香港警察爭議

香港警察嘅聲譽經歷過唔少次起起跌跌，由1960年代嘅貪污成風，到1980年代至2000年代譽爲「亞洲最佳」，到2019年因爲反修例運動期間嘅濫權而俾人叫做香港黑警。

英治時代

皇家香港警察係英治香港殖民地政府嘅一部分，華人平民一般覺得警察係爲咗政權服務。1960年代，皇家香港警察貪污風氣好嚴重，最出名係葛柏案。嗰個年代嘅警察貪污促成咗後來廉政公署嘅成立。經過警廉衝突之後，皇家香港警察改革，仲成爲「亞洲最佳」(Asia's finest) 嘅警隊。

特區時代

2010年代開始，過渡成爲特區政府一部分嘅香港警察嘅聲譽又轉差，觸發點主要係2014年嘅佔領中環運動同埋2019年嘅反修例運動期間。

兩次大型社會運動之外，仲有零星嘅警察失德事件，例如2013年嘅「白粉當鹽案」，兩個元朗差人到水邊圍邨調查防喉箱藏毒案，佢地唔想落案，於是將海洛英當鹽，結果因為有管理員不滿而舉報，結果粉末被化驗證實的確係海洛英。2019年發生掃蕩賭檔造假事件，虛構功績。

佔領運動

2014年9月28號，警察喺金鐘射咗87粒催淚彈驅散示威人羣，直接促成雨傘革命。好多人批評警察濫用武力、政治拘捕，令公衆對警察嘅觀感越嚟越差。

嗰年出名嘅警察失德事件包括涉及七名警察喺暗角毆打一位社工嘅七警暗角打人案。

反修例運動

内文：反送中運動期間嘅警察濫權

2019年，警察喺反修例運動當中大量濫用暴力，亂咁射催淚彈、橡膠子彈，亂打人，包庇黑社會，仲毆打同強姦被捕示威者，於是就出現「香港黑警」嘅稱號。

打壓傳媒

根據警察通例，警員喺執行職務嘅時候要盡量配合傳媒採訪工作。香港有好幾間電視台和網上媒體都會將公眾活動，例如示威、遊行、衝突場面直接放到鏡頭直播，喺持續半年以上嘅反修例運動，唔少香港警察嘅暴行被記者嘅直播鏡頭拍低，直接展現喺香港市民以至國際社會眼前。正因為咁，前綫警員與記者嘅衝突變得無日無之，有警員更開始以「黑記」呢個對應「黑警」嘅代名詞嘲諷記者，質疑記者鏡頭只針對警察。

2016年2月10日，《明報》記者鄧力行採訪旺角騷亂遭警員襲擊，當時掛有記者證嘅鄧生喺巴士上層拍攝，按警員要求離開，佢表明身分步出巴士門口，即刻被多名手持長盾嘅警員壓喺地上毆打，後腦受損流血，當晚《蘋果日報》拍攝到鄧力行遇襲嘅情況。事隔兩年多投訴警察課裁定事件「無法追查」同「無法完全證明屬實」，明報職工協會2019年2月3日指被襲記者入稟法院啟動索償程序，協會全力支持同協助，希望監警會盡快處理此案覆核申請，以免案件無限拖延，而佢亦會喺有決定後公布相關理據。7月初，鄧申請法援被拒，於是向記協建議發起眾籌支援包括佢喺內遇襲嘅記者向警方索償；香港記者協會主席楊健興對相關調查結果感到憤怒同難以接受，批評警方調查結果理據互相矛盾、「語言偽術」，同埋企圖混淆視聽令事件不了了之。關注香港人權狀況嘅民間組織「民權觀察」指出，警方喺有傳媒錄影片段佐證下，仍然將投訴列為「無法完全證明屬實」，但警方又話會採取適當紀律行動，完全係「此地無銀」，該組織督促警方同監警會要公開調查報告，俾公眾了解相關決定嘅理據，又話事件反映投訴機制有缺陷。

監督機制冇用

一有警民衝突事件出現，香港特首林鄭月娥、保安局局長李家超、警務處處長鄧炳強俾傳媒問親都左閃右避，一味話市民如果有唔滿意可以用現有嘅投訴機制向警方投訴，林鄭仲話班差人當更有好大壓力，要求市民「包容」佢地咁話。但其實呢個所謂投訴警察機制根本就冇用，成個制度都俾差人把持住，投訴程序又長，市民仲要冒住俾差人檢控返轉頭嘅風險，之但係同案相關嘅受查人士又唔係必須配合調查，所謂獨立嘅監警會對警隊又冇調查權，於是被投訴果個差人就會因為「無法查證」而被裁定投訴唔成立，呢個所謂「行之有效」嘅投訴機制根本就得個講字，有冤冇路訴咪激起更多民憤囉。

2016年2月10號，《明報》有個姓鄧嘅記者採訪旺角衝突期間俾差人襲擊，佢即刻報警單案仲即時轉交投訴警察課。事隔兩年投訴警察課回覆佢，話單案「無法追查」同「無法完全證明屬實」。鄧生曾經考慮民事入稟告警務處一哥要佢追賠湯藥費，但法援唔批。鄧生認為宜家個所謂機制根本就冇效，而且近年警方亦成日濫權，於是佢向香港記者協會建議發起眾籌，支援包括佢在內所有工作期間遇襲嘅記者需要準備嘅訟費，目標籌300萬元。

干預和平意見表達

喺2021年渣打香港馬拉松賽事入面，有選手着咗「香港加油」字樣嘅衫，就算冇其他動作，只係和平表達心聲，但都被警察阻止參賽，強行帶離跑手通道。

輕大事重小事

於2023年，香港血案頻生，多宗當街斬人案搞到臭名遠播，市民人心惶惶，詐騙匪徒亦變得肆無忌憚，坊間有唔少人因此埋怨警方辦事不力，疑點重重嘅蔡天鳳案嘅證物化驗進度緩慢並嚴重出錯亦為人詬病，然而與此同時，警隊拉大隊去搞啲平民百姓毋關心嘅濫用公共交通工具折扣傍惡作劇嘅器官捐贈登記冊除名操作等任務，聲稱呢啲係維護國家安全嘅重任。警察嘅主要職責做毋好，重要被挪用去越俎代庖，高調打擊尐連專職部門都唔得閒理嘅雞毛蒜皮嘢。有專家分析認為，比較世界其他地方，香港警察人數佔當地人口比例好高，都搞成恁，係因為渠等被側重於處理政治嘢；一來可能因同黑幫合作打擊異見者而給予其更多空間犯罪作部份報酬，二來將會同時監察政府傍協助其柔性維穩嘅公民組織大批瓦解。

流行文化

用香港警察嘅失德濫權嚟做題材嘅戲劇包括：

電影

• 《五億探長雷洛傳》
• 《無間道》
• 《Laughing Gor之潛罪犯》
• 《魔警》
• 《殺破狼》
• 《復仇者之死》
• 《使徒行者2：諜影行動》
• 《暗花》

電視劇

• 《潛行狙擊》
• 《使徒行者》
• 《EU超時任務》
• 《解決師》

惡搞歌曲

反修例運動期間，流傳住一首熱播嘅網絡改篇歌曲《肥媽有話兒》，呢首歌以「黑警」為主題，指控差人暴力對待市民，又認為黑警「唔做嘢又唔讀書」，最後以「黑警破壞香港法理」一句歌詞結尾。

香港警察應該遭受報應嘅觀點

内文：香港親中派同政府遭受報應嘅觀點

由2014年雨遮革命開始，香港社會兩極化，當有一啲親中建制派同香港政府公務員（特別係香港警察）面對一啲不幸新聞嘅時候，有一啲非建制派（由泛民主派、抗爭派、香港本土派、修憲派組成）聲音就會認為佢哋遭受報應，歡迎事件嘅發生。

親中派對於民間對警察不滿嘅反應

面對民間對警察不滿嘅反應，親中派不時會批評呢啲民間聲音，又提議設立辱警罪或者仇警罪，對付批評香港警察嘅人。

喺2021年9月，香港一名警員因辦案殉職，有部份對警察不滿嘅網民樂見事件，結果引來親中派嘅連番批評。例如，香港警察隊員佐級協會主席林志偉就指責呢啲批評香港警察嘅人冷血，話喺佢哋身上睇唔到人禽之別。不過，面對親中派嘅說法，就有民主派嘅聲音反駁，其實係香港警察冷血在先，兩年前反送中運動入面，警察就對一啲不幸離世嘅示威者講更加冷血嘅說話，例如公開挑釁其他示威者話要慶祝，稱呼佢哋係曱甴等等。