	School Road		因為附近嘅長洲官立中學而得名
鄉事會街	Heung Sze Wui Street	大埔	因當區嘅鄉事委員會而嘅姓氏嚟做路名
鄉事會坊	Heung Sze Wui Square
沙田鄉事會路	Sha Tin Rural Committee Road	沙田
青衣鄉事會路	Tsing Yi Heung Sze Wui Road	青衣島
屯門鄉事會路	Tuen Mun Heung Sze Wui Road	屯門
梅窩鄉事會路	Mui Wo Rural Committee Road	梅窩
馬灣鄉事會路	Ma Wan Rural Committee Road	馬灣
西貢鄉事會路	Sai Kung Rural Committee Lane	西貢
環城大道	City Circuit	將軍澳工業邨	因喺電視廣播城內而得名。呢啲馬路唔係官方改名，而係由TVB改名，僅作內部用咗途。
外景路	OB Road
廠景路	Studio Road
新聞街	News Street
衛星街	Satellite Street
工場里	Workshop Lane
普照路	Po Chiu Road	油塘	因為附近嘅天主教普照中學而得名